ခေတ်မှာအဆက်ရှိတယ်

 

ခေတ်အဆက်ဆက်.. 

ခေတ် ကို ဆက်လက် ကိုးကား တုန်း
ခေတ်မှာ အဆက်ရှိတယ်..

ခေတ် ရဲ့ အဆက်အစပ် တွေ ကို 

ခေတ် ခြင်း တွဲပိုး
ခေတ်မှာ အဆက်ရှိတယ်

ဒီမိုး ..ဒီရေ..ဒီလူ..တွေကြောင့်.. 

ဒီလို ဒီလောက်..ခေတ်အောက်သွားမလား
ခေတ်မှာ အဆက်ရှိတယ်...

ခေတ် အစ ခေတ်အလယ် ခေတ်အဆုံး
အရွယ်သုံးပါး စလုံး
ခေတ်က သက်လုံကောင်းတယ်

ခေတ်ဟောင်း ခေတ်နှောင်း..ခေတ်ပြောင်း
ကာလ သုံးပါး အကြောင်း
ခေတ်က..ကောင်းကောင်း သိတယ်

 ခေတ်အလျင်..ခေတ်အရွေ့..ခေတ်အကွေ့
ခေတ်နဲ့ တွေ့သူတိုင်း..
ခေတ်လှိုင်းကို ကျော်ဖြတ်..လှော်တတ် ကို ရဲရဲပြောင်း..

ခေတ်အတိုင်း..ခေတ်သမိုင်း .. ခေတ်မရိုင်းကြောင်း
ငြင်းခုံရင်း ကွဲလွဲ.. ကွဲလွဲရင်း အမြင်မတူ..
ခေတ်ပုံတူ တော့ မျိုးပွား .. ခေတ်မျိုးကွဲ ခြင်း ကိုင်းယူ…

ခေတ်သစ် ..စနစ်သစ်..ဘုရားသခင် အသစ် တို့..
တတိယမြောက် ခေတ် မှာ.. ရှင်ပြန် ထ မြောက်
ယုံကြည်သူ လက်သစ်တွေအောက်..ခေတ်ရောက်ရ ခြိမ့်..

ကွန်မြူနစ် လက်သစ်..အရင်းရှင်လက်သစ်.. နာဇီလက်သစ်..
တကယ် သစ် မသစ်..လက်ဖြန့် တိုက်စစ်တော့မှ..
မျက်နှာ ဟောင်း တွေက အတုဖြစ်....

ခေတ်အစစ် က ဖြင့်....ကျပျောက် ရစ်ပေါ့..
ကမ္ဘာ့ရွာ  ကောက်ရိုးပုံ အောက်..
တောင်းကို မှောက်..မြေကိုလှန်..
ရေဆန်မှာ မျောပါသွားတဲ့ ခေတ်..
ခေတ်ပျောက်အတွက် တိုင်ချက်ဖွင့်..

ခေတ်ပျက် က..တရားခံ
ခေတ်ပြိုင်က..လျှောက်လဲ..
ဒါ..ခေတ်ပျောက်တာ မဟုတ်
ခေတ်မှာ အဆက်ရှိတယ်..
ခေတ်အဆက်ဆက် .. 

ခေတ်ရဲ့ ဆက်ကြောင်း... စွတ်လမ်း မပြောင်းနဲ့ ..
ခေတ်ဟောင်းကို တနေ့ ပြန်ရောက်စေ့မယ်…
ခေတ်မှာ..အဆက်ရှိတယ်..

◦

ခေတ်မှာအဆက်ရှိတယ်