လက်ခတ်သံ

အရင် ပို့စ် မှာ .. 'လတ်ခတ်သံ' သီချင်းလေး ကို..နှစ်နှစ်သက်သက် တင်စား ပြီး ကာ မှ... အဲဒီ ရွှေခြည်ငွေခြည် တန်းပါလို့ ရုပ်ရှင်အဟောင်း လေး ကို တအား ပြန် ကြည့်ချင် စိတ် ပေါက်နေ မိတယ်။ 

အဲလို တုန်း.. တိုက်တိုက် ဆိုင်ဆိုင်ပဲ.. ဖေ့စ်ဘွတ်ခ် မှာ ညီမငယ် တယောက် ပြန်တင် ပေး ထားတာ တွေ့ တော့..၀မ်းသာ သွားလိုက်တာ။ ဖလင် ခေတ်က ရုပ်ရှင် အဟောင်းတွေ..ဓါတ်ပြားခေတ်က..သီချင်း အဟောင်း တွေ..ဘယ်က ဘယ်လို အင်တာနက် ခေတ်ကြီး မှာ.. ဟိုက..ဒီက..ထွက်လာ ကြ ပါ လိမ့် လို့..  တွေး နေ မိ သေးတယ်။ လက်ခတ်သံ လိုမျိုး.. အလင်္ကာကျော်စွာ  စိန်ဝေလျှံ ရဲ့..တခြားတခြား သော.. မြန်မာမူ လက်ရာ သီချင်း ကောင်း လေးတွေ.. ။ သန်းသန်းဆင့် ရဲ့..တခြား တခြား သော.. ဂရုဏာသံ နှော လေးတွေ။ ဘာပဲ ဖြစ်ဖြစ်.. နောက်လူ တွေ .. ကြည့်ရှု ခံစား နိုင် တာ.. ကောင်းတာပေါ့။

ခု လည်း ဒီ ရုပ်ရှင်လေး ကို သေချာ ပြန်ကြည့် ရင်း..ဖတ်ခဲ့ဘူး တဲ့.. မူရင်း ၀တ္တုလေးကို ပြန် အာရုံဖော်ကြည့် နေ မိ သည်။ ဆရာမ ခင်လှိုင်ကြူ ရဲ့.. ငွေတာရီ မဂ္ဂဇင်း ၀တ္တုရှည်လေး တပုဒ်ပဲ။ ၀တ္တု ခေါင်းစဉ်က.. လှိုင်းပုတ် တဲ့ လှေ.. ။  ချောင်းကလေး နဘေး မှာ.. အမျိုးသမီးလေး တယောက် နဲ့..ခလေးမ လေး တယောက် လှေ လွှတ်နေတဲ့ သရုပ်ဖော် ပုံကလေး .. အာရုံ ထဲ မှာ ရေးတေးတေး ပြန်ပေါ်လာ သည်။


ဒါဆို...

အေးဟဲ့..အမေ လည်း ဆိုရင်း ဆိုရင်း အဓိပ္ပါယ် တမျိုးပေါက်လာ တယ် ..  

ဆိုတဲ့.. ဒေါ်မေနွဲ့ ကြီး ရဲ့ စကားသံ နောက်က...လက်ခတ်သံ သီချင်းလေး ကို ရွေးနှုတ် တင်စား အသုံးးပြု ခဲ့ တာက.. ဒါရိုက်တာကြီး ဦးသုခ လား.... မူရင်း စာရေးသူ ခင်လှိုင်ကြူလား... ။ ရုပ်ရှင်ထဲ မှာ.. ဂီတစာဆို စိန်ဝေလျှံ အား ဂုဏ်ပြု ၍ လက်ခတ်သံ သီချင်းကို သုံးပါသည် ဆိုတော့.. ဦးသုခ ရဲ့.. အလင်္ကာ မြောက် ရွေးချယ်မူ ပို ဖြစ်နိုင်မည် ထင်သည်။  ငယ်စဉ် တုန်းက..အဆိုတော် လုပ်ခဲ့ဘူး တဲ့.. ဒေါ်မေနွဲ့ ကြီးကို.. သဘာဝ ကျကျ ကိုယ်တိုင် ဆို ခိုင်းခဲ့ တဲ့..ဦးသုခ ရဲ့.. စိတ်ကူး လေး ကပဲ.. ဒီ ရုပ်ရှင် တကားလုံးကို.. ပြောစမှတ် ပြု အောင် .. တသသ ကျန်ရစ်ခဲ့အောင် ဖြစ်သွား ခဲ့ တာ လို့..ထင်မိသည်။ ဒေါ်မေနွဲ့ကြီး အကယ်ဒမီ ရ ခဲ့တဲ့ အခန်း တခု လည်း ဖြစ်သွား သည်ပေါ့။

ရုပ်ရှင်တကား လုံး ကို ညီညီညွှတ်ညွတ် ပေါင်းစပ် ဖန်တီး ခဲ့ ကြတဲ့ ..ညွန့်ဝင်း.. ခင်ယုမေ..ချိုပြုံး စတဲ့..သရုပ်ဆောင် တွေ ရဲ့ ဟန်ပန် အမူအယာ တွေ က စလို့.. ဂီတ လုလင် ဦးကိုကို ရဲ့..ဂီတ တီးခတ် ဖန်တီးမူ တွေ အဆုံး.. အဲဒီ ခေတ် အခါက..အနုပညာ ထွက်ကုန် တခု ကို ..တလေး တစား ပြန်ပြီး ခံစား ကြည့် ရှု ဖြစ် သည်။ ပြီးတော့..ငယ်ငယ်က ပုံရိပ် တွေ.. ခံစားနားလည်မူ တွေ..။ တကယ့် သတိရ စရာ လေး တွေ ချည်းပါပဲ။ ငယ်ငယ်က ဆို.. ရုပ်ရှင်တကား နာမည် ကြီးပြီ ဆိုရင်.. လက်မှတ် ကို တအိမ်လုံးစာ အတွက်..တရက် နှစ်ရက် ကြိုဝယ်ကြ ရသည်။ ရုပ်ရှင်သွားကြည့်ရတော့မယ် ဆိုရင်..ညစာ ထမင်း တောင် ၀င်အောင် မစားနိုင် အောင် စိတ်က လှုပ်ရှား သေး တာ။ တအိမ်လုံး ဆွေမျိုးတွေ တသိုက်ကြီး.. မုန့်တွေ..ယပ်တောင် တွေ.. ဓါတ်မီးတွေ ကိုင်ပြီး သွားကြည့်ရတဲ့..အဲဒီ ခေတ် ကို.. အခုလို ကြိုက်တဲ့ ရုပ်ရှင် ကား ကို အိမ်မှာ ဆိုဖာပေါ်ထိုင် ဇိမ်နဲ့ ကြည့်နိုင်တဲ့ ခေတ်ကနေ..ပြန်ပြီး လွမ်းကြည့် မိ တော့.. ဟို တုန်းက တောင် ပိုပြီးတော့  ချိုမြိန်သလိုလို။

စာရေးဆရာမ ခင်လှိုင်ကြူ ကို လည်း၊  ၆၂ ကျောင်းသား ခေါင်းဆောင်ဟောင်း တယောက် လည်းဖြစ်.... အကျဉ်းထောင် ထဲ မှာ ကျဆုံး သွားတဲ့.. ခရမ်း မြို့နယ် အဖွဲ့ချုပ် ကိုယ်စားလှယ်  တယောက်လည်း ဖြစ်တဲ့.. ဦးတင်မောင်ဝင်း ရဲ့ ဇနီး အဖြစ် မသိ ခင် တုန်းက တော့.. အချစ် နဲ့ ဘ၀ ကို လှလှပပ ခြယ်မှုန်း နိုင်တဲ့.. စာရေးဆရာမ တယောက် အဖြစ် ..သူမ ရဲ့.. ၀တ္တုရှည် တွေ ကို..ငွေတာရီ တို့ မြ၀တီ တို့ ထဲ မှာ.. စွဲစွဲ လမ်းလမ်း ဖတ် ခဲ့ ဘူး သည် ။ ဗွီဒီယို ကား အဖြစ် ရိုက်ခဲ့ဖူး တဲ့.. မဂျိုးကိုဘယ်လိုပြောရပါ့   ဆိုတဲ့..၀တ္တုလေး ကို လည်း ခုထိ သတိရ စွဲလမ်း နေ မိ သေး သည်။ အဲဒီ တုန်းကလည်း နွေရာသီ ကျောင်းပိတ် ပြီ ဆိုတာနဲ့.. အိမ်က စာအုပ်ဗီရိုကြီးကို ဆွဲဖွ ပြီး၊ တမံတလင်းပေါ် အားလျား မှောက်ပြီး.. စာအုပ်တွေ တအုပ်ပြီး တအုပ် လှန်..၊ အချစ်ဝတ္တုတွေ..မမီမကမ်းနဲ့ ဖတ်..။ ဖတ်စရာကုန် ရင်.. ထပ်ပြန် တလဲလဲ ဖတ်။ တင့်တယ်..ကြည်အေး..သော်တာဆွေ..ရှုမ၀ ရုပ်စုံတွေ.. ဖတ်သာ ဖတ်ခဲ့တာ..။ သိပ်မမှတ်မိ တော့။ အခု ကြီးမှ..ကြိုက်တာလေးတွေ တခုခြင်း ပြန်ရှာ ဖတ်ဖြစ် ရတော့သည်။ ခုလို ဖတ်စရာတွေ သိပ်များလွန်းသော.. ( နောက်ဆုံး ဖတ်ဖို့ အချိန်ကို မပေးနိုင်လောက်အောင် ဖြစ်နေသော ) ခေတ်ကြီးက နေ.. အဲဒီ ရှားစပါးစ ဆိုရှယ်လစ် ခေတ်ကလေး ကို  ပြန်သတိရ မိ နေ ပြန် ပါ ပြီ။ ခက်..ခက်ရ ချေ။

ရုပ်ရှင် ကား တခု လုံး ထဲက.. လက်ခတ်သံ သီချင်းလေး ပါ တဲ့ အခန်းလေး ကို ပြန်ဝေမျှ လိုက်ပါတယ်။ 

စကားပြောခန်းလေး က..ရှေ့ မှာ သုံးမိနစ် စာလောက် တော့ .. ခံနေတယ်။ ဇတ်လမ်း အဆက်အစပ် သိရတာပေါ့ ။

ရုပ်ရှင် တကားလုံး ကြည့်ချင်ရင်တော့.. ရွှေခြည်ငွေခြည်တန်းပါလို့

◦

လက်ခတ်သံ

ရွှေခြည်ငွေခြည်တန်းပါစေ

၂၀၁၂ တဲ့ ။ နှစ်သစ် တခု ဆီသို့ ကူးပြောင်း ခဲ့ပြီ။ 

 ဆိုတော့… အရင် နှစ်ဟောင်းက..အကြောင်းတွေ ကို .. အကောင်း က များများ .. အစောင်း လေး နည်းနည်း .. ဖောက်ပြီး ပြောပြ ရ မည် လား။ 

အို..ဒီတနှစ် တော့..မနှစ်က လို မဟုတ်ဘူး.. တခုခု တော့ ဖြစ်ကို ဖြစ်ရမယ်  လို့.. တယောက်ထည်း  ကြိတ်ပြီး အားတင်း မျှော်လင့် ရ မည်လား။

ပုထုဇဉ် တွေ ဆို တော့ ကာ၊  အကောင်း တွေ ကို သာ ထုပ်ဖော် ချင် ၍ .. အကောင်း တွေ ကို သာ ပဲ.. ထပ်မံ မျှော်လင့် တောင့်တ မိ ပါသည် မှာ  သဘာဝ ကျ သည် မဟုတ်လား…။


++++++


တကယ်ဆို.. ဇန်န၀ါရီ ပင် ကုန်ခါနီး နေပြီ။ နှစ်သစ်ကြို မဲ့ စာ က.. ရေးဖို့ စခန်းကို မရောက် နိုင် ရှာ။
ပထမ တပတ် လုံး ခရီး ထွက်နေ ခဲ့ သည်။ ဒုတိယ တပတ်လုံး မိသားစု ကိစ္စ တခု နဲ့ ရှုပ်နေခဲ့ သည်။ အင်တာနက် ဖေ့ဘွတ် ဆိုတာ တွေ နဲ့ ခပ်လှမ်းလှမ်း ဖြစ် နေ ခဲ့ ရင်း.. ပိုပြီး ငြိမ်းငြိမ်းချမ်းချမ်း လည်း ရှိ နေ ခဲ့ သည်။ တတိယ အပတ် မှာ မှာတော့.. အင်တာနက် ကြီး နား ကပ်လာ နိုင် ပြီ ။

အချိန်ကောင်း ပေ ပဲ..။ မင်္ဂလာ သတင်း များ နဲ့ တိုး ပြီး၊ လွတ်မြောက်လာတဲ့.. နိုင်ငံရေး အကျဉ်းသား တွေ  ရဲ့ ပုံတွေ..သတင်း တွေ.. မမောတန်း ထိုင်ကြည့် ရင်း အပျော်လွန် နေ ခဲ့ ပြန် သည်။ ဘာ မှ လည်း ရေး ချင် စိတ် မရှိ ။ ဘာ မှ လည်း ရေးစရာ မလို အောင်ကို … ဖတ်စရာ တွေကြည့်စရာ တွေ နဲ့ .. တခွင် တပြင် လုံး ပြည့် နေ သည် လေ ။

တခြား ကမ္ဘာအခြမ်း တွေ မှာ ဘာတွေ ဖြစ်နေ မှန်း မသိ နိုင် တော့ လောက် အောင်ကို.. မြန်မာ သတင်း တွေ ကြားထဲ ခေါင်းစိုက် ဒိုင်ဗင်ထိုး ပြီး တော့ ကို အမီ လိုက် ဖတ် နေ ရ တဲ့ အဖြစ်။ လက်ရှိ သတင်းထူး တွေ အပြင်..လွတ်သွားတဲ့ သတင်း တွေ ကလည်း အဆက်အစပ် တွေ နဲ့ မို့.. လွှတ်ထား ခဲ့ လို့ မဖြစ်။

မီးတွေ လောင်တယ်တဲ့။
ရွေးကောက်ပွဲ ၀င် ဖို့ မှတ်ပုံတင် လိုက် ပြီ တဲ့..။
သာကူး တွေ တဲ့။
ဘာပဲ ကူးကူး..ကူးတယ်ဆို ကောင်းတာပဲ တဲ့။
လွတ်ကုန်ပြီ တဲ့..။
ကြိုဆို ကြတာ သောင်းသောင်းဖြဖြ တဲ့။
ငြိမ်းချမ်းရေး ရတော့မယ် တဲ့။
စစ်ပြေး ဒုက္ခသည်တွေ တော့ ပိုပို များလာတယ်တဲ့။
တပတ်အတွင်း ဆင်းပေး ရ မ တဲ့။
အရိုးတွေ တွန်ကုန်ပြီ တဲ့။
ပြန်ကြ တော့မယ် တဲ့..။ အလည် ပြန်ပြီး အရင် ကြည့်လိုက် အုံးမယ် တဲ့။
သူတို့တောင် ခွင့်လွှတ်ရင်..ခင်ဗျားတို့လည်း ခွင့်လွှတ်ကြ ပါတဲ့။
ခွင့်မလွှတ်ဘူး တဲ့။
ခွင့် လား.. လွှတ်ရ မှာ ပေါ့ တဲ့။
လမ်းပေါ်က..သတင်းစာ တွေ မှာ.. အထူးအဆန်းပုံတွေ ချည်းပဲ တဲ့။
မယုံ ဘူး တဲ့။
မယုံကြည်လည်း ယုံကြည့် ရ မှာ ပဲ တဲ့။
မယုံ ယုံယုံ … ယုံယုံယုံ.. ယုံကြည်မူ တည်ဆောက် ရ မယ် တဲ့။


၂၀၁၂ အတွက်.. စိတ်ဝင်စားစရာ အကြောင်း တွေ က.. တာကျိုးသလို တလဟော စီးဆင်း လာ နေ သည်။ အပြောင်း အလဲ ဆို တာ တချို့ ကို လည်း..ဗလောင်းဗလဲ အနည်းအပါး နဲ့ အတူ မြင်လာ နေ ရ သည်။  သေချာတာကတော့.. အဓိက ဇာတ်လိုက် တွေ အကုန်လုံး လိုလို ဇာတ်စင် ပေါ် ပြန် တက် လာ ကြ သည်။ ဒါဆို ပွဲ ပြီး တော့ မယ် လား။ မီးကတော့ မသေ လောက် သေးပေ။
-
အိမ်အလုပ် ဆိုတာမျိုးက..ကိုယ်ရပ်လိုက် မှပဲ ပြီးတာ မျိုး ဆိုသလိုပင်၊ သတင်းတွေ အတင်းတွေ အဖျင်းတွေ အညင်းတွေ က လည်း..ကိုယ် မကြည့်ပဲ နေ မှပဲ.. ကုန် မှာ ဖြစ်နေလေ တော့ ၊ ကွန်ပြူတာ ပေါ်မှာ ပွင့်နေတဲ့  စာမျက်နှာတွေ ရောင်စုံ တွေ  ကို ပိတ် ပြစ် လိုက် ယုံ သာ။
-
ဘာပဲပြောပြော..အခု လို အခြေအနေ တွေ ကြားထဲ မှာ .. ၂၀၀၉ ခု နှစ် က..နှစ်ဦးကို ကြိုရင်း.. စိတ်ကူးယဉ် အဖြစ် ရေးခဲ့ ဖူး တဲ့.. ဆယ်လမွန်ငါးတို့ အပြန်  ဆိုတဲ့.. စာ ကလေး တပုဒ် ကို တော့.. ပြန် သတိ ရ နေ မိ သည်။ သုံးနှစ် တောင် ကြာခဲ့ ပြီ။ အဲဒီတုန်း ကတော့..တကယ့်ကို စိတ်ကူးယဉ် အဖြစ် ရေးခဲ့ မိ တာ ပါ ။ တကယ်လည်း  ဖြစ်လာနိုင် တာ ပဲ -  လို့တော့..မရဲ တရဲ ထင်ခဲ့ မိ သည် ပေါ့။

 ညနေ..သုံး နာရီလောက်မှာ..အစီအစဉ်တွေ ပြီးဆုံးသွားတော့ လက်ဖက်ရည် နဲ့ စမူဆာ စားသုံးရင်း..ခန်းမတခုလုံး..ပြန်လည် ကျွတ်ကျွတ်ညံ သွားတော့သည်။ နှုတ်ဆက်သံ.. ချီးမွမ်းသံ.. ရယ်မောသံ.. အားလုံးက..ရင်ထဲက..အသံတွေ.. လွတ်လပ်ပျော်ရွှင်မူ စစ်စစ်ရဲ့.. အသွင်သဏ္ဍန်တွေ.. လှုပ်ရှားမူတွေ။ ခန်းမ ထဲက.. တီဗွီ ကလည်း.. မြန်မာ့အသံက..တိုက်ရိုက်လွှင့်နေတဲ့.. သဘက်ခါ မှာ ကျင်းပမဲ့.. ဒေါ်အောင်ဆန်းစုကြည် ရဲ့.. Inauguration Day အတွက်..မြို့တော်ခန်းမရှေ့..ပြင်ဆင်ပုံတွေ..။ အကျဉ်းသားတွေ လွတ်မြောက်လာပုံတွေ.. ကိုမင်းကိုနိုင်တို့..ဦးဝင်းတင်တို့ရဲ့ နဲ့ တွေ့ဆုံမေးမြန်းခန်းတွေကို... ထပ်ကာ ထပ်ကာ ထုပ်လွှင့်နေသည်။

တချို့လည်း တနာရီ ကျော် မောင်းရမည့် ခရီး အတွက်..ပြန်တဲ့လူတွေ ပြန်ကြပြီ။ သူတို့ အုပ်စုတော့.. မေရာက.. ခုည..ရွာသားတွေ လုပ်မဲ့ မီးပုံပွဲ ကို.. ဆက်နေပါ..ညအိပ်ပါ.. ဆိုလို့.. ဒီည မပြန်တော့ဘူးလို့..ဆုံးဖြတ်လိုက်သည်။

-
ဒါဆို..အခု အဲဒီ စိတ်ကူးယဉ် ထဲ ကလို တကယ် ဖြစ် နေ ပြီ မို့ လား။ 
-
အဲဒီထဲ ကလို  ဒေါ်အောင်ဆန်းစုကြည် ရဲ့ သမ္မတကျမ်းကျိန်ပွဲ ရယ်လို့ ဖြစ်မလာသေး ပေ မဲ့.. ပုဝါ နှစ်စ အသာချ ပြီး သဇင်တွေ ဝေ နေ တဲ့.. သူမ ရဲ့ အပြုံးမျက်နှာ ကို ၊ အခမ်းအနားတွေ မှာ၊ ခမ်းခမ်း နားနား မြင်တွေ့ နေ ရ ပြီ။  နေ့စဉ် နေ့တိုင်း ကို စောင့်ကြည့်  နေ ကြ ရ ပြီ။

  ဦးဝင်းတင် နဲ့ မင်းကိုနိုင် ရဲ့ မိန့်ခွန်း တွေ ၊ အဖြေ စကား တွေ ကို  ထပ်ကာတလဲလဲ ကြားနာ ဖတ်ရှု နေ ရ ပြီ။  

 နိုင်ငံရေး အကျဉ်းသား တွေ လည်း အတော်များများ လွတ်မြောက်လာ ကြ ပြီ။ 

အဲဒီ စိတ်ကူးယဉ်  ထဲက.. သူငယ်ချင်း တချို့ပင် မြန်မာပြည် ကို ပြန်သွားကြ ပြီ။ တချို့ ပြန်ဖို့ ကြိုးစား နေ ကြ ပြီ။ 

တလောကဆို.. နေဘုန်းလတ် ရဲ့ ပင်လုံ စာဖတ်ခန်း ဖွင့်ပွဲ မှာ စကားပြော နေတဲ့ ပုံကလေး ကို မြင်ရ တော့.. ရင်ထဲမှာ လှိုက်ကနဲ ဖြစ်သွားရင်း ..စိတ်ကူးယဉ် ထဲ က.. အနာဂါတ်သုတရပ်ဝန်း ဆိုတဲ့.. စာကြည့်တိုက် ဖွင့်ပွဲ လေး ကို သတိရ သွား မိ သည်။
-
ဒါဆို.. အဲဒီ စိတ်ကူးယဉ်  ထဲ က.. ကျမ ကိုယ်တိုင် က ရော…။ 
စိတ်ကူးယဉ် တယ် ဆိုတာ ..မျှော်လင့်တာ။ မျှော်လင့်တယ် ဆိုတာ မျက်မှောက်ပြုတာ လို့ ပြောနိုင်ယုံ က လွဲ လို့.. ခုထိတော့ ကျမ မှာ အဖြေ မရှိသေးပါ။


တကယ်တော့..ကျမ တို့ မြန်မာပြည်သူ ပြည်သား တယောက်ခြင်း ရဲ့ လူမူဘ၀ တခု ခြင်း စီ နဲ့ ယက်ရှယ် ထား တဲ့.. မြန်မာပြည် ရဲ့ အနာဂါတ် ဟာ..စိတ်ကူးယဉ် အိပ်မက်တွေ ထဲ ကနေ.. လွန့်လူးစ ပြု လာ နေ ပြီ လို့.. တော့ ဖြင့်.. ယုံကြည် ချင် လွန်း လှ ပါ ပြီ။


အဲဒီလို ယုံကြည် နိုင်ဖို့ အတွက် လည်း.. ကျမ တို့ အားလုံး ရဲ့ လူမူ ဘ၀ တခု ခြင်း စီ ကို..ကျမ တို့ ရဲ့..အားထုတ် လုပ်ကိုင် မူ တွေ နဲ့ပဲ..ယက်ဖောက် ပုံဖော် ကြ ရ မှာ ပဲ မဟုတ်လား။


ဟိုသီချင်း လေး ထဲ ကလို ဆိုရင်ဖြင့် .... ရွှေခြည် ငွေခြည်  တန်း ပါလို့..ယက္ကန်းရွှေစင် ကန်းရွှေစင် တွေ.. တန်းစီ နေ ကြ မှ..ဖြစ်ပေမည်။  ကျမ တို့ ရဲ့ လက်ခတ်သံ တွေ လည်း၊  မြိုင် နေ ကြ ရ ပေမည်။ ငယ်ငယ်တုန်းက..အင်မတန် နှစ်သက် ခဲ့ တဲ့.. ဆရာကြီး ဦးသုခ ရဲ့ ရွှေခြည်ငွေခြည်တန်းပါလို့   ရုပ်ရှင် ထဲက ..  မလေးလက်ခတ်သံ  ဆိုတဲ့ သီချင်းလေး ကို .. ဒီနှစ် ဦး မှာ.. ပြန်ကောက် ရ ရင်း .. ခဏ ခဏ  ဆိုညည်း မိ နေ သည်။ အကယ်ဒမီ ရ တဲ့ အထိ ပြောင်မြောက် လှ တဲ့..ဒေါ်မေနွဲ့ ကြီး ... ခလေး သိပ် တဲ့ အခန်း လေး ကို ပြန်သတိရ တော့.. ဇာတ်လမ်း ထဲက.. ဘ၀ တွေ..ချစ်ခင်မူ တွေ..နှောင်တွယ်မူ တွေ..ရှုပ်ထွေး မူ တွေ…။

ဘယ်သူဘယ်သူ ၀င်ကာပါ့.... ချည်ခင်ထွေး
ဘယ်သူဘယ်သူ ၀င်ကာပါ့... ချည်ခင်ထွေး
ရှင်းနိုင်ပါ့ မရှင် ..   …. ရှင်းနိုင်ပါ့မရှင်း.. ..

သိပ်ကို အလင်္ကာ မြောက် တဲ့ စာသားလေး တွေ ပါပဲ။ 

စိတ်ကူး မျှော်လင့်ချက် တွေ နဲ့..လက်ခတ်သံ တွေ မြိုင်နေ တဲ့ ကြား ထဲ ကပဲ..   ဘ၀ တွေ ဆိုတာ.. တခါ တခါ.. ချည်ခင် တွေ ထွေး သ လို ရှုပ်ထွေး ပွေလီ အခက် ကြုံ ကြ ရ တတ် ပြန် သေး တာ လေ။ အဲဒီတော့ လည်း ကိုယ့်ချည်ခင် ကိုယ်ရှင်း ကြ ရ ။ ပြီးတော့ လည်း .. ပျော်ပျော်ပါးပါး ယက္ကန်း တွေ ဆက်ခတ် ကြ ပေါ့။ 

မျှော်လင့်ချက် တွေ.. ချစ်ခင် မြတ်နိုးမူ တွေ.. အခက်အခဲ နဲ့ ရုန်းကန် လှုပ်ရှား အားထုတ် ရ ခြင်း တွေ အားလုံး ကို ၊ လှလှပပ ပေါင်းစပ် ထား တဲ့.. အဲဒီ သီချင်း လေး ကို ထပ်ပြန်တလဲလဲ နားထောင် ရင်း.. ရှေ့ဆက် ရ မဲ့.. လူ့ဘ၀ ကြီး ကို ချစ်စဖွယ် ကောင်းစွာ တရား သံဝေဂ လည်း ရနေမိ တယ်။

အဲဒီလို ဆိုတော့ ၊  ဘ၀ တခု ခြင်း စီ နဲ့ ပေါင်းစပ်ထားတဲ့.. ဟောဒီ လူ့ အ၀န်းအ၀ိုင်း တိုင်းပြည် နိုင်ငံ ကြီး တခု အတွက် မှာ လည်း.. မျှော်လင့်ချက် တွေ… အားထုတ်မူတွေ .. အရှုပ် အထွေး တွေ နဲ့ ပြည့်နှက် ..ရောယှက်နေ  လိမ့် အုံး မယ် ဆို တာ လည်း .. အသေအချာ ပါပဲလေ။

ဒါပေမဲ့…သီချင်းလေး ရဲ့ အဖွင့်လို ... ဘုရား ငုတ်တို ရောင်တော် လွှတ် မှ….ပုံတော်ဆင် ၀တ်ကြ ပါစို့ ..မောင်ကြီးရေ.. တော့်... လို့ တော့.. ငေ့ါတော့်တော့် လေး မဆို ချင် တော့ပါ။ 

ဘာပဲဖြစ်ဖြစ်လေ ... ဘ၀ တွေ အားလုံး နဲ့ အတူ.. ဒီနိုင်ငံကြီး လည်း ရွှေခြည် ငွေခြည်တွေ တန်းပါစေ  .. လို့.. နှစ်သစ် မှာ တော့..ဆုချွေ လိုက် ချင်ပါရဲ့။

--------

ကေ

၂၃ ဇန်န၀ါရီ ၂၀၁၂

ဆက်စပ်ဖတ်ရန်-

ဆယ်လမွန်ငါးတို့အပြန်

မှတ်ချက်- သီချင်း source အား ကျေးဇူးအထူးတင်ပါသည်။

◦

ရွှေခြည်ငွေခြည်တန်းပါစေ

သရုပ်ဆောင်ရွေးပွဲ

အညာသား ဖြစ်ရမည်
-

ဘာသာ စကား နိုင်နင်းရမည်
-

စာပေ အရေးအသား နီးစပ် သူ ဖြစ်ရင် ပို စဉ်းစားမည်
-

အလာ အသွား လှုပ်ရှားမူ များ ချင် များ မည်
-

ဟိုင်နန် ကျွန်း ကနေ ပျဉ်းမနား

-
နေသူရိန်  ပြီးတော့  ပင်လုံ

-
တက္ကသိုလ်ဂုဏ် နှင့် လည်း ကိုက်ညီ ရမည်
-

ရိုင်းတတ်ရမည် .. ရဲ တတ်ရမည်
-

ချစ်တတ်ရမည် .. စစ် ထွက် ရမည်
-

စွန့် ၀ံ့..ဆုတ် ၀ံ့..  နေ ၀ံ့..သေ ၀ံ့… အောင်ဆန်း ဖြစ် ၀ံ့ ဖို့ တော့ မလို

အောင်ဆန်း နဲ့ တူအောင် လေ့ကျင့် ပေးမည်
-

တလ အတွင်း ဆက်သွယ် ရန် ………။

++

အညာသား နဲ့ အတော့်ကို တူ

အောင်ဆန်း ဟန်ပန် နဲ့ အလွန် နီးစပ်

ဒါပေမဲ့.. အောင်ဆန်း နဲ့ တူအောင် လေ့ကျင့်ပေးဖို့ မလို

စွန့် ၀ံ့..ဆုတ်ဝံ့..နေ ၀ံ့..သေ ၀ံ့.. အောင်ဆန်း လို ဖြစ် ၀ံ့ သူ

ရာမည ဆောင် ကနေ.. အင်းစိန် ထောင်

သရက်ချောင် ကနေ.. မိုင်းဆက်..

နှစ်ရှည်လများ.. ခရီး တွေ ဆက် နေ ခဲ့ သူ

သမိုင်း တခု ကို .. သဏ္ဌာန် လုပ် သရုပ်ဆောင် မဲ့သူ တော့ မဟုတ်ဘူး

သမိုင်းတကွေ့ မှာ.. ပြတ်ပြတ်သားသား သန္နိဋ္ဌာန် ချ.. သရုပ် ဖော်ပြ ခဲ့သူ

တိုင်းပြည်အတွက် လိုအပ်ပါက

အချိန်မရွေး ဆက်သွယ်ရန်….... ။

၂၀၁၁ ဒီဇင်ဘာ ၁၈ ရက် နေ့ မှာ..အသက် ၅၀ ပြည့်သွား ခဲ့သူ .. ကျောင်းသား ခေါင်းဆောင် ကိုကိုကြီး အတွက်..လေးစား ဦးညွှတ်လျက်-

ကေ
(၁၉ ဒီဇင်ဘာ ၂၀၁၁)

◦

သရုပ်ဆောင်ရွေးပွဲ

ရသ နဲ့ သုတ - နည်းပညာ နဲ့ သဘာဝ - အဟောင်း နဲ့ အသစ် - ယခု နဲ့ ယခင်

မျက်ရှု ကနေ..နှစ်ပတ်လည် အတွက် စာတပုဒ် လောက် ရေးပါ လို့ ပြောလာသည်။ တကူးတက စာမူ တောင်းရ အောင် ၊ ကိုယ်က လည်း ဘာကြီးမှ မဟုတ် နေ ပါ လား။ မျက်ရှု ဆိုတာက ရော..ဘာလေး မို့ လဲ ။ 

မျက်ရှု ဆိုတဲ့.. စာမျက်နှာ လေး ကို.. ခုတလော ဟိုမှာ ဒီမှာ တွေ့ရင်း.. ပုံမှန် လို ၀င်ဖတ် ကြည့် နေ တာ တော့ ကြာပြီ။ စိတ်ဝင်စား စရာ၊ အနုပညာ စာပေ လက်ရာ အဟောင်း လေး တွေ လည်း တွေ့ ရ တတ် သည်။ ဖတ်ချင်စရာ .. ရသ - သုတ စာပေ လေး တွေ လည်း ၊ အကြောင်း စုံ သည်။ သတင်း လေး တွေ လည်း ကြိုကြား တွေ့ ရ သည်။ ခေတ်ပေါ် နည်းပညာ ကို အသုံးချ ပြီး ၊ စုစု စည်းစည်း အွန်လိုင်း မဂ္ဂဇင်း လေး တခု အမြုတေ ဖို့ ကြိုးစား နေ တဲ့ ၊ သူ တို့တွေ က ၊ မြန်မာပြည် ထဲက ၊ လူငယ် လေး တွေ ဆိုတာ သိရ တော၊ ပိုလို့ တောင်၊ စိတ်ဝင်စား မိ တော့ သည်။ ဒီစာမျက်နှာ လေး ပေါ် မှာ ၊ သူတို့လေး တွေ ရဲ့၊ ခေတ်အမြင် တွေ ကို တွေ့ လိုက် ရ သည်။ ခေတ်အကြိုက် လေး တွေ ကို လိုက်ဖတ် မိ သည်။ အထူးသဖြင့် တော့ ၊ အနုပညာ စာပေ အဟောင်းလေး တွေ ကို..လေးစား ထိန်းသိမ်း လို တဲ့..သူတို့ စိတ်ထား လေး တွေ ကို .. နှစ် လို မိ သည်။ 

ဒီလို နဲ့.. ဝေါဟာရအပြိုင် လေး တချို့ ၊ ခေါင်း ထဲ ရောက် လာ သည်။

ရသ နဲ့ သုတ.. နည်းပညာ နဲ့ သဘာဝ ... အဟောင်း နဲ့ အသစ်  .. 


++++++

တကယ်တော့...အေးလဲ့လေး.. ပြောလာတုန်း ကတော့၊ အတွေး ထဲ မှာ၊ စာစီ စိတ်ကူး ထား တဲ့၊  အကြောင်းအရာ လေး တွေ၊ နှစ်ပုဒ် သုံးပုဒ် ရှိ နေပြီး သားမို့၊ ၀မ်းပမ်းတသာ ပဲ ၊ ရသ လေး တပုဒ် ရေးပေး မယ်လို့.. ကတိ လွယ်လွယ် ပေး လိုက် မိသည်။ စိတ်ထဲမှာ လည်း၊ ၀တ္တုလေး တပုဒ် ရေးချင် စိတ် တအား ပြင်းပျ နေ သည် လေ။  “ ရှင်…၀တ္တုတွေ ရေး မနေ နဲ့..သိပ်မကောင်းဘူး ...ရိုးရိုး ဆောင်းပါး ပဲ ရေးပါဟာ ” လို့ .. အရင်းနှီး ဆုံး သူငယ်ချင်း တယောက် က.. ပွင့်ပွင့် လင်းလင်း အကြံ ပေး ထား တာတောင် ၊ အမှတ်မရှိ ရေးချင် နေ သေး သည်။ 

ဖြစ်ချင်တော့.. ပြီးခဲ့တဲ့ ရက်သတ္တပတ် တွေ မှာ၊ လူနေ မကောင်း..စိတ်နေ မကောင်း တွေ ဖြစ်ပြီး ၊ စာလေး တပုဒ် ရေး ဖို့တောင် အချိန်မရ ၊ ခံစားချက် တွေ ဖမ်းချုပ် ဆုပ်ကိုင်လို့ မရ အောင် ဖြစ်ခဲ့ ရ သည်။ ရတဲ့ အချိန်လေး မှာ ၊  စိတ်ကို အတင်း သွင်းပြီး ၊ ကွန်ပြူတာ ရှေ့ ထိုင်.. ဇာတ်လမ်းကလေး ကို စ ကြည့် သည်။ တပိုဒ်  နှစ် ပိုဒ် တော့ ဟုတ် သေး သည်။ တနာရီ နှစ်နာရီ .. ထိုင် စိတ်ကူး ။ မရ တော့...။ ဘာမှ ထပ်မရ တော့..။ တရက် နှစ် ရက် ထပ်ကြိုးစား လည်း ဘာမှ ထူး မလာ ။ ကိုယ်ရေးထား တာ ကြီး ကို လည်း မကြိုက် တော့။ ကိုယ့် ဇာတ်ကွက် တွေ ကပဲ မခိုင်မာ သလို ။ အဲလို နဲ့ ၊ မိုက်ကရိုဆော့ဖ် ၀ါ့ဒ် ရဲ့ စာမျက်နှာ တွေ သာ၊ အဟောင်း ပိတ်လိုက် ၊ အသစ် ဖွင့် လိုက် နဲ့ အချိန် တွေ ကုန်သွား သည်။ တမျက်နှာ တောင် ဖြစ်ဖြစ် မ မြည် ခဲ့ ။ အဲဒီ အကြောင်းလေး တွေက..စိတ်ကူး ထဲ မှာ တုန်းက တော့.. သိပ် ကို လှ နေခဲ့ တာ ပါ ။ ခုကျ တော့မှ..ဘာဖြစ်လို့.. ကြွ မလာ သလဲ။ 

စာတပုဒ် ဟုတ်ဟုတ် ညားညား ချ ရေး ဖို့ တကယ် မလွယ် ဘူး ဆိုတာ ခုမှ သိတာတော့ လည်း မဟုတ်ပါဘူး။ လျောက်လျောက်လျားလျား ရသ ၀တ္တု တပုဒ် ဖန်တီး ထုတ်လုပ်ဖို့က၊ ပိုပြီး ခက်ခဲ တယ် ဆို တာ ကို တော့.. သိပ်မကြာခင် က မှ .. လက်တွေ့ကျကျ ၀န်ခံ မိ တယ် ဆိုပါတော့။

 အနည်း နဲ့ အများတော့..လူတိုင်း လို ၊ စာရေး တတ် ပေ မဲ့ ၊ သူတပါး ဖတ်ချင်အောင် ၊ စွဲငြိ အောင် ၊ အနုပညာ သက်ဝင် အောင် ရေး နိုင်သူ က တော့ လက်ချိုး ရီ လို့ ရ နေ သည် မဟုတ်လား။   နုနုရည် (အင်းဝ) ရဲ့ မြစိမ်းပြာ ကမာရွတ် လို ၊ သိန်းဖေမြင့် ရဲ့ သပိတ်မှောက် ကျောင်းသား လို ၊ ကြည်အေး ရဲ့.. အပြင်ကလူ လို၊ ဂျာနယ်ကျော်မမလေး ရဲ့ - သွေး လို၊ ခင်ဆွေဦး ရဲ့ တို့တိုင်းဌါနီ လို ၊ မြသန်းတင့် ရဲ့ ဓါးတောင် လို.. တကယ့် ဂန္ဓ၀င် တွေ  .. အကြိုက်တွေ .. ခေါင်းထဲ တန်းစီ ပေါ်လာ တော့ .. ကြက်သီး များ တောင် ထ မိ သည်။ ပြီးတော့ .. ဆယ်တန်း မှာ သင်ခဲ့ ရ တဲ့ .. လေထန်ကုန်း ၀တ္တုကြီး ။ အဲဒီ တုန်းကတော့..သဒ္ဒါ တွေ၊ ဝေါဟာရ တွေ ကိုသာ အာရုံ ထား ခဲ့ ရ တာ မို့.. သူ့စာပေ အနု ရသ ကို တောင် သေချာ မခံစား မိ ခဲ့ ပါ ။ ခု ပြန်ဖတ် ကြည့် တော့မှ .. စိတ်ရှည် လက်ရှည် ရေး သား ပုံဖော် ခဲ့ တဲ့ .. သူ့ဇာတ်ကောင် တွေ .. ဇာတ်လမ်း ဇာတ်ကွက် တွေ ။ အဲဒါတွေ ထက်၊ ပို စိတ်ဝင် စား စရာ ကောင်း တာ က.. ဒီ ကမ္ဘာကျော် ၀တ္တု ကြီး ကို.. သူ့ဘ၀ တခု လုံး မှာ အဲဒီ တအုပ် ပဲ ရေး ခဲ့ တာ ဆို တဲ့ .. စာရေးသူ အင်မီလီ ဘရွန်တီ ။

 ကိုယ့်အတောင် ကိုယ်ပြန်နှုတ် ပြီး ယက္ကန်းယက် တဲ့ ပုံပြင်ထဲက ဗျိုင်းမလေး လို၊ သူ့ မပျော်ရွှင်မူ တွေ ကို ၊ တတိတိ နဲ့ ဆွဲထုတ် ဖန်တီး ခဲ့ တဲ့.. ၀တ္တု တွေ ရဲ့ အဆုံး ... ပင်လယ်ဆီ ကို ထွက်ခွါသွား တဲ့.. ဗာဂျီးနီးယားဝုဖ် ရဲ့... ဘ၀ အဆုံးသပ် က လည်း အသဲအေး စရာ ကောင်း လွန်း နေ သည်။ ၂၁ ရာစု အမေရိက ရဲ့ နာမယ်ကျော် ၀တ္တုရေး ဆရာ Franzen  ဆိုလျှင်၊ သူ့ရဲ့ နာမယ်ကျော် .. နောက်ဆုံး ၀တ္တု Freedom ကို .. ကိုးနှစ် ကြာအောင် ရေး ခဲ့ သည်။ စာရေး ခြင်း ကိုပဲ.. အသက်ရှု သလို ၊ ထမင်းစားသလို လုပ် ကိုင်ပြီး .. သူ စာရေး တဲ့ အချိန် ဆို .. အင်တာနက် ကို ပလပ် ကနေ ဆွဲ ဖြုတ် ထား သတဲ့ ။ စာရေး ဖို့ အတွက် သီးသန့် စီစဉ် ထား တဲ့ အခန်း ထဲ မှာ .. စကားပြော ခန်း တွေ ကို .. အသံထွက် ပြီး ရေး တယ် လို့ အင်တာဗျူး တခု မှာ ဖတ်လိုက် ရ သည့် ။  အံ့ဘွယ်သရဲ စာရေးနိုင်သူ များ ပါပေ။ 

အခုခေတ် စာဖတ် သူ တွေ ဟာ..  ခံစား ဖို့ ထက် .. သိ် ဖို့ အတွက် .. စာတွေ ပိုဖတ်လာ ကြ လိမ့် မယ် လို့. ...ဆရာ ကျော်ဝင်း ရေးခဲ့ တုန်းက၊ သဘောကျ ခေါင်းညိမ့် မိ ခဲ့ ဘူး သည်။ ကိုယ်တိုင် လည်း ရသ စာ တွေ ကို မဖတ်ဖြစ်ပဲ အတော်ကြာ အောင် နေ ခဲ့ ဘူး သည်။ လူတွေ နဲ့ လူ့ပတ်ဝန်းကျင် အကြောင်း သိနားလည် ဖို့ တင် မက .. ခံစားနည်းလည် ဖို့ လည်း လိုအပ် လှ သည် ဆို တာ ကို.. တကျော့ပြန် လက်ခံ ခဲ့ သည် မှာ .. သိပ် မကြာလှ သေး။ ခံစားနားလည် ရင်း .. သိ နားလည် သွား မည် ဆို လျှင် တော့ ၊ အတိုင်းထက် အလွန် .. ရသ ပေါ် သုတ ဆင့် ပေါ့ ။ သူတို့ နှစ်ခု ဟာ ပေါင်းစပ် နိုင် သည့် မိတ်ဖက် တွေ ပဲ မဟုတ်လား။ သေချာ တာ ကတော့.. လူသားတွေ ရဲ့ စိတ်အာဟာရ အတွက် .. ရသ- သုတ အချိုး  အစား ကျန ဖို့ သိပ်ကို လိုအပ် နေ ပေ ပြီ်။ 

အထူးသဖြင့် .. နည်းပညာ နဲ့ ရုပ်ပိုင်း ဆိုင်ရာက... ပိုပြီး အလေးသာ သလို ဖြစ် လာ နေတဲ့ ၊ အခု ခေတ် အချိန် အခါ မှာ.. ကိုယ်ကျင့် တရား ၊ အတွေးအခေါ် ပိုင်း နဲ့ လူ့သဘာဝ တွေကို နှိုက်နှိုက် ချွတ် ချွတ် .. နက်နက် နဲ နဲ.. လှလှ ပပ ဖော်ပြ ပေး နိုင် တဲ့ ၊ ရသ စာပေ ကောင်း တွေ .. ၀တ္တု ကောင်း တွေ ပိုလို့ တောင် လိုအပ် နေ တော့ သည်။ 

ထားတော့.. ရသ ပဲ ဖြစ်ဖြစ် သုတ ပဲ ဖြစ်ဖြစ်။ ခုအချိန် မှာ က.. ဆက်သွယ်ရေး နည်းပညာ တွေ ကြောင့်  စာရေး ချင်သူ တိုင်း လွယ်လွယ် ကူကူ .. ကောင်းကင်ထက် မှာ .. စာရေး နိုင်နေ ကြပြီ ..။  ရေး လည်းရေး နေ ကြ ပြီ မဟုတ်လား ။ စာဖတ်သူ တွေ ဆီ ၊ အလွယ်တကူ ရောက်ရှိ နိုင် နေ ပြီ မဟုတ်လား။ 

သို့ပေမဲ့... စာဖတ်ပရိသတ် ဆို တဲ့ အရေးအကြီးဆုံး  အချက် နဲ့ စာရေးဆရာ လား... စာရေးသူ လား ဆိုတဲ့ မေးခွန်းကြီး က တော့.. ရှိနေ သည်ပေါ့။ ပုံနှိပ်မှ စာကောင်းတာ လား...အယ်ဒီတာ ဖြတ်မှ စာကောင်း တာ လား ဆို တာ လည်း .. ဆန်းစစ် စရာ လို လာ သည်။ အရည် အသွေး ကောင်း လို့ လူတွေ ဖတ်သလား … လူ အဖတ်များ လို့ အရည်အသွေး တခု ရှိသွားသလား ဆိုတာလည်း.. စဉ်းစားစရာ ။ ဘာလို့ ဆို .. ဒီခေတ်မှာ စာတပုဒ် ဟာ.. လူတွေဆီ ကို ( စာဖတ်သူ လို့ မသုံး ပါ) များများ မြန်မြန် ရောက်ဖို့ သိပ်ကို လွယ်ကူ လွန်း လှ သည်။ 

ဆက်သွယ်ရေး နည်းပညာ တွေ အောက် မှာ ကမ္ဘာကြီးက၊ ပြားပြား လာ သလောက်... စည်းမျဉ်း ကန့်သတ်ချက် တွေ ကလည်း  ၀ါး..၀ါး လာ သည်။ ဆရာဝန် ဆေးစာ နဲ့ ၀ယ်ရ မဲ့ ဆေးတွေကို.. အင်တာနက် က တဆင့်..  လို သလောက် ၀ယ်ယူ လို့ ရ နေပြီ။  တန်ရာ တန်ဖိုး ပေးဝယ် ရ မဲ့၊ သားရေဖုံး ကဒ်ထူ စာအုပ် တအုပ် ကို၊ အီးဘွတ်ခ် ဆိုပြီး ကွန်ပြူတာ တက်ဗလက် တွေ ပေါ် မှာ.. အလကား ဖတ် လို့ ရ နိုင် နေ ပြီ။ မူပိုင် တကြိမ်ပြု ထားတဲ့ ၊ တေးရေးဆရာ တယောက် ဟာ ၊ အင်တာနက် ယူကျု ပေါ်က .. သူ့သီချင်း တွေ အတွက် .. ဘာ မှ ပြော လို့ မရ တော့ ပြီ။ 

နည်းပညာလှိုင်း ကို လူတွေက စီးနေကြ သ တဲ့ ။ ဒါဆိုရင် လှိုင်းလုံးကြီး တွေ ၊ ကြီးသထက် ကြီး လာရင်း ၊ လူတွေ နဲ့ လူ့ပစ္စည်း ၊ လူ့ အရည်အသွေး တွေ ကို ၀ါးမြို နစ်မြုပ် စေ မဲ့ အဖြစ်မျိုး တွေ ရော ဖြစ် မလာ နိုင် ဘူး လား။ 

ခက်တာက.. တောင်ပြိုတာကို လက် နဲ့ ကာ လို့ မရ ။ ခေတ်တခေတ် ပြောင်းလာ တာ ကို  ခေတ်အဟောင်း နဲ့ နှိုင်းယှဉ် ဆန့်ကျင် နေ လို့ လည်း မဖြစ် ။

တချိန်ချိန် မှာ၊ စာအုပ် ဆိုတာ တွေ ပျောက်သွား တော့ မလား …. သတင်းစာ တွေ မလို တော့ ဘူးလား…. လူတွေ တကယ့်ဘ၀ ထဲ ကနေ.. ပုံရ်ိပ်ယောင် ဘ၀ တွေ ထဲ မှာ ပဲ ရှင်သန် ကြ တော့ မှာ လား ….. အနတ္တ အမှန် တရား နဲ့ လူ့ ကျင့်ဝတ် ဆို တာ တွေက ပျောက်ကွယ် သွား တော့ မှာ လား …. နောက်ဆုံး ၊ မသေ နိုင် တော့ တဲ့ လူ တွေ နဲ့ ကမ္ဘာကြီးက လေးလံ ၀န်ပိ လာ တော့ မလား ….. ရူပသိပ္ပံ ပညာရှင် ကြီး စတီဖင် ဟောကင်း ပြောသလို ၊ အခု ထဲက တခြား ဂြိုဟ် ကမ္ဘာ တခုခု ၊ ရှာထား ရ တော့ မလား။ 

ကျမ ကိုယ်တိုင် ကတော့.. သဘာဝ ကို ယုံကြည် ချင်သူ သာ ဖြစ်ပါသည်။ နည်းပညာ ကို မကိုးကွယ် လို ပါ။ သဘာဝကြီးက ၊ သဘာဝ ကျကျ ၊ သဘာဝ အတိုင်း ၊ လှပစွာ လုံလောက်စွာ ၊ ပေးထားပြီးသား ၊ ရှိနေ ပြီး သား လို့ ထင်သည်။ မလုံလောက် မစေ့ငှ တော့ လို့ ၊  အကျည်းတန် အရုပ် ဆိုး လာ ခဲ့ ပြီ…. ကမ္ဘာကြီး မှာ ၊ အန္တရယ် တွေ များလာပြီ ဆို ရင် လည်း ၊ ဒါဟာ တရား ကိုယ် ၊ သဘာဝ တခု  သာ ပင်။ သို့ပေ မဲ့ ၊ အခု ခေတ် လို၊ နည်းပညာ ရဲ့ လွယ်ကူ ချောမွေ့မူ တွေ နဲ့ ၊ သဘာဝ ရဲ့ ပင်ကိုယ် အစစ်ဖြစ် မူ တွေ ၊ တွန်းထိုး ယှက်နွယ် နေ တဲ့ ၊ အနေ အထား မှာ ၊ တယူသန် ချင် နေ လို့ လည်း မရ တော့ ပြီ။  မသဲမကွဲ အယူအဆ တွေ ခေတ်မီ လာ သည် ။ ဝေေ၀ ၀ါးဝါး ကြားထဲက သုံးသပ် ရတာ က ၊ ပို အဆင်ပြေ တတ်သည်။ ( ယခု ရေးထားတဲ့ စာ လို မျိုး ပေါ့ )

ဘာပဲ ဖြစ်ဖြစ်.. အွန်လိုင်း ပေါ် က၊ ဖျတ်ဖျတ်လပ်လပ် သတင်း တို ထွာလေး တွေ .. ပေါ့ပေါ့ ပါးပါး စာကြောင်း လေး တွေ .. မတိုမရှည် စာမူ ဆောင်းပါး လေး တွေ ကို ပုံမှန် ဖတ် ဖြစ် နေ တဲ့ ကြား က .. လေးလေး လံလံ စာအုပ် ထူထူ တအုပ် ထဲ က ..  ခဲရာ ခဲဆစ် ၊ ခဲစာလုံး သေးသေး လေး တွေ ကို ၊ ရှည်ရှည် လျားလျား အချိန် တွေ ပေး ပြီး .. ဖတ်ချင် နေ သေး သည်။  ကွန်ပြူတာ တက်ဗလက် မျက်နှာပြင် ပေါ် က .. အီးဘွတ်ခ် ကလေး ကို တရွှပ် ရွှပ် ဟိုလှန် ဒီလှန် လုပ်နေ ရင်း .. စာအုပ်စင် ပေါ်က ၊ တကယ့် စာအုပ် တွေ ရဲ့ အနှောင့် လေး တွေ ကို  ခေါင်း လေး စောင်းပြီး ကြည့်ရင်း..လက်ချောင်းလေး တွေ နဲ့ ပွတ်သပ် ရွေးချယ် ရ တာကို  ပို ကျေနပ် နေ မိ သည်။  တပြေးတည်း လို .. ဝေမျှ ဖတ်ရှု ရင်း အပြန်အလှန် လေးစား ခင်မင် နေ ကြ တဲ့ ၊ စာရေးကောင်းသူ တွေ ကြား ထဲ ကနေ .. စာရေးဆရာ ဆို တဲ့ တကယ့် စာရေးသူ တချို့ ကို ၊ ငေးမော အားကျ တန်ဖိုး ထား နေ မြဲ ဖြစ် သည် ။ လူမူ ကွန်ယက် တခု ပေါ် မှာ.. ခင်မင်ထား တဲ့၊ သူငယ်ချင်း မိတ်ဆွေ တယောက် နဲ့ .. အယူ အဆ မတူ လို့ အငြင်းပွား ရ တာ ထက် ..  တခါမှ မသိကျွမ်း ဖူး တဲ့ လူစိမ်း တယောက်ကို..  ဈေးမှာ လူခြင်း ၀င်တိုက် မိ လို့ .. ဆောရီးပါ လို့ တောင်းပန် လိုက် ရ တာ က .. ပိုတောင် အဓိပ္ပါယ် ရှိ နေ သေး သည် ဟု .. ရွတ်တွတ်တွတ် ထင် မိ ပြန် သည်။ ကွန်ယက်ပေါ်က သူငယ်ချင်း က..  သူပြောချင်ရာ ပြောပြီး .. အစက်ကလေး နှစ်စက် နဲ့ လက်သဲကွင်းလေး တခု ပေါင်းစပ် ထား တဲ့ အပြုံး အရုပ်ကလေး တခု ပေး လိုက် တာ ထက် .. ခုနင်က ဆောရီး လို့ တောင်းပန် လိုက်လို့.. ရပါတယ်..လို့ ပြန်ပြော တဲ့ .. လူစိမ်း တယောက် ရဲ့ ၀တ်ကျေ တန်းကျေ အပြုံး စစ်စစ် တခု က.. ပို ပြီး ကျေနပ် စရာ ကောင်း သလို ။ အင်တာနက် ယူကျု မှာ.. သီချင်း မျိုးစုံ ကို.. စိတ်ကြိုက် မွှေနှောက်  နားထောင် ရ တာ ထက် .. ရေဒီယို မှာ အလှည့်ကျ လွှင့် တဲ့ .. သီချင်း အဟောင်းလေး တွေ ကို စောင့်နား ထောင် ခဲ့ ရ တဲ့ အချိန် တွေ ကို  လွမ်းဆွတ် နေ ရ သည် ကလည်း အရသာ။ 

အဟောင်း တွေ ကို ပဲ တမ်းတ ရင်း ၊ ရှေးရိုးစွဲ ခေတ်နောက်ပြန် ချင် တာ တော့ မဟုတ် ပါဘူး။ ခေတ်ဟောင်း တွေ ကို ၊ တန်ဖိုးထား ချင် မိ တာ ပဲ ဖြစ်မှာ ပါ ။ အဟောင်း နဲ့ အသစ် ရဲ့ ကွာခြားချက် ၊ ဒါမှမဟုတ် ၊ ယှဉ်တွဲနေတဲ့ အလှ ကို သာ၊ ဖော်ထုတ် စေ လို တာပါ။ အဟောင်း နဲ့ အသစ် ဆိုတာ၊ တကယ် တော့ ၊ လူကြီး နဲ့ လူငယ် ပဲ မဟုတ် လား ။ လူငယ်တွေ က၊ စွမ်းဆောင်အား ပို ကြီး ပေ မဲ့ ၊ အသစ် အသစ် တွေ ပို ဆန်းပြား လာ ပေ မဲ့ ၊ လူကြီး တွေ ကို ချောင်ထိုး ဖို့ မဖြစ်သင့် သလို ၊ အဟောင်း တွေ ကို လည်း ပစ်ပယ် လို့ မရ နိုင် ပေ။ 

ကျမ ကတော့ ၊ လူကြီး သူမ တွေ ကို မြင် တိုင်း.. သူတို့ နေရာ ကနေ ၀င် စဉ်းစား ရင်း.. ကြိုတင် အို ကြည့် တတ် သည်။ ဘ၀ တခု ကို သူတို့ ဘယ်လို ဖြတ်သန်း ခဲ့သလဲ .. အိုမင်း ခြင်းကို သူတို့ ဘယ်လို ရင်ဆိုင် သလဲ … သေဆုံးခြင်းကို သူတို့ ဘယ်လို မျှော်လင့် သလဲ စသဖြင့် ၊ တွေးစရာ မရှိ  ရှာကြံ ပြီး ၊သူများ အတွက်ပါ  ၀င်တွေး ကြိုတွေး နေ တတ်သူ ။ 

တလောက .. အမျိုးသား ဖက်က ၊ ဆွေနီး မျိုးစပ် တော် တဲ့.. အဘိုးကြီး ၊ အဘွားကြီး ဇနီးမောင်နှံ နှစ်ယောက် မှာ .. ခင်ပွန်းဖြစ်သူ ကွယ်လွန် သွားသည်။ တယောက် တည်း ကျန်ခဲ့ တဲ့.. အဘွားကြီး က၊ သတိရ စရာ တွေကို ရှောင်ရှား ချင် လို့ လား.. အိုစာ မင်းစာ လိုအပ် လို့လား တော့ မသိ.. သူတို့ အနှစ် လေးဆယ် လောက် အတူတူ နေထိုင် ပိုင်ဆိုင် ခဲ့ တဲ့ အိမ်ကျယ်ကျယ် လေး ကို ရောင်းပြီး.. အိမ်သေးသေး လေး တလုံး မှာ ပြောင်း နေ သည်။ 

အိမ်ပြောင်း ဖို့ ၊ သွားပြီး ကူညီ သိမ်းဆည်း ရင်း.. သီချင်း ချစ် တဲ့.. စာအုပ် ချစ် တဲ့.. ကျမ တို့ ဇနီးမောင်နှံ ကို  ဓါတ်ပြားစက် ကလေး နဲ့ အတူ .. ဓါတ်ပြားဟောင်း တချို့.. စာအုပ် အဟောင်း တချို့.. ပေး လာ သည်။ ၀င်းဦး ရဲ့ ဓါတ်ပြား ဟောင်းကြီး တွေ ကို၊ ၀မ်းသာ အားရ ကြည့်ရင်း.. အမွေလား လက်ဆောင်လား မခွဲ ခြား နိုင် ခင် မှာ၊ အဘွားကြီး ရဲ့ မျက်ဝန်း တွေ ကြောင့် ၊ သူတို့ မယူ ရက် နိုင် ပါ ။ ဒါပေမဲ့ ၊ ဒီ - ဓါတ် ပြားစက် ကလေး ရဲ့သမိုင်း နဲ့ အတူ ... အန်တီ့ မှာ တခြား လည်း ဘယ်သူ မှ ... ဒါတွေ ကို တမြတ်တနိုး ... လက်ဆင့်ကမ်း သိမ်းဆည်း မဲ့သူ မရှိဘူး... ကြုံလည်း ကြုံကြိုက် နေတာ မို့ လက်ခံပါ .. လို့ ဆို တာ ကြောင့် .. ဓါတ်စက် အဟောင်း လေး နဲ့ ဓါတ်ပြားဟောင်း လေး တချို့၊ ကျမ တို့ ဧည့်ခန်း ကျဉ်းကျဉ်းလေး ထဲ ကို၊ ရောက်လာ ခဲ့ တော့ သည်။  

အင်ဂလို ကပြား ဖြစ် တဲ့၊ သူတို့ ဇနီးမောင်နှံ နှစ်ယောက် က ၊ ၁၉၆၂ လွန် ကာလ ၊ မြန်မာနိုင်ငံ မှာ၊ အင်္ဂလိပ်နာမယ် နဲ့ ကပြားတွေ တွေ ကို၊ အစီအစဉ် ရှိရှိ ၊ မောင်းထုတ် နေတဲ့ အချိန်၊ တဖက် မှာ လည်း၊ လူဦးရေ နည်းပါးသေး တဲ့ သြစတြေလျ နိုင်ငံက ၊ လေယဉ် လက်မှတ် ဖိုး ပါ ပေး ပြီး၊ ခေါ်ယူ နေ တဲ့ အချိန် မှာ၊ ရောက်လာ ကြ တာ ပါ။ ရောက်ကာစ  နှစ်တွေ မှာ ၊ မြန်မာပြည် ကို လွမ်းလွန်း လို့၊ စိတ်ပြေလက်ပျောက် ဖြစ်အောင်၊ သူ့ အမျိုးသား က .. ၀ယ်ပေး ခဲ့ တဲ့၊ ဓါတ်ပြားစက်ကလေး နဲ့ ၀င်းဦး ရဲ့ မြန်မာ သီချင်း ဓါတ်ပြား တွေ ဟာ.. အခု တော့၊ ကျမ  အလွမ်းပြေ ဖို့ နားထောင် နေ ရ ပြီပေါ့။ 

ဒီစာလေး ကို ရေးနေရင်း ၊ အဟောင်း နဲ့ အသစ် အကြောင်း၊ ပိုပြီး ကွဲပြား ခံစား နိုင်အောင်၊ ၊ ဓါတ်စက် ကလေး ကို ဖွင့် နားထောင် မိ ပြန် သည်။ အရင် ကလည်း.. ခဏ ခဏ နားထောင်လေ့ ရှိ သည်။ သူက.. စီဒီ ပလောယာ က လာတဲ့ အသံ နဲ့ မတူ.. တမူ နှစ်သက် စရာ ကောင်းလှ သည်။ ပြောသာ ပြောတယ်.. ဒီ ဓါတ်ပြားစက် ကလေး က လည်း ..ရကတည်းက၊ ၀င်းဦး သီချင်း လေး တွေပဲ အပြန်ပြန် အလှန်လှန် နားထောင် နေခဲ့ရ တာ။ ရန်ကုန် ပြန်တုန်းက၊ လက်လှမ်းမီ သလောက် ၊မြို့ထဲက ဆိုင်တွေ မှာ လိုက်ရှာ ၀ယ် ပေမဲ့ လည်း.. တခြား မြန်မာ ဓါတ်ပြားသီချင်း အဟောင်းတွေ ဘယ်လိုမှ ရှာ မတွေ့ တော့ ။

ဆွေးမြေ့နေ တဲ့ စက္ကူပတ် ကလေး  ထဲ က.. ဓါတ်ပြားလေးကို ရွရွ လေး ထုတ် ။ ဓါတ်စက် ရဲ့ အခံ ပြားလေး ပေါ် ... သာသာ လေး ချ ။ အပ်ခြစ် တဲ့ မောင်းတံ လေး ကို .. ဖွဖွ လေး ဓါတ်ပြား စွန်းပေါ် တင် လိုက် လို့ ... ရှဲ…. ဆိုတဲ့ အသံလေး က စ ကြား ကတည်း က ကို.. ရင်ခုန် စရာ ကောင်း နေ ပြီ ။ ဟိုတုန်းက .. ရုပ်ရှင် မပြ ခင်.. အလံတော် ကို အရင် အလေးပြု တဲ့ အခါ .. မှုန်မှုန် ၀ါးဝါး ဖြစ်နေ တဲ့ ပိတ်ကား ပေါ် မှာ …' ဖြစ်' ဖြစ်'….'.ဖြစ်' ဖြစ်' နဲ့ မြည် နေ သလို မျိုး လည်း .. ဖွင့်ကာစ မှာ  ခဏ ကြား ရ လိမ့် မယ်။ ပြီးရင် အပ်ကလေး ငြိမ်သွား ပြီ ဆို တာ နဲ့ .. ပီသ ကြည်မြ တဲ့  ၀င်းဦး ရဲ့ တေးသံ သာသာ က .. မြို့မ တီးဝိုင်း ကြီး ရှေ့ ပဲ  ချက်ခြင်း ရောက် သွား သလို ။ တကယ်တော့ .. ပီသ တယ်လို့ပဲ  သုံးရင် ပိုမှန် ပေ လိမ့် မည်။ analog နည်း က .. မူရင်း သီဆို တီးခတ် မူ ကို ၊ နားထောင်သူ ဆီ  တိုက်ရိုက် ပို့ပေး လိုက် တာမို့ .. digital နည်း လို 1  တွေ 0 တွေ ... ခွဲ လိုက် .. ပြန်စုဖမ်း လိုက် လုပ်စရာ မလို .. ကြည်မြ နေဖို့ မလို ပဲ နဲ့ကို.. သဘာဝ အတိုင်း .. ပီသ နေ တော့ သည်။ 

ဒါဆိုရင် ... ကျမ တို့ တွေ သဘာဝ အတိုင်း ပီသ ချင် သ လား ... သဘာဝ ကို ခြယ်လှယ် ပြီး မှ၊  ကြည်မြ ချင် သလား ... ။ တွေး စရာ ....။ အဟောင်း တွေကို ပြစ်ပယ် ပြီး ၊ အသစ် တွေ နောက်ချည်း လိုက် ကြ မလား ၊ အဟောင်း နဲ့ အသစ် ကို ပေါင်းကူး ဆက်နွယ် မလား ဆို တာ ကတော့၊ တွေးစရာ မလိုပါ။ မေးစရာ လည်း မလို ပါ။  ကျမ တို့ တွေ အားလုံး .. နေ့စဉ် လူနေမူ ဘ၀ တွေ ထဲ မှာ၊ အသစ်အသစ် သော နည်းပညာ တွေ နဲ့ ရှင်သန် နေထိုင်ရင်း.. အသစ် အသစ်သော ကမ္ဘာ့အခင်းအကျင်း တွေ ထဲ.. စီးမြော တိုးဝင် ရင်း.. သမိုင်းတွေ ကို .. ပို… ပို စိတ်ဝင်စား လာ ကြ ၊ အဟောင်း တွေ ကို.. မြတ်မြတ် နိုးနိုး သိမ်းဆည်း စုဆောင်း နေ ကြ ရ သည် ပဲ။ 

အဟောင်းထဲက ၊ အကောင်းတွေကို ဂန္ဓ၀င် လို့ ဆို ကြ သည်။ လူသိများ ကြ သည်။ ထပ်ကာ ထပ်ကာ ခံစား ကြ သည်။ ကိုးကားကြ သည်။  ဂန္ဓ၀င် မဟုတ်ရင် တောင်.. သမိုင်းဝင် လိမ့် မည်။   သမိုင်းဝင် မဟုတ်ရင် တောင် .. သမိုင်း မတင် နိုင်တာပဲ ဖြစ်လိမ့် မည်။ တကယ်တော့.. အားလုံး သော အဟောင်း တွေ ဟာ..  သမိုင်း တွေ ပဲ မဟုတ်လား။  

ယခု ပင်.. ဓါတ်ပြားစက်က လွင့်ကျ လာ တဲ့ ၊ ၀င်းဦး ရဲ့ သီချင်းဟောင်း လေး တွေ ထဲ မှာ ၊ မြို့မ တီးဝိုင်း ကြီးကို မြင် နေ ရသည်။ မြိုမငြိမ်း နဲ့ သူ့ ရဲ့ နောက်ဆုံးနေ့ အကြောင်း တွေး နေ မိသည်။ မျက်စိ မမြင်ပဲ ဒီလို သီချင်း တွေ စပ် နိုင် ခဲ့ တဲ့ ၊ ဆရာညှာ ကို အံ့သြ နေမိသည်။ သူ့သီချင်း တွေကို၊ ယူ ဆိုချင်သလို ဆို၊ ဘာမှ တော့ ပြောင်းမပစ်ပါနဲ့ ဆိုတဲ့  ဦးဘသိန်း ရဲ့ မာန ကို ၊ ချီးမွမ်းနေ မိ သည်။  စစ်ပြီးခေတ် မန္တလေး မြို့ကြီး မှာ၊ အနုပညာ လူမူစီးပွား တွေ၊ ကြွယ်ဝ စည်ကား နေပုံ ကို မြင်ယောင် ကြည့် နေ မိ သည်။ မန္တလေး သင်္ကြန် ကြီး နဲ့ အတူ .. ဗျာပါဆံ ဆံထုံးလေး တဖက်တချက် မှာ စပယ်ပန်းကုံးလေး တွေ ပတ်ခွေ ထား တဲ့ … နိုင်လွန် အကျီ င်္ လက်ရှည် လေး မှာ  ရေ တွေ စိုကပ် နေ မဲ့… ဘယ်ကမှန်း မသိ တဲ့  အညတရ ယိမ်းသမ လေး တယောက် ကိုလည်း  အဖြူ အမဲ အာရုံ တွေ ထဲ မှာ.. ၀ဲလည် ရှာဖွေ နေ မိ တော့သည်။

ကေ

(၂၉ နိုဝင်ဘာ ၂၀၁၁) 


မျက်ရှု နှစ်ပတ်လည် အတွက် ပြီးခဲ့တဲ့ အပတ် က ၊ ရေးပေးခဲ့တဲ့ စာကလေးပါ။ မျက်ရှု  မှာ လည်း သွားရောက်ဖတ် ရှု နိုင်ပါသည်။

◦

ရသ နဲ့ သုတ - နည်းပညာ နဲ့ သဘာဝ - အဟောင်း နဲ့ အသစ် - ယခု နဲ့ ယခင်

ဖေဖေပြောတဲ့ ခေတ်သစ်ပုံပြင်

အသက်တွေ ကြီး ကြီး လာ လေ..ငယ်ဘ၀ တွေက..ပို ပို အဖိုးတန် လာ လေ .. ပို ပို ..တမ်းတ သတိရ စရာ ဖြစ်လေ...။

ခုချိန်မှာ စိတ်တွေ ကို အနားပေး ရင်း.. ငယ်ငယ်က.. ပုံပြင်နားထောင် ချိန်လေး တွေ ဆီ.. အလည် ပြန်သွား မိ တော့ သည်။

ဖေဖေ့ စာအုပ် ဗီရို ထဲ မှာ.. ရုရှပုံပြင် စာအုပ် အနီ ကြီး တအုပ် ရှိ သည်။ အတော် လေး ထူ ပြီး.. သားရေ ဖုံး အနီ ကြီး နှင့် မို့.. သာမန် အားဖြင့် ကြည့် လျှင်တော့..ကလေး တွေ နဲ့..လားလား မှ မဆိုင် သလို။ ဒါပေမဲ့.. နွေရာသီ ကျောင်းပိတ်ရက် တွေ မှာ..ညဖက် ဖုန် တထောင်းထောင်း ထ အောင် ဆော့ လှောင် ပြီး လို့..အိမ်ထဲ ပြန် ၀င် လာ တာ နဲ့.. စာအုပ် အနီ ကြီး ကို ကိုင်ပြီး ထိုင် စောင့် နေ တဲ့..ဖေဖေ့ ကုလားထိုင် ဘေး မှာ.. မောင်နှမ တ တွေ.. တိုးခွေ့ နေရာ လု ရ တော့ ပြီ။ သစ်ပင် အမြင့်ကြီး ပေါ် မှာ အဆင့်ဆင့် ဆောက်ထား တဲ့ ..စုံးမကြီး ရဲ့ အိမ် ကို ..စိတ်ထဲ၊ မျက်စိ ထဲ၊ အိပ်မက် ထဲ အထိ  စွဲ နေ လည်း၊ အကြိမ်ကြိမ် အထပ်ထပ် ကြည့် လို့ မ၀ ။ တယောက် တလှည့် အလည် ဖိတ်ရင်း ၊ ပညာ  ပြိုင် တဲ့ ၊ ငှက်ကြီး ၀န်ပို နဲ့ မြေခွေး ကြီး ကလည်း..စာအုပ်ကြီး ကို လှန် လိုက် တိုင်း အရှေ့ ဆုံး စာမျက်နှာ မှာ။ သူတို့ အကြိုက် ဆုံး က.. မြင်း နှစ်ကောင် က တဲ့..ရထား ကြီး နဲ့.. အလှူ သွား တဲ့ ၀က်သားအုပ်မ ကြီး။ 

 တူတွေ တူမ တွေ အပါအ၀င် ၊ ခုခေတ် ကလေး တွေ ပုံပြင် နားထောင် ကြ သေး သလား၊ စိတ်ဝင်တစား ရှိကြ သေး သလား တော့.. မသိ။ ဖေဖေ ကတော့.. ပုံပြင် တွေ ဆက် ပြောပြ ချင် နေ သေး ပုံ ရ သည်။ သူတို့ အားလုံး လည်း ၊ ဖေဖေ ပြောတဲ့ ပုံပြင် တွေ ကို ဆက် ပြီး နားထောင် ချင် နေ ပါ သေး သည်။

 သူတို့ အင်မတန် ကြိုက်တဲ့ ၀က်သား အုပ်မ ကြီး အကြောင်း ကို၊ ဖေဖေ က.. ပုံပြင် အသစ်ကလေး တပုဒ် ပြောပြ လာ ပြန်သည်။ ဒါပေမဲ့ တော့...ငယ်ငယ် တုန်း ကလို.. ဖေဖေ့ ဘေး မှာ ထိုင်ရင်း .. မေးခွန်းပေါင်း များစွာ မေး လို့ မဖြစ်တော့ ပါ။ မေးဖို့လည်း မလို တော့ ပါ။ ဖေဖေ့ အဝေး က သာ..အတွေးပေါင်း များ စွာ နဲ့.. လောက ကြီး အကြောင်း လူတွေ အကြောင်း ကို..ပုံပြင် ထဲ ကနေ.. ရှာဖွေ ကြည့် နေ မိ သည်။

 ပြီးတော့..ဖေဖေ စိတ်ဝင်စား တဲ့ ရွှေလေးနယ် က ရွာသားကြီး တွေ အကြောင်း။ လျင်လျင်မြန်မြန် ပြောင်းလဲ လာ တဲ့ ခေတ်ကြီး ရဲ့ အကြောင်း။ များများစားစား လိုအပ် လာတဲ့ စားဝတ်နေရေး ရဲ့ အကြောင်း ။ နည်းနည်းပါးပါး ပဲ..ကျန်ရှိ တော့ တဲ့..ရိုးသားမူ ရဲ့ အကြောင်း ။ အယူဝါဒ ရဲ့ အကြောင်း ။ လူသာ ပဓါန ရဲ့ အကြောင်း။ တိုက်ပွဲ တွေ အကြောင်း ။ ဆုတ်ပွဲ တွေ အကြောင်း ။ သိခြင်း အကြောင်း။ မသိခြင်း အကြောင်း။ ရှိခြင်း အကြောင်း ။ မရှိခြင်း အကြောင်း။   ကြီးခြင်း အကြောင်း ။ ငယ်ခြင်း အကြောင်း။

အကြောင်း ကြောင်း ကြောင့် အကြောင်းအပေါင်း သင့် ကြ ရ တဲ့ အကြောင်း။


 ++++++

ပဲခူး ရိုးမ တောင်တန်းကြီး တွေ ကို ကျောမှီ ထား တဲ့.. ဇာတိ ရပ် မြေ

ဒီဒေသ မှာ...ရွှေလေးချောင်း လို့ ခေါ်တဲ့  ချောင်းမကြီး တစင်း ရှိ ပါတယ်။ အဲဒီ..ရွှေလေးချောင်း ရဲ့  အနားမှာ ဒုတိယ ကမ္ဘာစစ် မတိုင်ခင်က ရွှေလေးကြိုးဝိုင်း လို့  ခေါ်တဲ့  ကျွန်းသစ် ကြိုးဝိုင်း ကြီး တခု ရှိပြီး..အဲဒီ ကြိုးဝိုင်း ကြီး နဲ့  ချောင်းအနီး တ၀ိုက်က ကျေးရွာ (၁၁) အုပ်စု ကို ရွှေလေးနယ်..လို့  စုပေါင်း ခေါ် ခဲ့ ကြ တယ်..။ အဲဒီ ရွာတွေက..ရွာသားတွေ ကို.တော့....ရွှေလေးသား တွေ လို့   နယ်တနယ်လုံးက ခေါ်ကြတယ်..။အရင်က သစ်ထုတ် လုပ်ရေး လုပ်ငန်းတွေကို ဆင်တွေ ..ကျွဲ တွေ၊ လူ အင်အားတွေ နဲ့ ပဲ..လုပ်ကြတော့..အဲဒီ ဒေသ တ၀ိုက်က ရွှေလေး သားတွေ ဟာ၊ ရွှေလေးကြိုးဝိုင်း နဲ့  ပတ်သက် တဲ့  အလုပ် တွေ ကို လုပ်ရ တဲ့  အပြင်...ကြိုး ၀ိုင်းပြင်ပ သစ်တောတွေ ထဲ မှာ..တောင်ယာ လုပ်ကြ..၀ါးခုတ်ကြရတယ်..။ အဲဒီတုံး က ရွှေလေးသား အတော် များများဟာ....ပင်ပန်းဆင်းရဲ စွာ အသက်မွေး ကြရပေမယ့် ..ရိုးသား ကြတာ များ ပါတယ်..တဲ့။

ဒုတိယ ကမ္ဘာစစ် အတွင်း..ဂျပန်တွေ စစ်ရှုံး ပြီး..ပဲခူးရိုးမ ကတဆင့် စစ်တောင်းလွင်ပြင် ကို ဖြတ်ကူးကြ တဲ့  အခါ..ရွှေလေးနယ် ဟာ..ဖြတ်လမ်းကျပြီး..စစ်အတွေ့  အကြုံ များခဲ့ ရသလို..ဒုတိယကမ္ဘာ စစ်ပြီးလို့ ..ပြည်

တွင်းစစ် ကာလမှာတော့ ပဲခူး ရိုးမ မှာ အခြေချ တဲ့ ကွန်မြူ နစ် တွေ နဲ့  နီးနီးကပ်ကပ် ဆက်ဆံ ခဲ့ ရတယ်..။ ရွှေလေးဒေသ မှာ၊ မတ်က်စ် လီနင် ၀ါဒ ကျောင်းတွေ..ဆေးကျောင်းတွေ ဖွင့် လှစ် ခဲ့ တာကိုလည်း ကြုံ ခဲ့ ကြ တယ်..။ ဗမာပြည် ကွန်မြူနစ် ပါတီ ရဲ့ အာဏာနီ နယ်မြေ အဖြစ်.. (၁၆) နှစ် လောက် တည်ဆောက် ခံရပြီး  တဲ့၊  ရွှေလေး နယ်..ဟာ....ကွန်မြူနစ် ပါတီ ကို ပဲခူးရိုးမ ကနေ တိုက်ထုတ် ပြီး ချိန်မှာတော့၊ .မြန်မာ့ ဆိုရှယ်လစ် လမ်းစဉ်ပါတီ ရဲ့  အဓိက စည်းရုံးရေးနယ်..ဖြစ် ခဲ့ ရပြန်ပါတယ်..။

အဲဒီ အချိန် မှာတော့၊ ရွှေလေးသားတွေ ဟာ..အစ ကလို..ဆင်းရဲ ရိုးအ လှသူတွေ မဟုတ်တော့ ဘူး..။ အတွေ့  အကြုံ တွေက စုံလှပြီ..။ ရှင်ကြီး ၀မ်းရော..ရှင်ငယ် ၀မ်းရော.ရှင်လတ် ၀မ်းရော....၀င်လိုက် ထွက် လိုက် လုပ်တတ်နေတဲ့  ရွှေလေးသားတွေ ဖြစ်နေ ခဲ့ ပြီ..။

၁၉၉၀ ရွေးကောက်ပွဲ ကာလ စည်းရုံးရေးဆင်း တုံးက..တွေ့ ကြုံ ခဲ့ တာ တွေ ကို..အခြေပြု ပြီး..ရွှေလေး

နယ်သားတွေ ကို ဂုဏ်ပြု ရင်း၊  .Russian Folk Tale ပုံပြင်စာအုပ်ပါ..The Cunning Muzhik ပုံပြင် ကို မှီးပြီး ရွှေလေးသား(ခေတ်သစ်ပုံပြင် ) ကို ရေးသား ထား ပါ တယ် ။ 


 ++++ ++++

 တခါက...ရွှေလေး နယ်က ရွာတရွာ မှာ အမေ အိုကြီး နဲ့  သားနှစ်ယောက် ရှိသတဲ့ ..။

သားအမိ တတွေ မိရိုးဖလာ အစဉ်အလာ အတိုင်း လုပ်ကိုင် စားသောက် နေတုံး..သားကြီး တယောက်.. တပ်နီ (ကွန်မြူနစ်တပ်) ထဲ ကို လိုက်သွားပြီး၊ .ပြန်မလာ ရှာတော့ ဘူး..။ သေသွားသလိုလို လည်း..ပြောကြသတဲ့ ။ အမေအိုကတော့ သူ့ သားကြီး မသေသေး ဘူး လို့ပဲ  ယုံကြည် နေရှာသေးတယ်..တဲ့။ သားငယ် နဲ့ ပဲ သားအမိ နှစ်ယောက်သားနေနေတုံး.. တနေ့မှာ..သားငယ်ဖြစ်သူ ခရီးသွား ရသတဲ့ ..။

 သားငယ် ခရီးသွားနေတုံး ဧည့် သည် လူစိမ်း တယောက် ရောက်လာတယ်..တဲ့ ။ ဧည့်သည် လူစိမ်း က `အဖွားရေ..တနေ့ လောက် တည်းခို ပါရစေ ..´´ လို့ ပြောတော့ ...အမေအိုက..``လာပါ..တည်းပါကွယ် ၊ ဒါထက်..မင်းက ဘယ် က လာတာ လဲ ´´ လို့  မေးလိုက် သတဲ့..။ လူစိမ်းဧည့် သည်က ``ကျနော်...ရေနီ..ကပါ´´ .. လို့ ပြောတော့  အမေ အိုက `` အမယ်..တပ်နီ နဲ့  ရေနီ နီးစပ်သား ´´ လို့ တွေးရင်း...၊ ``ဒါဆို..တပ်နီ ထဲ လိုက်သွား တဲ့  ငါ့ သားကြီး ကို များ မသိဘူးလား ´´ လို့ မေး သတဲ့ ..။ လူစိမ်းက `` သိတာပေါ့  အဖွါးရယ်..ကျနော် နဲ့ တအိမ် ထဲ တောင် နေခဲ့ ရသေးတယ်´´ လို့  ပြန် ပြောသတဲ့ ..။

 အမေအို က.. `` ဟယ်..ဟုတ်လား..သူအခု ဘယ်လိုများ နေထိုင် စားသောက် နေရသလဲ ကွယ်´´ လို့  စိုးရိမ်ပူပန် တကြီး မေးရှာတယ်..။

`` ဟာ..အဖွါးသား ကြီး က အရင်ကတော့  .. လယ်လုပ်တယ် ဗျာ..။ အခုတော့ သူ့ လယ်တွေ အသိမ်း ခံရလို့ ဆင်းရဲ ပြီး.. ကြုံ ရာ လုပ်စား နေရ ရှာတယ်..´´ လို့  လူစိမ်းက ပြန်ဖြေတော့ အဖွါး အိုခမျာ..``အလို..ငါ့ သားကြီး..ဆင်းရဲ နေရှာပါပေါ့ ´´ လို့  ၀မ်းနည်းပက်လက် ဖြစ်ရရှာတယ်..။

လူစိမ်းက..``ဒီလို ပေါ့  အဖွါးရယ်..ကျနော်လည်း သူ့ လိုပါဘဲ..။ဒါကြောင့် အရင်းအနှီးလေး နည်းနည်းရှိတုံး

အရောင်းအ၀ယ် လေး တခုခု လုပ်မယ် ဆို ပြီး..ဒီ ကို ရောက် လာတာပါ ဘဲ ..ဗျာ´´ လို့  ပြောသတဲ့ ။

အမေအိုက..`` ဟင်း..ငါ့ သားကြီးကကော..ဘာပြုလို့ များ..မင်းလို..ဒီနယ်ဘက် ကို..မလာနိုင် တာ တုံး´´ လို့  ကရုဏာ ဒေါသော နဲ့  ရေရွတ်ရှာတော့..

လူစိမ်းက..``စိတ်တော့မကောင်းပါဘူး..အဖွါးရယ်...ကျနော်တောင်..ခင်ဗျားတို့ နယ်ဖက်ကို ရောက်ချင်ရောက် မယ်..လိုက်ခဲ့ ပါ လား လို့ ..ခေါ် ခဲ့ ပါသေးတယ်´´ လို့  ပြန်ပြောတယ်။

အဖွါးအို က..``ဟုတ်လား..ဘာလို့  မလိုက်တာပါ လိမ့် ´´ လို့  မေးတယ်..။

`` သူ့ မှာ..ထသွား ထလာ ၀တ်စရာ အ၀တ်အစား ကလည်း မရှိ ..လမ်းစရိ တ် ကို မရှိရှာဖူး အဖွါးရယ်..´´ လို့ လူစိမ်းက ဖြေ လိုက် တော့ အမေအို ခမျာ.. မျက်ရည်လေး တစမ်းစမ်း ဖြစ်သွား ရှာတယ်..။ နောက်တနေ့  လူစိမ်း ဧည့် သည် ခရီး ဆက်မယ် ဆိုတော့ အမေအိုက.. ``ငါ့ မှာ ပင်နီ ဖျင် တအုပ်နဲ့ ငွေလေး ငါးထောင် လောက်တော့ စုထား တာ ရှိတယ်.. မင်း..ယူသွားပြီး..ငါ့သား ကြီး ကို ပေးလိုက်ပါ... အဲဒီမှာ..သိပ်ပင်ပန်းဆင်းရဲ နေရင်လဲ..ဒီကို သာ ပြန်လာခဲ့ ပါ ´´ လို့ မှာလိုက်သတဲ့ ။

``ကောင်းပါပြီ..စိတ်ချပါ ´´ လို့ ပြောပြီး ဧည့်သည်က ထွက်သွား ပါရော..တဲ့။

 ရက် အတော်ကြာတော့ ခရီးထွက် သွားတဲ့  သားအငယ် ပြန်လာ တယ်။ အမေအို က..သား အငယ် ကို ၀မ်းသာအားရ ပြောရှာတယ်..။

``သားငယ်ရေ..မင်း အိမ်မှာမရှိ တုံး..ရေနီ က ဧည့် သည် တယောက် ရောက်လာတယ်..။ တပ်နီက ငါ့သားကြီး အကြောင်း အကုန်သိပြီး ပြောပြသွားတယ်.. မင်းအကိုကြီး.. ဟိုမှာ ဆင်းရဲ နေတယ် ဆိုလို့  သူ့ အတွက် ပင်နီဖျင် တအုပ် နဲ့  ငွေငါးထောင် ပေးလိုက်တယ်..တိုက်တိုက် ဆိုင်ဆိုင် လူကြုံ ပေါ့ ကွယ် ..´´ တဲ့ ။

ဒီစကားကို ကြားတဲ့  သားငယ်ခမျာ..မောမောပန်းပန်း ဖြစ်သွားပြီး..

``အင်း..အမေ ကတော့ လုပ်ပြီ..။ကျနော်ကတော့ ပင်ပင်ပန်းပန်း လုပ်ကိုင်ရှာဖွေ နေရတာ..အမေ ဒီလိုသာ လျှောက် ပေး ကမ်း ပစ်နေတော့ .. မထူး ပါဘူးဗျာ..ကျနော် လည်း သွားတော့ မယ်...နေရာအနှံ့ ..ကမ္ဘာအနှံ့  .... ရောက်ချင်ရာ ရောက် ပစေတော့.. အမေ့  ထက် အ..တဲ့ သူ တွေ့  မှ ဘဲ ပြန်လာတော့မယ်´´ လို့ ဒေါသ တကြီး ပြောပြီး..ရွှေလေးသား ဟာ ရောက်ရာ ပေါက် ရာ ထွက်လာ ခဲ့ တော့တယ်..။

ဒီလို နဲ့  အ၀ှမ်း (မြေပြန့် ) က ရွာတရွာကို ရောက်လာတယ်..။ ရွာထဲ လျှောက်လာတုံး..သက်ကယ်မိုး ထရံကာ အိမ်စုတ်ကလေးတွေ ကြားထဲ မှာ..ခြံကျယ်ကျယ် နဲ့ သွပ်မိုး အိမ်ကြီး ရခိုင် တလုံး တွေ့  လိုက်တယ်..။

ခြံထဲ မှာလည်း..စပါးကျီ နဲ့  တင်းကုပ် နဲ့  ဆိုတော့ ..ဒါဟာ ချောင်လည် တဲ့ မြေရှင်တယောက် အိမ်..လား။

ကျေးရွာ အုပ်ချုပ် ရေး လူကြီးတယောက် ရဲ့  အိမ်လား လို့  ..ရွှေလေးသား က တွေးလိုက်တယ်  ။ခြံထဲမှာ ၀က်မကြီး တကောင် နဲ့  သားပေါက် ၀က် တအုပ်ဟာ ရွှံ့  တွေ လိုက် ထိုးနေတာ တွေ့  လို့  ရွှေလေးသားက

ဝက်မကြီး အနားကို ကပ်သွားပြီး..ခါးကုန်းပြီး..၀က်မကြီးကို စကားတွေ  ပြောနေလိုက်တယ်.။

ဒီအိမ်က ကျေးရွာ အုပ်ချုပ်ရေးမှူး အိမ် ဆိုဘဲ..။

အုပ်ချုပ်ရေးမှူး ရဲ့ မိန်းမက အိမ်ပြူတင်းကနေ ကြည့် လိုက် တော့ သူ့ ဝက်မကြီးကို လူတယောက်က အနားကပ်ပြီး တကုန်းကုန်း နဲ့  စကားတွေ ပြောနေတာကို ထူးထူး ဆန်းဆန်း မြင် လိုက်သတဲ့ ..။ ဒါနဲ့  သူ့ အိမ်မှာ ခိုင်းတဲ့  ကောင်မလေး ကို ခေါ်ပြီး..`` တို့ ဝက်မကြီး အနား မှာ လူတယောက် ကုန်းကုန်း ကုန်းကုန်း နဲ့ ဘာတွေ လုပ်နေတာလဲ..သွားမေးစမ်း ´´လို့  ခိုင်း လိုက်သတဲ့ ။

အိမ်ဖော် ကောင်မလေး က ရွှေလေးသားအနား ကပ်သွားပြီး`` ရှင်..ဘာတွေ လုပ်နေတာလဲ ၊၀က်မအနားတကုန်းကုန်း နဲ့  ..´´ လ်ို့ မေး လိုက်တယ်။

``ကလေးမ ရေ.. မင့် အိမ်ကြီးရှင်ကို ပြောလိုက်ပါ..၀က်မကြီး ပိန်သွားလိုက်တာ..ဒီ ၀က်မကြီးဟာ ငါ့ မိန်းမရဲ့  အစ်မတ၀မ်းကွဲ ပဲ.. သူ့ ကို ငါ့ သားရဲ့  မင်္ဂလာဆောင် မှာ သတို့ သား ဖက်က လူကြီး တယောက် အဖြစ် လာ ဖိတ် တာပါ.. သူ့  ကလေးတွေ ကော..လူပျို ရံ အပျို ရံ တွေ ပေါ့ ကွာ..မင့် အိမ်ကြီးရှင်ကို သွားပြောချည် ပါ...သူတို့ ကို မင်္ဂလာဆောင် ကို ထဲ့  လိုက်ပါဦး လို့  ´´ ရွှေလေးသားက ပြော လိုက်သတဲ့ ။

အုပ်ချုပ်ရေးမှူး ကတော် အိမ်ရှင်မလည်း ဒီလို ပြောသံကို ကြားတော့..``ဒီ တောသား..အ..တတ  ၀က်မ

ကြီးကို များ မင်္ဂလာဆောင် ဖိတ်ရတယ် လို့ .. အေးပါ ဟယ်..သူများ တွေ ပိုပြီး  ရီစရာ ဖြစ်အောင်ဝက်မကြီးကို အ၀တ်တွေ ဘာတွေ ၀တ်ပေးလိုက် စမ်း.. ငါ့ ကို လာကန်တော့ ထားတဲ့ အထဲက ဟို .. ပါတိတ် ၀မ်းဆက် အ၀ါ လေး ဆင် ပေးလိုက် စမ်း.. ပြီးတော့ ၀က်ကလေး တွေပါ လိုက် နိုင် အောင် လှည်းတပ်ပြီး တင်ခေါ်သွား ပစေ  နွားနှစ်ကောင် ဆင်ပေးလိုက်..ကြစမ်း´´ လို့ သူ့အိမ်က စာရင်းငှားကောင်လေးတွေကိုပါ..၊ အမိန့်ပေးလိုက်တယ်...။ စိတ်ထဲမှာတော့..``အင်း..အိမ်က ထော်လာဂျီက...အရေးထဲ..စပါးသွားဆွဲနေရသေးတယ်.. ထော်လာဂျီ နဲ့  ဆို ပို ခမ်းနားမှာ ပဲ ...´´ လို့  တောင် တွေးနေမိသေး သတဲ့ ..။

ဒီလို နဲ့  ရွှေလေးသားဟာ နွားနှစ်ကောင် ကို လှည်းမှာ တပ်ပြီး..ပါတိတ် ၀မ်းဆက် ၀တ်ထားတဲ့  ၀က်မကြီးနဲ့ ၀က်ကလေးတွေ ကို...လှည်းပေါ်တင်ပြီး..အုပ်ချုပ်ရေး မှူးကတော် ကို လက်ပြ နှုတ်ဆက်ကာထွက်သွားသတဲ့ ။

တော်တော် ကြာတော့ အုပ်ချုပ်ရေးမှူး က မော်တော်ဆိုင်ကယ် တဘုံးဘုံး နဲ့ ပြန်ရောက် တယ်..။

အိမ်ပေါ် တက်လာတဲ့..  အုပ်ချုပ်ရေးမှူး ကို.. သူ့ မိန်းမက အနားကပ် သွားပြီး..ရီကာမောကာနဲ့ ``အကိုရေ..အကိုတော့ ရယ် စရာတခုနဲ့  ကပ်လွတ်သွားတယ်´´ လို့  ပြော လိုက်သတဲ့ ..။  သူက ပြောရင်းတောင် အရယ် မရပ် နိုင်သေး ဘူး..။

``တောသား နဲ့  တူပါတယ်..လူခပ် အအ တယောက် လေ..ကျမ တို့ အိမ်က၀က်သားပေါက် ကလေးတွေ နဲ့  ၀က်မကြီးကို လေ...သူ့ မရီးဝမ်းကွဲ တော် သတဲ့  ..သူ့ သား မင်္ဂလာဆောင် မှာ သတို့ သားဖက်က လူကြီးအနေနဲ့  ကြွပါတဲ့  ..လာဖိတ်နေတာတော်..တကယ်ရီရတယ်..အကိုရဲ့ .. ပြီးတော့ ..၀က်ပေါက် ကလေး တွေကိုရော..လူပျို ရံ အပျို ရံ လိုက်ခဲ့ ပါတဲ့  ..ရီ ရတယ် တော်´´ လို့  ဆိုတော့

``အင်း..မင်း ဘာလုပ် မယ် ဆိုတာ..ငါသိနေပြီ ´´ လို့  အုပ်ချုပ်ရေးမှူးက ဖြတ်ပြောတယ်..။

``မင်း..၀က်မကြီး နဲ့  ၀က်ကလေးတွေ ပေးလိုက်တယ် မဟုတ်လား´´ လို့  လည်း ဒေါနဲ့ မောနဲ့ ဆက်မေးလိုက်တယ်..။ အုပ်ချုပ်ရေးမှူး ကတော်က..မျက်နှာကို ခပ်တင်းတင်းလေး မော့ ပြီး ``အင်းလေ..အကို ရဲ့  .သတို့ သားဖက်က လူကြီး လုပ်ရ မှာ ဆိုတော့ တင့် တင့် တယ် တယ် ဖြစ်အောင် ပါတိတ် ၀မ်း ဆက် တောင် ဆင်လိုက်သေးတယ် .. ခန့်ခန့်ညားညား ဖြစ်အောင် လှည်းတောင် နွားတပ်ပြီး ပးလိုက်သေးတယ်.. အဲဒီအချိန် ..ထော်လာဂျီ ပြန်မရောက်သေးလို့ ..နောက်မို့ ဆို..´´လို့ ပြောနေတုံး..

အုပ်ချုပ်ရေး မှူးက ရှူးရှူး ရှားရှား နဲ့  ...

``အဲဒိကောင်..အခုဘယ်ဖက်ကိုသွားသလဲ..သူက ရီစရာ အရူးမဟုတ်ဖူး..ကွ... ရူးတာက..မင်း..ကွာ ရီစရာကောင်း  တာက..မင်း..ကွ´´ လို့  အော်ဟစ်ပြီး..မော်တော် ဆိုင်ကယ် ကို ၀ူး..ခနဲ  စက်နှိုးပြီး..ခြံ ထဲက ထွက်သွားတယ်။

 ခြံပြင် ရောက် တော့ မှ..သူတပည့်  စွမ်းအားရှင် တွေကို မေးပြီး ရွှေ လေးသား လှည်းမောင်း ထွက်သွားတဲ့  ဖက် ကို လိုက် ပါ လေရောတဲ့ ..။ ရွှေ လေးသား လည်း နောက် ဖက်  ခပ်လှမ်းလှမ်းက မော်တော်ဆိုင်ကယ် သံ တဘုံးဘုံး ကို ကြားတော့ ၀က်သားအမိတွေ ပါတဲ့ လှည်းကို တောနက်ထဲ မောင်းသွင်းပြီး ခြုံ အကြီးကြီး တခုအောက်ကို.. ထိုးသွင်း ထား လိုက် ဖို့.. နေရာ ရှာ သတဲ့ ..။ တောကျွမ်းတဲ့  ရွှေလေးသားတောင် ခြုံ ကောင်းကောင်း တောကောင်းကောင်း တွေ့ ဖို့  တော့ ချွေးပျံ အောင် ရှာ လိုက် ရသေးသတဲ့.. ဘာလို့ ဆို..  တောတွေက အုပ်ချုပ်ရေးမှူး လက်ထက်မှာ မီးသွေး တွေ ဖြစ်ကုန်ကြ လို့  တောပြုန်းသလောက်ဖြစ်နေ လို့  တဲ့ လေ..။

ဒါပေမယ့်၊ ရွှေလေးသား ပဲ လေ.ဒီလောက်ကတော့ အပျော့ ပေါ့.။

စိတ်ချရ အောင်..ဖုံးဖိ ပြီးမှ ရွှေလေးသား ဟာ လမ်းနံ ဘေးကို ပြန် ထွက်လာပြီး..သေသေချာချာ ကျကျ နန ထိုင်..ခေါင်း ပေါ်မှာ ဆောင်းထား တဲ့  ရွှေလေးနယ်ထွက် ၀ါး ခမောက် ကလေးကို ချွတ်ပြီး သူ့ ရှေ့ မှာ ချ ထားလိုက်သတဲ့ ..။

ခဏကြာတော့ မော် တော်ဆိုင်ကယ် နဲ့  အုပ်ချုပ်ရေးမှူး ရောက် လာပြီး..လမ်းဘေးမှာ ထိုင်နေ တဲ့ ရွှေလေးသားကို မေးလိုက်သတဲ့ ..။

`` ဟေ့ လူ..ဒီအနား တောသား တယောက် ၀က်တအုပ်လှည်းပေါ် တင်မောင်းသွားတာ မတွေ့ လိုက်ဖူးလား ´´

ရွှေလေးသားက ခပ်အေးအေးပုံစံ နဲ့ ``မတွေ့လား..´´ လို့  ပြန်ဖြေ လိုက်တယ်..။ ဒါဟာ ရွှေလေးသား တွေ သုံးလေ့ ရှိတဲ့ အပြော တမျိုး လေ..။  ဟုတ်တယ်..ရှိတယ် ..လို့  ပြောချင်ရင်..မဟုတ်လား... မရှိလား ..လို့  ပြောတတ်ကြ သကိုး..။ အခုလည်း..ရွှေလေးသား က တွေ့တယ် လို့ ဆိုလိုတာပါ..။ဒါကို အုပ်ချုပ်ရေးမှူးက နားမလည် ဘူး.. ။ ဒီလူ..သူ့ ကို ဂရုမစိုက်..မထုံတက်တေး နဲ့  ဘာအချိုး ချိုးနေတာ လဲ လို့  ထင် လိုက်တယ်..။

ဒါ..ဟာ ရွှေ လေးသားတွေ ရဲ့  အာဏာ နီ နယ် မှာ (၁၆) နှစ် လုံးလုံး အသက်ရှင် နေထိုင် နိုင် တဲ့  နေနည်းဆိုတာကို အ၀ှမ်း(မြေပြန့် ) က အုပ်ချုပ်ရေးမှူး နားမလည် ဘူးတဲ့ ..။

ဒါကြောင့်..`` ဘာလဲကွ..မင်းက..ဘာပြောတာ လဲ..´´ လို့  ထပ်မေးသတဲ့ ။

`` ဟိုးဖက် သွားတယ် လေ..´´ လို့  ရွှေလေးသားက လက်ကို တနေရာရာ ဝှေ့ ယမ်းပြ လိုက်သတဲ့ ..။ ဒါနဲ့ အုပ်ချုပ်ရေး မှူး လဲ..အဲဒီဖက်ကို မော် တော် ဆိုင်ကယ် မောင်းပြီး ထွက်ခဲ့ တာပေါ့..။ ဒါပေမယ့် ရှေ့ မှာ ရွှေလေးချောင်း ကြီး ပိတ် လို့  ..။ တံတား လည်း မရှိ..။ ဟို ဖက် ကမ်းကို လှမ်းကြည့် တော့ လည်း.. လူလမ်း လှည်း လမ်း ..ဆိုလို့ ဘာမှ လှမ်းကြည့် လို့ မတွေ့ ဘူးတဲ့။ အုပ်ချုပ်ရေး မှူး လည်း ဒေါကန်ပြီး ပြန်လှည့် လာတယ်.. ။ရွှေ လေးသား ရဲ့  အနားကို ရောက်တော့..

`` ဟေ့ လူ..အဲဒီဖက် သွားတာ သေချာလား ´´ လို့  ထပ်မေးလိုက်သတဲ့ ။ ရွှေလေးသားကတော့ ခပ်တည်တည် နဲ့  ``မသေချာလား´´ လို့  ပြောလိုက်သတဲ့ ။

``လမ်းပိတ် နေပြီ ကွ..ချောင်းကြီး တားလို့ ..တံတားလည်းမရှိ..ချောင်းကူးလမ်း လည်း မတွေ့ ဘူး ..လို့ ပြောရင်း..အုပ်ချုပ်ရေးမှူး ကျွဲ မြီး တို စပြု လာတယ်...တဲ့ ။

ရွှေ လေးသားကတော့..`` မရှိလား...ကျုပ်တောင် အဲဒီဖက် ကမ်း က လာတာ လို့  ´´ ခပ်အေးအေး ဘဲ ပြန်ပြောသတဲ့ ..။

အုပ်ချုပ်ရေးမှူး. က..`` ဒါ ဆို..ငါ နဲ့  လိုက်ခဲ့ ..ကွာ  ဒီ လှည်းနဲ့ လူကို ငါ လိုက် ဖမ်းရမယ်..´´လို့ ခပ်တင်းတင်း ပြောလိုက်သတဲ့ ..။

``မလိုက် နိုင် သေး..ဘူး၊ ဒီမှာ ..စောင့် နေရ တာ ´´..လို့  ရွှေလေးသား ကပြန်ပြော လိုက်တယ်။

``ဘာ ..စောင့် နေတာလဲ´´

`` တောက် တဲ့ ..´´

'ဖွီ.. တောက်တဲ့.. တောက်တဲ့ က ဘာလုပ်ဖို့ တုန်း " လို့ အုပ်ချုပ်ရေးမှူးက မေးတော့ ရွှေလေးသားက  မသိရန် ကော ဆိုတဲ့  အကြည့်  နဲ့  ကြည့် ရင်း..``အံမာ..ဆယ့် ငါးကျပ်သား တကောင် ဆို..သိန်းသုံးဆယ် လောက် ရ တာဗျ´´ လို့  ပြော လိုက် တယ်..။

အုပ်ချုပ် ရေးမှူးက အံ့ သြ တကြီး နဲ့ ..

``နေပါဦး..တောက် တဲ့  ဆိုတာ..သစ်ပင် တို့ ၊ သစ်ခေါင်း..တို့ ၊ အိမ် ထရံ ကြား တို့ မှာ နေတာ မဟုတ်လား´´ လို့  မေး တော့..ရွှေ လေးသားက..

`` အင်းလေ..ဒါ့ ကြောင့်  ဒီ တွင်း ထဲ ၀င်သွားတဲ့ ကောင် ဟာ..ဒီအထဲ မှာကြာ ကြာ နေနိုင် မှာမဟုတ်ဘူး။ပြန် ထွက် လာမှာ မို့  ခမောက် နဲ့  အုပ်ပြီး စောင့်  နေတာ´´ လို့  ပြန် ပြော လိုက်သတဲ့ ..။

အုပ်ချုပ်ရေး မှူး လည်း ခဏ တော့ တွေ သွားတယ်..။ပြီး တော့ မှ မေးလိုက်တယ်..။

``မင်း..မော်တော် ဆိုင် ကယ် စီးတတ်သလား..´´ ဆိုတော့ ရွှေ လေးသားက ထုံးစံ တိုင်း``မတတ်လား´´ လို့  ပြန် ဖြေသတဲ့ ..။ သ ဘောက တော့ တတ် တယ် ပေါ့ ..လေ။

``ဒီ လို လုပ်ကွာ..မင့်  တောက်တဲ့  ကို ငါ စောင့် ပေးမယ်... မင်းကငါ့ မော် တော် ဆိုင်ကယ် စီးပြီး ၀က်တအုပ် ကိုလှည်းနဲ့ တင် ခေါ်သွား တဲ့  လူ ကို လိုက်ရှာကွာ..။မင်းလည်း..အဆင်ပြေ စေရမပေါ့ ..´´ လို့  အုပ်ချုပ်ရေးမှူးက ပြော လိုက်တယ်..။ရွှေ လေးသား က ခဏ စဉ်းစားပြီး ပြန်ပြောတယ်..။

``မဖြစ်ဖူးဗျ.. ဒီအကောင်လွတ်သွားရင်..သိန်းသုံးဆယ် လွတ်သွားမှာ..ခင်ဗျား ..လှည်းနဲ့ နွားနဲ့  ၀က်တွေက တွေ့ ရင်မှ ဆယ်သိန်း ဆယ့် ငါးသိန်းပေါ့  ဗျ .. မော် တော် ဆိုင်ကယ် ပါ ထဲ့  တွက် မှ အလွန်ဆုံး သိန်း(၂၀) ပေါ့  ..ပြီးတော့ ခင် ဗျား..မော် တော် ဆိုင် ကယ် ကြီး က ၀က်သောက်ကြီး..ဗျ´´

အဲဒီရွာက လူတွေက လိုင်စင်မဲ့  မော်တော် ဆိုင်ကယ် တွေကို ၀က်သောက် ဆိုင်ကယ် လို့  ခေါ် ကြတယ်..လေ။ အုပ်ချုပ် ရေးမှူး က..ခဏ တွေသွားပြီး..``မင်းက..တယ်.. အတွက်ကောင်း သကိုးကွ..။ကဲ..မင်းမယုံရင် ..ဒီမှာ..ငါ့ ဟန်းချိန်း ပါ ယူသွား..။ မင့်  တောက်တဲ့  လွတ်သွားရင်...မင့်  အလျော် ယူပေါ့  ..´´ လို့  ပြောလိုက်သတဲ့ ..။

ဒီတော့မှ ရွှေ လေးသားက မထချင် ထချင် နဲ့  ထလိုက်ပြီး.. ``ပေး..ခင် ဗျား..ဟန်းချိန်း..။ခင် ဗျား သေသေချာချာ တော့ စောင့်  ဗျ..။မတော်တဆ..ထွက်လာ ရင်..မရိုက် နဲ့ နော်..။တောက်တဲ့ က အသေ ဆို

မ၀ယ်ဘူး ..။ခင် ဗျား အရှင် မဖမ်း ရဲ ရင်..ခမောက်ကို ဘဲ သေသေချာ ချာ ဖိ ထား ´´ လို့  စိတ်မချ လက်မချ တဲ့  လေ နဲ့  ပြောလိုက်တယ်..တဲ့ ။

အဲဒါနဲ . အုပ်ချုပ်ရေးမှူး က ဆိုင်ကယ် ပေါ်က ဆင်းပြီး ခမောက် အနား မှာ သွားထိုင် ရတယ်..။ရွှေ လေးသား ကတော့ ဟန်းချိန်း ကို လက်မှာ ပတ်ပြီး..မော် တော် ဆိုင်ကယ် ရှိရာ ကို သွားရင်း..``ခင်ဗျား..ဆီ ဘယ်လောက် ထည့် ထား သလဲ ´´ လို့  မေးလိုက် သေးသတဲ့ ..။

``လေးပုလင်း ပါ..ကွာ´´ လို့  အုပ်ချုပ် ရေးမှူး က စိတ်မရှည် တဲ့  လေ နဲ့ ပြော လိုက်မှ ရွှေ လေးသားဟာဆိုင် ကယ် ပေါ် တက်ပြီး... မောင်းထွက် သွား သတဲ့ ..။

အုပ် ချုပ် ရေး မှူး လဲ...ခမောက် ရှေ့ မှာ ထိုင်ပြီး စောင့် တယ်...စောင့် တယ်..။တခါ တခါ..ဆို ..ငိုက်..ငိုက် တောင် လာရှာ သတဲ့ ။ မျက် လုံး ကို အတင်း ဖြဲ ပြီး ကြိတ် မှိတ် စောင့် ရတာ ပေါ့ ။ညနေ စောင်း လာ တော့ တောရိပ် တောင် ရိပ် နဲ့  မို့  မှောင်စ တောင်ပြု လာပြီ..။မော် တော် ဆိုင်ကယ် သံလည်း မကြားရ...။နွားလှည်း သံ လည်း မကြားရ..။ည ..အထိ စောင့် ရရင် တော့ မဖြစ်ဘူး ထင်တယ်.လို့ တွေးပြီး ခမောက် ကို...အသာလေး..ခပ်ဖွဖွ မကြည့်  လိုက် တော့

..လား..လား...ခမောက်အောက်မှာ တွင်း ဆိုလို့ .. ပရွက် ဆိတ်တွင်း လောက် တောင် မရှိဘူး တဲ့ ...ဘာ ..တောက် တဲ့  မှလည်း...အရိပ် အယောင် တောင်.. မမြင်ရ လို့  အုပ်ချုပ်ရေးမှူး ဟာ.. ခပ်ရှက်ရှက် နဲ့ ယဉ်ယဉ်ကျေးကျေး တချက်လောက်.. ကြိတ်ဆဲရင်း..

``အင်း...ငါ့ မိန်းမ ဆီက လှည်းတပ်ပြီး ၀က်သားအမိ တင်မောင်းသွား တဲ့  ကောင်ကလည်း...ဒိကောင်ဘဲဖြစ်မှာ ပါ´´ လို့  ရေ ရွတ်ရင်း...တံတွေးတချက် `ထွီ´ ခနဲ ထွေးကာ မမှောင်ခင် ရွာဆီကို ပြန် ခဲ့ တော့ သတဲ့ ..။

ရွှေ လေးသား ကတော့ နောက်တနေ့  လင်းလင်းချင်းချင်း မှာဘဲ လှည်းတစီးပေါ်မှာ ၀က်သောက် မော်တော် ဆိုင်ကယ် တစီးရယ်..၀က်သားတအုပ်ရယ်..တင်ပြီး ရွှေတွဲလွဲ ငွေတွဲ လွဲ နဲ့  ရွှေလေးနယ်က သူ့ အိမ် ဆီ ပြန်ရောက် လာ..တယ်။

`` အမေ ရေ...ကျနော် အမေနဲ့ ဘဲ တသက်လုံး နေတော့မယ်ဗျာ။  လောက မှာ အမေ့ ထက် သဒ္ဒါတရားထက်သန် တဲ့  လူတွေ ရှိသေး တယ် ဗျ.. ဒီမှာကြည့်  ..´´ လို့  ဆိုပြီး သူ့ မှာ ပါလာ တဲ့  ပစ္စည်းတွေကို ပြသတဲ့ ..။

 အမေ ကတော့ ပစ္စည်းတွေကို သိပ်အလေးမထား တဲ့  ပုံစံ နဲ့  တချက် လောက်ဘဲ ကြည့် ပြီးသူ့ သားငယ် ကို မေးလိုက် သတဲ့ ။

 ``ကဲ..ကဲ..မင်း..ထမင်းစား တော့မလား´´

ရွှေ လေးသား က...`` မစားလားဗျ´´ တဲ့ ။ ။

+++++++

◦

ဖေဖေပြောတဲ့ ခေတ်သစ်ပုံပြင်

ကဗျာလွတ်

ငါတို့ ကျင်လည်နေတာ လေဟာနယ် အလွတ်ကြီး

ဟောဒီ မျက်နှာပြင် အလွတ် ပေါ်မှာ

လွတ်လွတ် လပ်လပ် .. ရေးခြစ် ပစ်လိုက်..

စိတ်လွတ် ကိုယ်လွတ် သွန်မှောက် ပစ် လိုက်

စည်းလွတ် ၀ါးလွတ်..သောင်းကျန်း ပစ်လိုက်

လူပျိုလူလွတ် ရယ် မှ မဟုတ်ဘူး

မလွတ် တလွတ်.. ခပ်ရွတ်ရွတ် ကလေး သာ စပ် ပြစ် လိုက်

ဆင်ဆာ လွတ် ဆို မှ တော့.. အဖော်အချွတ်ခန်း လည်း ပါချင် ပါ ပေါ့

နိုင်ငံရေး ကင်းလွတ် ကြောင်း ထောက်ခံစာ တောင်း ဖို့ မလို

မလွတ်သေး တဲ့ သူ တွေ အကြောင်း..လွတ်ပါစေ ကြောင်း ဆိုတာ တွေက  ပို ရောင်းကောင်း မယ်

မလွတ် မကျွတ် သေး တဲ့..၀ိညဉ် တွေ အကြောင်း လည်း..ကိုဘလူကြီးရေ..မအ၀ှာကြီးရေ လို့ သာ..များများ တမ်းတ..စမ်းထ တတ်တယ်

ယင်းထ ပလား ဆို.. ဘာအကြောင်းပြချက် မှ မလို..

ကိုယ်လွတ်ရုန်း တဲ့ အကြောင်း က တခမ်းတနား ဖြစ်တယ်

ရုန်းပြီး လွတ်သွားသူ တွေ ..သူရဲကောင်း ဖြစ်တယ်

မလွတ် မလပ် ရေး ထား တဲ့.လွတ်မြောက်ရေး ကြွေးကြော်သံ တကြောင်း နှစ်ကြောင်း

အလွတ် မရ စကောင်း လား ... ဟိုက..ဒီက.. နည်း နည်းစီ ကူးသာချ

ဒါ..ဟရူးမန်းရိုက် ပဲ..ကော်ပီရိုက် နဲ့ လွတ်တယ်

လွတ်မြောက်နယ်မြေ မှာ..လွတ်ပြီး မြောက် မနေ နဲ့ တဲ့

(ဘယ်သူ ပြောတာလဲ..ကိုသံခဲ လား မသိ)

အဲဒါ လည်း ကြိုက် လို့..ကူးချ လိုက်တယ်

ဝိနည်းလွတ် ပေါ့

ဝါဒ လွတ် လည်း ဖြစ်တယ်

ပါဒ လွတ် လည်း ဖြစ်တယ်

အလွတ်သဘော ပြောရရင်တော့

မော်ဒန် လွန်..မော်ဒန် လွတ်

ကာရန် မဲ့..ကာရန်လွတ်

လွတ်ချင် တာသာ လွတ်

လွတ်လို့ ရတာ အကုန် လွတ်

လက်လွတ် ခြေလွတ်

လွတ် လွတ် လပ်လပ် သာ ရေးပြစ် လိုက် စမ်း

ပတ် ဗေ တိုး ဂျိ ထိုးတတ်ရင်  .. မိုးပေါ်တက် က လို့ ရ ပြီ။
 
---
ကေ
(နိုဝင်ဘာ ၂ ရက် ၂၀၁၁)
 
ဤ ပို့စ် အား ဖတ် ၍ အတွေးပေါက်..ကောက်စပ် ထား သော (သို့) လျှောက်စပ် ထား သော ကဗျာ လွတ် ဖြစ်သည်။ မည်သူ့ကို မျှ မရည်ရွယ်ပါ...။ လွတ်လွတ်ကျွတ်ကျွတ် ဖတ်ရှု နိုင် ပါသည်။

◦

ကဗျာလွတ်