မြေလတ်မြို့လေးနဲ့ အင်တာနက်

တနေ့က တမြေစီခြား နေတဲ့ ဇာတိချက် ကြွေ မြေလတ်မြို့ လေး ကို ဖုန်းဆက်ဖြစ်သည်။ ဖုန်းဆိုပေမဲ့ ရိုးရိုး တယ်လီဖုန်း တော့မဟုတ်၊ အခု နောက်ဆုံး လူပြောသူပြောများ အကြိုက်တွေ့နေ ကြ တဲ့ skype အင်တာနက်ဖုန်း နှင့် ပထမဆုံးအကြိမ် ခေါ်ကြည့်ခြင်းဖြစ်သည်။ ဈေး က..တ၀က် လောက် သက် သာ သည် ဆို သကိုး။

ကြည့်လေ၊ ဟောဒီ ကမ္ဘာ့ တာင်ဖက်ခြမ်းက မြို့ကလေး ကနေ မြန်မာပြည်ကို တယ်လီဖုန်း ခေါ်မည်ဆိုလျှင် တမိနစ်ကို တဒေါ်လာနှင့် ဆင့်သုံးဆယ်ကျမည်၊ ဖုန်းဆက်ပြီ ဆိုတော့ လည်း မိသားစုကို သာကြောင်းမာကြောင်း မေးရ ပြောရမည်။ စားဝတ် နေရေးတွေ အဆင်ပြေ ကြ ရဲ့လား၊ လုပ်ငန်း ကိုင်တာတွေ ကောင်းမှ ကောင်းရဲ့လား၊ လုံးစေ့ပတ်စေ့ ပြောနိုင်ဖို့ က.. မကြာဘူးဆို ရင် တောင် အနဲဆုံးတော့ မိနစ် နှစ်ဆယ်ပေါ့။ တလ တလ ဖုံး ခ အတွက်..တရွက် ကို နှစ်ရွက် မှတ် ခွါ ဖို့သာ ရှိ တော့ သည်။

ထားပါလေ၊ ကဲအခု အင်တာနက်ကနေပီး အိမ်ဖုန်းတွေကို ဈေးသက်သက်သာသာနှင့် ခေါ်လို့ရတာကို က မင်္ဂလာ တပါး၊ တချိူ့နိုင်ငံချင်းဆို အလကားတောင် ပြောလို့ရ နေ ပြီ။ နောင်ဆို.. land line လုပ်ငန်း များ ပင်.. ကွယ် ပျောက် ပေတော့မည်။

ဒါပေမဲ့ လို့...ဈေး နှုံး အား ဖြင့် အကုန်အကျ သက်သာ သည် မှန် သော် လည်း..တကယ် ပြောကြည့် တော့..နှေးကွေး လွန်းသော bandwidth ကြောင့်.. ပိုက်ဆံက..ဘာမှ ထူး မသက် သာ။

ဖုံးစပြောရုံပဲရှိသေး ။တဖက် က -
` ဟဲ့ ဖုန်းလိုင်းက ဘယ်လိုကြီး ဖြစ်နေလဲ မသိဘူး´ - ဆိုတော့
`မဟုတ်ဘူး ဖေရေ... ခု အင်တာနက်ကခေါ်နေတာမို့လို့.. တမျိူးဖြစ်နေတာ- ဖေပြောချင် တာ ပြော ပီးရင် ခဏစောင့် နားထောင်--´
ဒီတော့မှ
`သြော် ..အေးအေး...အဖေနားလည်ပြီ .. ၀ိုင်ယာလက် လို ပေါ့..´ တဲ့၊
အဖေ့စကား ကြောင့် ပြုံး လိုက် မိ ရင်း.. သားအဖတွေ တယောက်တလှည့်..ကဲ..အဖေ့အလှည့်- ကဲ သမီးကလှည့် နှင့် အဆင်ပြေသွား တော့ သည်။

အဖေက- `သမီး အားချိန် တွေ ဘာတွေ လုပ်လဲ စာများများဖတ်နော် ရေးနိုင် ရင်လဲ ရေးသာရေး-´ လို့ အားပေးရှာသည်။

` အဖေရေ သမီးကတော့ အားအား မအားအား မိုးလင်းရင် အင်တာနက်ပေါ်တက်လိုက်ရမှ။ E-mail တွေဘာ တွေ စစ်.. ပြီးရင် မြန်မာ အင်တာနက် website သတင်းတွေနားထောင် ။ Website ဆိုတာ မဂ္ဂဇင်း ဖတ်သလိုပါပဲ ဖေရယ်.. ကွန်ပြူတာကနေ ဟိုရောက် ဒီရောက် လျှောက် ကြည့်တာပေါ့ ။ တကယ်ပဲ.. ဖေရယ်... ဖေတို့ ကို ပြချင်တယ်.. ကွန်ပြူတာရှေ့မှာထိုင်ပီးလေ တကမ္ဘာလုံး သွားချင်တာသွား ကြည့်လို့ ရတယ်။ သိချင်တာအကုန်ရှာလို့ရတယ်--´

မစားရ ၀ခမန်းပြောနေသော စကား က မဆုံးသေး ...
` အေးပေါ့.. ဒါဆို အင်တာနက်ဆိုတာ သမီးတို့ခောတ်ရဲ့ ပဉ္စလက် ကြီးပေါ့..´
အဖေ့ အသံက အံသြသံ အလျှင်းမပါ ။

ကမ္ဘာ လောကကြီးထဲက ဖြစ်နိုင်ချေတွေ ဖြစ်စဉ်တွေ အပေါ် နားလည်လက်ခံ အတွေ့အကြုံ ရင့်ကျက်နေပီ ဖြစ်တဲ့ လူ ကြီးတယောက် ရဲ့ တည်ငြိမ်မူကို အားမလိုအားမရ ဖြစ်စွာ မအံ့သြ.. အံ့ သြ အောင် ဆက်ပီး ကြွား နေ လိုက်သေးသည်။

` ဒီကနေပြီး တော့လေ ဗမာပြည်က ထုတ်တဲ့ မြန်မာတိုင်းမ်စ် တို့ ဈေးကွက်တို့ Weekly Eleven တို့ အကုန်ဖတ် လို့ ရတယ်၊ ဒီနေ့ထွက်ရင် နောက်တနေ့ဆို ဖတ်လို့ရပီ... ရန်ကုန်မှာ ဒီနေ့ ဆီဈေး ဘယ်လောက်လဲ ဆိုတာတောင် သိ တယ်၊ ဆောင်းပါးတွေလေ လူထုစိန်ဝင်းတို့ မောင်စူးစမ်းတို့ အရမ်းကောင်းတယ် ...နော်´

` အေးပါ ကွာ.. -အဖေတို့ ဆီတော့.. နှစ်ရက် သုံးရက် နေရင် ရောက်ပါ တယ်ကွာ။ အကုန်တော့ မရဘူးပေါ့။ နယ် ကိုယ်စားလှယ် တွေက အမှာများတဲ့ ဂျာနယ် နှစ်ခု သုံးခုလောက်ပဲယူ ကြတယ်။ သမီးရေ အဖေတို့ အင်တာနက်ကတော့ လိုင်း သိပ်မကောင်းဘူးကွဲ့..´

အဖေ့ရဲ့ ရယ်သံသဲ့သဲ့အဆုံးမှာတော့။ ကိုယ် လည်း ပြုံးလိုက်မိပါသည်။

(ဒီစာ လေး ကို..လွန်ခဲ့တဲ့ ၂ နှစ် ကျော် က.. `အင်တာနက် ဘယ်လဲ ဘာလဲ ဘယ်သူ ပိုင်မလဲ ´ ဆိုတဲ့..ဆောင်းပါး လေး အတွက်..အဖွင့် အဖြစ် ရေး ခဲ့ တာ ပါ။ တကယ် တော့ လည်း..စာ အုပ် ဗီရို ကြီး ဘေး က..စားပွဲ မှာ ထိုင် ရင်း.. စာအုပ် တွေ ဖတ် လိုက်.. ဗလာ စာအုပ် ပေါ် ချ ရေး လိုက် နဲ့..အလုပ် ရှုပ် နေ တတ် တဲ့..ဖေဖေ့ ကို..အင်တာနက် ဆို တာကြီး အကြောင်း သိစေချင် .. ပြော ပြ ချင် လွန်း လို့..ဒီ ဆောင်း ပါး လေး ကို ရေးဖြစ် ခဲ့ တာပါ.. ခု နေ ဆို ရင် တော့..အင်တာနက် အကြောင်း..ဒီ့ထက်ပို ပြော စရာ တွေ ရှိ နေ ပြန် ပြီ ကော.. )

◦

မြေလတ်မြို့လေးနဲ့ အင်တာနက်