လှိုင်းမကြောက်သူများ

Jul 7, 2009

“ ညီမလေးက..ဒီ ခွပ်ဒေါင်း ရင်ထိုးလေးကို ဘာလို့ ထိုးထားတာလဲ..”

စူးရှရှ မျက်လုံးတွေ နဲ့ ပြုံးဟဟ မေးလာတဲ့..မေးခွန်းကြောင့်..အကျီ င်္ ကော်လာ လေးကို မသိမသာ ဖိကိုင်ရင်း .. အနည်းငယ် လန့်သွားမိတာတော့..၀န်ခံပါတယ်။

အဲဒီနေ့က.. လှိုင် တက္ကသိုလ် ရဲ့ ကျောင်းဖွင့်စ ရက်တရက်။

အရေးတော်ပုံကြီး ပြီးခါစ..လှိုင်းလုံးကြီးတွေ ငြိမ်သက်ပြီး..လှိုင်းပုတ်သံ သဲ့သဲ့သာ ကျန်ခဲ့တဲ့ ..မုန်တိုင်း ဆဲကာစ ကမ်းခြေ သောင်ပြင် တခုလို.. နေရာမကျသေးတဲ့ ရင် အနာတွေ နဲ့.. တက္ကသိုလ်ကြီးတွေ ပြန်လည် သက်ဝင် လှုပ်ရှား လာတဲ့ ၁၉၉၁ ရဲ့ နွေနှောင်း ရက်တရက်။

-
+++++

-
ကိုယ်တွေ အတွက်တော့.. ပထမဆုံးသော မ၀ံ့မရဲ တက္ကသိုလ် ခြေလှမ်းများ။ မိန်းကလေး အယောက် ၂၀ လောက်သာ ရှိတဲ့ စာသင်ခန်းလေး ထဲက..ကိုယ့်ဘေးက ခုံမှာ လာ ထိုင်တဲ့ မျက်လုံး ၀ိုင်းဝိုင်း နဲ့ ကောင်မလေး ကို ပထမဆုံး မိတ်ဖွဲ့ ဖြစ်ခဲ့တာ။ နယ်ပုံစံ လေးချင်း မို့.. ၂ ယောက်သား ဘေးချင်းကပ် ပြီး ညနေစောင်း အတန်းပြီး တဲ့ အထိ ..ကုပ်ကုပ်လေး အတူ ရှိနေခဲ့ကြတာ။ အခု..သူ့ကို လာကြိုတဲ့..အကို ဖြစ်ဟန်တူတဲ့..လူတယောက်က..ကိုယ့် အကျီင်္ ကော်လာက.. ငွေရောင် ခွပ်ဒေါင်း ရင်ထိုး..တကယ့် သေးသေး မျှင်မျှင်လေးကိုမှ.. ဘယ်လို မြင်လို့..ဘယ်လို သဘော နဲ့ မေးလေ သနည်း။

-
သတ္တိတွေ တချက်လောက် ရှိုက်သွင်းလိုက်ရင်း..

“ ခွပ်ဒေါင်း ရင်ထိုး ထိုးတာ..ခွပ်ဒေါင်းတွေ အတွက် ဂုဏ်ပြုလို့ပေါ့..” လို့..ခပ်မာမာ ပြန်ဖြေလိုက်တယ်။

သူက..ညီညာတဲ့ သွားတွေ ပေါ်အောင် ဟက်ဟက်ပက်ပက် ရီ လိုက်ရင်း..
“ အကိုက.. သဘောကျ လို့..ချီးကျူးမလို့..မေးတာပါကွ..” လို့ ပြောလိုက်တဲ့..သူ့မျက်နှာပေါ်မှာ..အလင်းတခု ကို အသေအချာ တွေ့လိုက်ရ သည်။ အဲဒီ အလင်းမျိုးကိုလည်း.. အဲဒီ အလင်းအကြောင်း ကောင်းကောင်းသိ တဲ့သူ ချင်း မှသာ..နားလည် နိုင်တာမို့..သူ့ရင်ထဲက..သံသယ နဲ့ ကြောက်စိတ် တွေ..ချက်ချင်းပဲ..ကြက်ပျေက် ငှက်ပျေက် လွင့်စင်သွားတော့တယ်။

-
အဲဒီလို နဲ့.. တက္ကသိုလ် ရောက်ခါစ သူ့ညီမလေးကို ညနေ တိုင်း လာလာ ကြိုတတ်တဲ့.. အကိုကြီး..ကိုသိန်းဆွေ နဲ့..သူတို့ တသိုက် ရင်းနှီး သွားကြ တော့ တယ်။သူတို့အားလုံး..သူ့ညီမလေး ခေါ်သလို..

“ အကိုကြီး ” လို့ပဲ ခေါ်ကြတယ်။ သူ ကလည်း..သူ့ညီမ ကို ခေါ်သလို.. “ ညီမကြီး တို့..” လို့ သုံး နှုံး လေ့ ရှိတယ်။

++++

-
အဲဒီတုန်းက.. အကိုကြီးက..တတိယ နှစ်ကျောင်းသား။ မောင်နှမ တသိုက်..ဖျာပုံကနေ..ရန်ကုန်မှာ..တက္ကသိုလ်လာတတ် ကြတာ..။ နောက်တော့.. သူငယ်ချင်း နဲ့..အင်းလျားမှာ..တခန်းတည်းနေ..တစားပွဲတည်းစား.. တကုတင်တည်းအိပ်.. စာတအုပ်ထဲ..အတူ ကျက်ရင်း.. ဘ၀ချင်းတွေပါ.. နားလည် ရင်းနှီးခဲ့ ကြတာ။ သူ့ ညီမလေးလည်း..ကိုယ့် ညီမ..။ ကိုယ့် အစ်မ ကို လည်း..သူက မမ..ခေါ် ။ သူ့ အကိုကြီးလည်း ကိုယ့် အကိုဖြစ်။ မောင်နှမတွေ..ပွားများလာ ခဲ့လိုက်တာ။ လကုန် ရက်တွေ ဆို..ဖျာပုံကနေ..ရန်ကုန်ကို တက်လာတတ်တဲ့.. အရပ် ရှည်ရှည် ..မျက်လုံး ပြူးပြူးနဲ့ သူငယ်ချင်းတို့ အဖေ..အလွတ်သင် ကျောင်းဆရာကြီးက.. ဖျာပုံ အမျိုးသားဒီမိုကရေစီ အဖွဲ့ချုပ် အမတ် ဆိုတာ သိ လိုက်ရတော့.. သူငယ်ချင်း ခြင်း ပိုစည်းလုံး မိကြ.. မိသားစုခြင်း ပိုရင်းနှီးခဲ့ကြ။

သားသမီးတွေကို..အရမ်း ဂရုစိုက်ပြီး..အရိပ်တကြည့်ကြည့် နဲ့.. အကုန် လိုက်လုပ် ပေးတတ်တဲ့.. အဖေကြီး..တယောက်..လကုန်လို့..အဆောင်ရှေ့ကို..ငါးပိကြော် ပုလင်းတွေ..ဖျာပုံ ပုဇွန်ခြောက်ကြော် ထုပ်တွေ နဲ့ ရောက်လာပြီ ဆို..သူတို့ တအုပ်လုံး.. အဖေကြီး တို့ အကိုကြီး တို့ နဲ့ တူတူ ပျော်လို့..။ မိသားစု မောင်နှမ သားချင်းကို ချစ်ခင် ဂရုစိုက်တဲ့ နေရာမှာ..အကိုကြီးကလည်း..အဖေတူ သားပါပေ။ ဒါတင် မက..တိုင်းပြည်အရေးမှာလည်း.. မဖင့်နှေးခဲ့ပဲ.. အရေးတော်ပုံ ကာလက..အကိုကြီး ..ထောင် ကျ ခဲ့ သေးတယ် ဆိုတာ သိလိုက်ရ တော့..သူတို့ တသိုက်လုံး..အကိုကြီးကို..သူရဲကောင်းကြီး တယောက်လို..မျက်လုံး

အ၀ိုင်းသား နဲ့ ငေးခဲ့ ကြ ရပြန်ရော။

တကယ်တော့..အဲဒီလို ခြေရာတထပ်တည်း လျှောက်နေကြတဲ့..သားအဖ နှစ်ယောက် ကို စိတ်ဓါတ် ခိုင် ခိုင် နဲ့ ပံ့ပိုးပေးနေခဲ့တဲ့..သူငယ်ချင်းရဲ့ မေမေ ကိုလည်း..သူတို့ စိတ်ဝင်တစား ချစ်ခင် နေခဲ့ ကြတာပါ။ အကိုကြီး.. ဒုတိယ အကြိမ် အဖမ်းခံရပြန်တော့.. ဖျာပုံ ဆိပ်ကမ်းကနေ..သဘောင်္ ကြီးနဲ့ ခေါ်သွားတာကို.. အဖေကြီးက..ကြည့်ပြီး မျက်ရည် ကျနေခဲ့တဲ့ အချိန် မှာ.. အမေ.. က.. အံကို တင်းတင်း ကြိတ်ရင်း..မျက်ရည် တစက် မကျခဲ့ ဘူးတဲ့။

(၀ဲမှယာ) ကိုဂျင်မီ၊ ကိုသိန်းဆွေ၊ ကိုမာကီး၊ ကိုမြအေး၊ ကိုဇေယျ (အားလုံး ဖမ်းဆီးထိန်းသိမ်းခံနေရဆဲ)
ဓါတ်ပုံကို ဒီနေရာမှ ယူပါသည်။

ကျောင်းတွေလည်း..ဖွင့်လိုက် ပိတ်လိုက်။ သူတို့ခြင်းတွေ လည်း..နီးလိုက် ဝေးလိုက် နဲ့ပဲ.. ဘွဲ့တွေ အသီးသီး ရသွားကြပြန်တယ်။ လုပ်ငန်းခွင် အသီးသီး..ရည်မှန်းချက် အသီးသီးနဲ့ ဘ၀တွေ..အသီးသီး..တည်ဆောက်ကြ ပြန်တယ်။ ၂၀၀၀ ပြည့် နှစ်က..တခါ..သူငယ်ချင်းနဲ့ ပြန်ဆုံ ကြပြန်တော့.. အကိုကြီးက..ပြန်လွတ်လာ ပြီး..အဖေကြီးက.. အထဲကို ပြန်ရောက် နေပြန် တယ် တဲ့..။

အထဲက..ထွက်လာတာ မကြာသေး ပေမဲ့..အကိုကြီး ကတော့..သူလုပ်စရာ ရှိတဲ့.. ပါဝင်စရာ ရှိတဲ့..ကိစ္စတွေ မှာ ပုံမှန် ပါဝင်ရင်း မိသားစု စီးပွားရေးကို ကျားကန် ပေးနေ ရှာ တယ်တဲ့။ နောက်တော့.. လှုပ်ရှားမူ သတင်း ဓါတ်ပုံ တချို့မှာ..အကိုကြီးကို..မထင်မရှား ပြန် တွေ့လာရတတ်တယ်။ နိုင်ငံရေး ဒီလှိုင်း အရှိန်နဲ့အတူ...အကိုကြီး သတင်း အပိုင်းအစ လေးတွေ..အင်တာနက် သတင်းတွေ မှာ.. ဆက်တိုက် ဆိုသလို..ဖတ်လာရ တယ်။ အဲဒီ အချိန်တွေ တလျှောက်လုံး.. သူငယ်ချင်း တို့ မိသားစု.. နိုင်ငံရေး လှိုင်းလုံး တွေ ကို.. နည်းအမျိုးမျိုး နဲ့ ကြံ့ကြံ့ ခံ နေခဲ့တာ..တွေကို လည်း .. ကြားနေ ခဲ့ ရတယ်။

အကိုကြီးတို့ အတွက်ကတော့..လှိုင်းဆိုတာ..ကြောက်စရာ မဟုတ်တော့ ပါ။ ဘယ်လိုလှိုင်းမျိုးပဲ လာပါစေ..လှိုင်းမြင့်လို့လည်း..ဆင့်တက်ပြေးမည်မဟုတ်..လှိုင်းဝေးလို့လည်း..သွေးအေးနေမှာ မဟုတ်..ဟောဒီ လှိုင်းတက် လှိုင်းကြမ်း ပြင်းထန်လှတဲ့..ကမ်းခြေ မှာပဲ.. သူတို့လုပ်စရာ ရှိတဲ့ အလုပ်တွေကို..တည်တည်ငြိမ်ငြိမ် ဆောင်ရွက်နေမည့်..သူများပါပေ။
-

အခု တော့..တခါ.. လှိုင်းတကွေ့ ကို ရဲရဲတိုးရင်း ..နှစ်ရှည် ထောင်ဒဏ် တွေ နဲ့ အကိုကြီးက..စစ်တွေ ထောင်မှာ..။ အဖေ ကြီး နဲ့ ကျန်သူတွေက..မိသားစု စီးပွားရေး ကို ကျားကန် လို့။ သူတို့ လုပ်စရာ ရှိတာတွေကို.. တည်တည်ငြိမ် ငြိမ် ဆက်လက်ဆောင်ရွက် လို့..။ ဘယ်ကိုမှ မရွေ့..။ မုန်တိုင်း တွေ ထန် တတ်တဲ့..ဟောဒီ ကမ်းခြေမှာ ပဲ..မြဲမြဲမြံမြံ။

-
ပြည်သူ ပြည်သားတွေ အားလုံးရဲ့ ဘ၀ တွေ နဲ့ ကျားကန် ထားရတဲ့.. တိုင်းပြည် ကြီးက တော့..သူ့အတွက် ကိုယ်ကျိုးစွန့်..ဆောင်ရွက်နေကြတဲ့..ဆောင်ရွက် ပြီးမြောက် သွားခဲ့ကြတဲ့.. လှိုင်းမကြောက်သူ တွေကို..တနေ့မှာ.. လွတ်မြောက်ခြင်း နဲ့ ရွှင်လန်းခြင်းတွေကို ပြန်လည် ပေးဆပ် ဂုဏ်ပြု ဦးမှာပါ။ အဲဒီ တနေ့ကိုလည်း.. အမြန်ဆုံး ရောက်ပါစေ လို့ သာပဲ။

(သမိုင်းမတင်ရသေးသော .. ၄၇ နှစ်မြောက် .. ဆဲဗင်းဇူလိုင် အား.. ရည်စူး ဂုဏ်ပြုလျက်..ရေးသားပါသည်)

ဆဲဗင်းဇူလိုင် ပို့စ် အဟောင်းများ-

ဇူလိုင်ဝိညဉ်

၀၇-၀၇-၀၇ သို့ သမိုင်းအပိုင်းအစများ