Bitter Sweet 8888

ပြုံးခဲ့ရတဲ့..ရှစ်လေးလုံး

၈လေးလုံးအကြောင်း..ထွေထွေရာရာမရေးတော့ဘူးဆိုပီး...ရေးချင်လာပြန်သည်။
ထွေရာစရာအကြောင်းလဲ..မရှိပါဘူးလေ။..ဘာဖြစ်လို့ဆို..၁၉၈၈ ရဲ့..သြဂုတ်လ ရှစ်ရက်နေ့က..
မြို့ကလေးမှာ..တက္ကသိုလ်ကျောင်းသားကြီးတွေရဲ့..လှုံ့ဆော်ပါဝင်မူနဲ့အတူ..အထက်တန်း
ကျောင်းသားလေးတွေ..ဆန္ဒပြကြတော့..ကိုယ်က...ဘာကျောင်းသားမှန်းမသိတဲ့အချိန်အခါဖြစ်နေလို့ပါ။ ပီးတော့..တအိမ်လုံးမှာ..နောက်ဆုံးတယောက်မှမကျန်တော့မှ..လမ်းပေါ်ထွက်တဲ့သူဖြစ်နေလို့ပါ။

၈လေးလုံးအတွေ့အကြုံအကြောင်း..သူများတွေပြန်ပြောင်းပြောကြတော့..ငိုအားထက်ရီအားသန် ခဲ့ရတဲ့အကြောင်းလေးတွေကို..သတိရရင်းပြုံးလိုက်မိတယ်။

တကယ်တော့..အဲဒီအချိန်ကာလကြီးက..လူတွေအားလုံး..မိုးရွာတော့မယ်လို့...ညိုမှိူင်းအုံ့ဆိုင်းနေတဲ့ ကောင်းကင်ကြီးကိုတမော့မော့ကြည့်ရင်း..စောင့်မျှော်နေခဲ့ကြတာ။

” ပိုက်ဆံတွေသိမ်းပြန်ပီတဲ့။”
”ဘုန်းမော်ဆိုတာ..သေသွားတယ်တဲ့။”
” ဦးအောင်ကြီး..စာတွေထွက်တာဖတ်ပီးပလား..တဲ့။”
” ဗိုလ်ချူပ်အောင်ဆန်းသား..အောင်ဆန်းဦးပြန်လာတယ်..တဲ့။”
”ထောင်ထဲမှာဖမ်းထားတဲ့..ကျောင်းသူလေးတွေ..မတရာပြုကျင့်ခံရတယ်..တဲ့။”

အသံဗလံတွေလဲစုံလို့။ စာရွက်တွေလည်းပလူပျံလို့။ လူတွေလည်းတွတ်ထိုးလို့။
အဲဒီတုံးက..စာရွက်တွေကိုပွားချင်ရင်..ဖယောင်းလှိမ့်ရတာ။ ကော်ပီရာ ဆိုတာမသုံးနိုင်သေး။
ခုလိုများ..အင်တာနက်ဆိုတာရှိလို့ကတော့...ဘာပြောကောင်းမလဲ။ ကိုယ့်ကြီးဒေါ်ရဲ့အိမ်အပေါ်
ထပ်မယ်...မောင်နှမတွေစုပီး..စာရွက်တွေလှိမ့်ကျ..ဖြန့်ကျ။ တကယ်တော့..ရန်ကုန်တက္ကသိုလ်က
ကျောင်းတွေပိတ်လိုက်လို့..ပြန်လာတဲ့..အကိုတွေအမတွေ..ပြောသမျှ..ခိုင်းသမျှ...လိုက်လုပ်ရတဲ့..
(ချိူင်းညှပ်) အဆင့်ပဲဆိုတော့..ကိုယ်တိုင်ကတော့..မနုးမနပ်..အူလည်လည်ရယ်။

အဲဒါနဲ့ပဲ..တညနေစောင်း..အမ ၂ယောက်ရဲ့ ကြီးကြပ်မူနဲ့..မြို့လယ်ခေါင်က..စာအုပ်ဆိုင်ကိုစာအုပ်
အပ်ရအောင် စက်ဘီးစီးပီး ထွက်ခဲ့ကြတယ်။ နောက်ကထိုင်တဲ့ကိုယ့်ကို.. မြို့လယ်ခေါင်တည့်တည့် နာရီစင်နားမှာ..စာရွက်တချိူ့ပစ်ချခဲ့ဖို့..တာဝန်ပေးတယ်။ လူကကြောက်ကြောက်..ချွေးစီးတွေလဲပြန်လို့။

ဘာရမလဲ..လေးငါးရွက်တော့ကျဲချပစ်လိုက်တယ်။ ပီးတာနဲ့..ညီအမတွေသုတ်ချေတင်ပီး
စာအုပ်ဆိုင်ကို အတင်းနင်း။ အမလေး..စာအုပ်ဆိုင်ရောက်မှသက်မချနိုင်တော့တယ်။
စာအုပ်ဆိုင်ထဲအရောက်.မြို့နယ်တာဝန်ကျ..ဒုရဲအုပ်တယောက်ကိုဆိုင်ကောင်တာခုံမှာဆိုင်ပိုင်ရှင်နဲ့အတူ..တွေ့လိုက်တော့..ရင်တွေပန်းတွေတုန်သွားပါရော။
ကဲ..ဟန်ကိုယ့်ဖို့လုပ်ရင်း..ပြန်အပ်မဲ့စာအုပ်တွေကောင်တာပေါ်တင်..လက်ထဲမှာဆုပ်ထားတဲ့ ပိုက်ဆံပါ ခပ်တည်တည်နဲ့ ပစ်တင်လိုက်တယ်။


အာရိုရို...လက်ရေးမူစိပ်စိပ်..မှင်ရောင်ထူထူ..ခွပ်ဒေါင်းပုံလေးတစွန်းတစမြင်နေရတဲ့..မိတ္တူစာရွက်လိပ်ကလေးက..စားပွဲပေါ်မှာကြေကြေမွမွလေး။ အားလုံးရဲ့မျက်စိတွေလည်း..အဲဒီ မပြေ့တပြေ
စာရွက်လိပ်လေးကို..မြွေတကောင်လို..ပြူးကြည့်နေကြတယ်။
ဖြတ်ကနဲဆို..
ကိုယ့်အမက..ကောက်ယူလိုက်ရင်း..“ အဟင်း..မှားသွားလို့..ဒီမှာပိုက်ဆံ..” လို့ ရီရီမောမော ပြောလိုက်တယ်။ တော်ပါသေးရဲ့..အဲဒီရဲက..အမကို လိုက်ငန်းနေတဲ့ လူပျိူသိုးကြီးမို့.. ပြုံးပြုံးကြီးနဲ့ကြည့်နေတယ်။ ကိုယ်ကတော့..ဆိုင်အပြင်ကိုသုတ်ချေတင်ပြေးတော့တယ်။ အဲဒီနေ့ကတော့..နာရီစင်နားမှာ.ဘယ်သကောင့်သားများ ပိုက်ဆံတွေကောက်ရသွားသလဲမသိ။

အဲလိုနဲ့..ချိန်းချက်ထားကြတဲ့..၈.၈.၈၈ ကြီးနီးနီးလာတယ်။ ကိုယ်တို့မောင်နှမတွေ..
တသိုက်သိုက်နဲ့..ရှုပ်နေကြတာကို..ကြီးဒေါ်လုပ်သူက..အရမ်းအားပေးတယ်။ သူကိုယ်တိုင်လည်း..
တောမိတ်...မြို့မိတ်တရုံးရုံးရှိလှတဲ့..ပွဲရုံမှာထိုင်ရင်း..လာသမျှလူကို..အသံကျယ်ကျယ်နဲ့..မမောနိုင်မပမ်းနိုင်..စည်းရုံးလှုံ့ဆော်နေတော့တာပဲ။

အဲဒီ..နေ့..၈ ရက် ၈ လ ၈၈ မှာတော့..

မနက်လင်းထဲကလူတွေအားလုံး..မြို့ထဲဖက်ကိုနားတစွင့်စွင့်နဲ့ပေါ့။ ၁၀ နာရီလည်း..ဘာသံမှမကြားရ။ ၁၁ နာရီလည်း မထူးသေး။ ခဏနေတော့..ကြို့ပင်ဆိုတဲ့ရွာက
ကိုအောင်လေးတယောက်..သုတ်သုတ်ပြာပြာနဲ့..ဆိုင်ထဲဝင်လာတယ်။ ကိုယ်တို့လည်း..ဘာများလဲပေါ့။ ပီးတော့မှ.. ကြီးဒေါ်နားကို..တိုးတိုးကပ်ပီး

“ ဒေါ်လေး..ဘာမှလည်းမဖြစ်သေးပါလား... ဒေါ်လေးခေါ်လို့..ကျနော်တို့ရွာကလူတွေစုပီး..
မြို့ပြင်မှာ..မနက်ထဲက..စောင့်နေတာ အုပ်လိုက်ကြီးပဲ..ဘယ်လိုလုပ်ရမလဲ..”
တဲ့။



ကိုယ့်ကြီးဒေါ်လည်း..ဘာပြောရမှန်းမသိ..နေမထိထိုင်မသာ..အသံကိုခပ်ကြေးကြေးလုပ်ရင်း..

“ ဟဲ့..နင်တို့ကိုလာဖို့ခေါ်တာမဟုတ်ပါဘူးဟယ်..ဒီနေ့တခုခုဖြစ်ရင်..တောကလူတွေပါ.သတိရှိကြဖို့ပြောတာပါ...”

ကိုအောင်လေးတယောက်..ခေါင်းတွေသာ..တွင်တွင်ကုပ်ပီး.ပြန်ထွက်သွားတယ်။

မကြာပါဘူး...ကိုအောင်လေးပြန်ထွက်သွားပီး..၁၅ မိနစ်လောက်..၁၂ နာရီတိတိ..ထမင်းစား
ဆင်းချိန်မှာပဲ..မြို့ပြင်အထက်တန်းကျောင်းကြီးဆီက...

“ တို့အရေး...တို့အရေး...တို့အရေး”


ဆိုတဲ့..အသံနက်ကြီးတွေကြားလိုက်ရတော့တာပဲ။

ကြီးဒေါ်လည်း ပင်နီအကျီင်္မြန်မြန်ကောက်ဝတ်...သူ့ဆိုင်မှာခိုင်းတဲ့ကောင်လေး ၂ယောက်ကို အဖြူအစိမ်း

ဝတ်စုံမြန်မြန်ရှာဝတ်ခိုင်းပီး..မြို့ထဲဖက်ကိုထွက်သွားကြ တော့တာပဲ။
ကိုယ်ကတော့...အိမ်တံခါးပိတ်နေရလို့..နောက်ဆုံးမှ။


---------------------------------------------------------------------------------------------

(နောက်ဆက်တွဲ.........
ဒီစာလေးကိုတင်ပီး..ချက်ချင်းဆိုသလို..ဒိုင်ခံဖတ်နေကျ..သူငယ်ချင်းတယောက်က..စေတနာနဲ့အီးမေးပို့လာတယ်။ ဇတ်လမ်းထဲက..ကိုယ့်ကြီးဒေါ်လျှောက်လုပ်ခဲ့တဲ့..လုပ်ရပ်တွေဟာ..တကယ့်အရေးတော်ပုံကြီးရဲ့အမှန်စင်စစ်ဖြစ်မူတွေကိုသူများအမြင်မှာ..ရောထွေးသွားနိုင်တယ်တဲ့။ အဲဒါနဲ့..ကိုယ်လည်းစဉ်းစားတယ်..ဘယ်လိုဝေ့၀ိုက်ရေးမလဲပေါ့...အဲဒီအချိန်က..ကိုယ့်ကြီးဒေါ်ရဲ့..အရေးတော်ပုံကြီးဖြစ်လာဖို့.. စိတ်အားအရမ်းထက်သန်ခဲ့တာ၊ ဖြစ်လာခဲ့ရင်လည်း..လူတွေအားလုံး
ပါဝင်စေချင်ခဲ့တဲ့စိတ်ဇောကို..ဟာသနှောပီးဖော်ပြတာ..ပုံမပေါ်ပဲဖြစ်နေပီလားလို့လည်း..စိတ်မကောင်းဖြစ်သွားမိတယ်။ သူ့နားလည်သလို..သူ့စိတ်ထင်ပါဝင်ခဲ့တာတွေ..မှားချင်လည်းမှားပေမယ်။ ဒါပေမဲ့..အဲဒီအချိန်အဲဒီအခါတုံးက..ဗမာတနိုင်ငံလုံး..လှည်းနေလှေအောင်းမြင်းဇောင်းမကျန်..အဆင့်အတန်း အလွှာမရွေး.သတ္တိအနုအရင့်အဆင့်ဆင့်.. စိတ်အားထက်သန်မူအတိုင်းအတာအထွာထွာ..ပုံသဏ္ဌန်အမှန်အမှားမျိူးစုံနဲ့.. ပါဝင်ခဲ့ကြတယ်ဆိုတာ..တကယ့်အဖြစ်အပျက်တွေပါ..။)







Share/Bookmark

2 Comments:

Anonymous said...

မကေ.. ဒါလေးဖတ်ပြီး သဘောကျတာတော့ အမှန်ပဲ ။ ရွာထိပ်မှာ ထိုင်စောင့်နေကြတယ်ဆိုတာ ဖတ်တော့ ၊ ဗမာပြည်သူတွေ စည်းလုံးကြတယ်လို့ ခံစားမိတယ် ။

ATN said...

U did it. I salute u.