Sein Lei Tin

ကျိူက်ထီးရိုးကအဆင်း…စိမ်းလဲ့တင်

ကျိူက်ထီးရိုး  အပီး..စိမ်းလဲ့တင်လို့..(ပြောချင်လွန်းလို့..)စကားစပ်ထားပေမဲ့ ကြားဖြတ်အစီအစဉ်တွေတခုပီးတခုဝင်နေတာနဲ့..ခုမှပဲစိမ်းလိုက်ပါရစေတော့..ထွေထွေထူးထူးကြီးတော့လည်း ဟုတ်ပါဘူး..

လွန်ခဲ့တဲ့ နှစ်ပိုင်းလောက်ကပဲ..ကျိူက်ထီးရိုးမရောက်ခင်ပေါ့..ဈေးကွက်ဂျာနယ်ထင်တယ်..အွန်လိုင်းမှာဖတ်လိုက်ရတာ..စိမ်းလဲ့တင်နဲ့ သူ့ရဲ့ပိုင်ရှင်အမျိူးသမီးအကြောင်းပါ…နံမယ်တော့မမှတ်မိတော့..ဒါပေ..အဲဒီအမျိူးသမီးရဲ့..စွန့်ဦးလုပ်ကိုင်မူကို..အမှတ်ထင်ထင်..ချီးကျူးအားကျမိလိုက်တယ်..သူက..အဲဒီကျိူက်ထိုမြို့စပ်က..လယ်ကွင်းတပိုင်း..ကိုင်းတောတပိုင်းကြီးကို..တော်တော့်ကိုဈေးပေါပေါနဲ့..အစောပိုင်းက၀ယ်ထားလိုက်သတဲ့..လူတွေက..သူ့ကိုအစတော့..နားတောင်မလည်ကြဘူးတဲ့…နောက်တော့မှ..တဖြည်းဖြည်းနဲ့..ကျိူက်ထီးရိုးမှာရွှေလမ်းငွေလမ်းတွေပေါက်ပီး..နိုင်ငံခြားသားခရီးသွားတွေအ၀င်အထွက်များလာချိန်နဲ့တိုက်ပီး..စိမ်းလဲ့တင်ဆိုတဲ့..တည်းခိုရိပ်သာကို..စနစ်တကျချဲ့ထွင်ခဲ့တာတဲ့..တိရိစ္ဆန်ရုံအသေးစားလေးနဲ့..ခေတ်မှီသပ်ရပ်တဲ့..ရေပေးစနစ်..စားသောက်ဆိုင်ဆိုတာတွေ..ဓါတ်ပုံနဲ့ဝေေ၀ဆာဆာမြင်ရတော့..သြော်..လုပ်တတ်လိုက်တာ..မြင်တတ်လိုက်တာ..လို့..မုဒိတာမပွားတပွားနဲ့..အားတွေလည်းကျပေါ့...

ဟုတ်တယ်လေ..ကိုယ့်တိုင်းပြည်မှာက..နိုင်ငံခြားသားခရီးသွားတွေလာရင်..လေဆိပ်စ၀င်ကတည်းက.နဲနဲကို့ယို့ကားယားလေးတွေရှိနေတော့..အဲလို..ရန်ကုန်ပြင်ပလည်ပတ်စရာနေရာတွေမှာ..သားသားနားနား..၀န်ဆောင်မူလေးတွေရှိနေတော့..၀မ်းသာစရာပေါ့..။

အဲဒါနဲ့ကျိူက်ထီးရိုးသွားမယ်ဆိုကတည်းက..အဲဒီစိမ်းလဲ့တင်ကိုဝင်ရောက်စပ်စုဖို့..စိတ်ကူးပီးသား။

တကယ်ရောက်တော့..အချိန်က..နေ့လည် ၁ နာရီလောက်..ရာသီဥတုကတော့..ထုံးစံအတိုင်း..နေပူကျဲတောက်မို့..ပူစပ်ပူလောင်..ပတ်ဝန်းကျင်မှာရော..လူမှာရော..ဖုန်နံ့ကတသင်းသင်း..နေ့လည်စာစားချိန်မို့ထင့်…ကားတွေတော်တော်များများရပ်ထားတာတွေ့တယ်..ခြံကြီးကတော့..တော်တော်ကျယ်မယ့်ပုံ…အမယ်..ကားတံခါးတွေဘာတွေလာဖွင့်ပေးလို့ပါလား..။ ၀င်ဝင်ချင်း..တိုင်ရင်းသား

အ၀တ်အထည်တွေ..မွန်ပြည်နယ်လက်ဆောင်တွေနဲ့ ခြံထွက်ဖြစ်ပုံရတဲ့ ကျွဲကော်သီးတွေရောင်းတဲ့ ဆိုင်ခန်းလေး… အဲဒါကိုဖြတ်တော့မှ..စားသောက်ခန်းမကြီး..။

ဝူး…နိုင်ငံခြားသားတွေ..အများသားကလား..ကျိူက်ထီးရိုးအဆင်းတွေလား..အတက်တွေလားတော့မသိ..အေးကနဲဖြစ်သွားတယ်..အဲကွန်းကြောင့်ထင်တယ်..။

ခပ်တိုးတိုးလေးဖွင့်ထားတဲ့..ဗမာ့ဆိုင်းသံလေးကလည်း..ငြိမ့်ငြိမ့်လေး..ကောင်းလိုက်တာ..အလယ်ခန်းမှာ..စားပွဲတွေပြည့်နေတာနဲ့..ဟိုဟိုဒီဒီထိုင်ဖို့နေရာရှာရင်း..ဧည့်ကြိုကောင်လေးပြတဲ့အပြင်ဖက်ခြံထဲက..သီးသန့်အဆောင်လေးတွေကို..မျက်စိကျသွားတယ်..ဗမာဟန်အပြည့်နဲ့ဆောက်ထားတဲ့..အဆောင်လေးတွေက.သက်ကယ်မိုးလေးတွေနဲ့ချစ်စရာ....ပေါင်လည်လောက်ပဲရှိတဲ့..သစ်သားပွတ်လုံးတိုင်လက်ရမ်းကလေးတွေပဲကာထားတော့...သဘာဝအတိုင်းလွတ်လွတ်လပ်လပ်လည်းရှိတယ်…ကောင်လေးပြတဲ့..စားပွဲခုံမှာနေရာချရင်း..မီနူးစာရင်းကို..ဘိုးတော်လက်ထဲထဲ့..`ကဲ..ယူဖာသာ...ကြိုက်တာမှာ..´ ခြေဆေးလက်ဆေးလုပ်ရင်းလေ့လာလိုက်ဦးမယ်..။

သူ့ဖွဲ့စည်းပုံက..အလယ်ပင်မစားသောက်ခန်းကထွက်တဲ့..စင်္ကြန်လမ်းရှည်ရဲ့တဖက်တချက်မှာ..သီးသန့်ဆောင်လေးတွေနဲ့..ရေစင်..ရေကူးကန်..သန့်စင်ခန်း..ပီးတော့စတိုဆောင်တို့..၀န်ထမ်းဆောင်တို့ဘာတို့ဖြစ်မယ်..အိမ်သာရေချိူးခန်းတွေကလည်းတော်တော့်ကိုကောင်းတာပဲ..။ သစ်ပင်တွေတော့..အများသား..။ ဒါပေမဲ့.စိုက်ကာစမို့..အပင်လေးတွေက..ခပ်ပြတ်ပြတ်နဲ့ အရိပ်သိပ်မကောင်းလှသေး။

တိရိစ္ဆန်ရုံဆိုတာ..ဘယ်နားမှာပါလိမ့်…။

ဘာတွေလဲဟ..ဟိုမှာ..လူတွေကြွက်စိကြွက်စိနဲ့...

`အမလေး..´

မြွှေကြီးပါလား..စင်္ကြန်လမ်းပေါ်မှာဒီအတိုင်းချထားတာ..နဲနဲနောနောမဟုတ်..စပါးကြီးမြွှေလိုဟာမျိူးကြီး..အဖြူရောင်မှာ..အ၀ါရောင်အကွက်ကြီးတွေနဲ့…ကိုယ့်နဲ့ ခြေလှမ်းဆယ်လှမ်းစာလောက်ပဲဝေးတယ်..

အိုး..အိုး..ကြည့်စမ်း..ခလေးမလေးတယောက်..မြွေကြီးကိုကောက်ကိုင်ပီးဓါတ်ပုံရိုက်နေတယ်..အော်..ဆိုင်ကကောင်လေးတွေတော့ရှိသား..ဘေးကရပ်စောင့်ကြည့်နေလို့တော်ပါသေး..ခလေးမလေးအမေဖြစ်ဟန်တူတဲ့အမျိူးသမီးက…

`Oh! she is so brave.. she is so brave..´ လို့..ဂုဏ်ယူဝင့်ကြွားစွာအော်တော့..ဘေးစားပွဲတွေက..နိုင်ငံခြားသားတချိူ့..လက်ခုပ်လှမ်းတီးကြတယ်..ဓါတ်ပုံတွေလည်း..ထပ်ရိုက်ကြပြန်ရော..ပီးတော့မှ..အမျိူးသမီးက..သူ့အမျိူးသားဖြစ်ဟန်တူတဲ့လူကို..

`သမီးကိုခေါ်လိုက်တော့လေ..´ လို့..ဗမာလိုလှမ်းပြောတယ်..။ ပုံစံကြည့်ရတာ..ပြည်ပမှာနေတဲ့ ဗမာမိသားစုစတိုင်ပဲ..ဗမာပြည်မရောက်ဘူးတဲ့..ဗမာကလေးတွေကို..ဗမာပြည်လျှောက်လည်ပြတာနေမယ် ကလေးတွေကလည်း..တကယ့်ရဲရဲတင်းတင်း..သွက်သွက်လက်လက်ပုံစံလေးတွေ..။

ဟူး.. စားပွဲပြန်ရောက်မှ.. coke တဗူး အမြန် ဖွင့်ပီး မော့လိုက်ရတယ်..မှာထားတဲ့အစားအသောက်တွေတော့ရောက်မလာသေး..။ ဘေးဘီကိုလှမ်းအကြည့်..ဖြတ်ကနဲ..ဟိုဖက်စားပွဲက..အမျိူးသမီးနဲ့..မျက်လုံးချင်းဆုံသွားတယ်..။ ချက်ချင်းသိလိုက်တယ်..ဒါ..ဗမာမပဲဖြစ်မယ်..။ ဒါပေမဲ့..သူ့ရဲ့အသွင်အပြင်အဆင်တန်ဆာတွေက..အပြတ်ကို..သားနားပီး..တော်တော့်ကို မိုက်တယ် ပြောရမယ်..ပီး..သူ့ဘေးက..နိုင်ငံခြားသားနဲ့..ပြင်သစ်လိုလိုဘာလိုလိုပြောနေတယ်..။

ကဲ..ကဲ.. ဒီဖက် ပြန်လှည့်ရင်း.. ကိုယ်တို့ စားပွဲ ကို တာဝန်ယူ ပေးနေတဲ့ ကောင်လေးကို..ခုမှပဲ ပြုံးပြနှူတ်ဆက်မိတယ်။ တခြားစားပွဲတိုင်းမှာလည်း..ကောင်လေးတယောက်စီ..ရှိနေကြတယ်..။ သူတို့တွေအကုန်လုံး..ရှိရင်..၁၅ နှစ် နဲ့ ၁၈နှစ်ကြားအရွယ်လေးတွေချည်းပဲ။ လည်ကတုံးရှပ်လက်တိုအဖြူရောင်ဆင်တူနဲ့..တချိူ့လည်းမွန်ပုဆိုး..တချိူ့လည်းကရင်ပုဆိုးလေးတွေ..သပ်သပ်ရပ်ရပ်ဝတ်ထားကြတယ်...။

`ဟဲ့..ဒီမှာတိရိစ္ဆာန်ရုံတွေဘာတွေရှိတယ်ဆို..ဘယ်မှာလဲဟေ..ဟိုမြွှေကြီးကိုပြောတာလား..´

`ရှိသေးတယ်ခင်ဗျ..ဟိုဖက်ခြမ်းမှာ..ဒေါင်းတို့..၀က်ဝံတို့..ငှက်တွေတော့များတယ်..စပါးကြီးမြွှေက..၃ကောင်တောင်ရှိတယ်ခင်ဗျ..သွားကြည့်လို့ရပါတယ်..ဒီကောင်ကြီးက..ဧည့်သည်ကျတဲ့အချိန်မို့..ခဏထုတ်

ပြတာပါ´

အမလေး..၃ကောင်တောင်ဆိုပါလား။ကောင်လေးက..လက်ညှိုးညွှန်ပြရင်း..

`ဟိုးဖက်ခြမ်းမှာက..တည်းခိုဆောင်တွေလည်းရှိသေးတယ်ခင်ဗျ..အဲဒီနောက်မှ..ကျွဲကော်ခြံ..နဲ့တခြားဥယျဉ်တွေရှိတယ်..လျှောက်ကြည့်လို့ရတယ်ခင်ဗျ..´

`အေး..တော်ပါပီဟယ်..မကြည့်တော့ပါဘူး..ဒါနဲ့..တည်းခိုခန်းခတွေက..ဘယ်လောက်လောက်ရှိလဲ.´

ကောင်လေးက..ခဏစဉ်းစားရင်း..

` သေချာတော့မသိဘူးခင်ဗျ..တညကို ၃သောင်းကနေ..၅ သောင်းအထိရှိမယ်ထင်တယ်..´

ဟူး..ဈေးကဘယ်သေးလို့လဲ..။ကဲ..ဘိုးတော်လည်းပြန်ရောက်..အစားအသောက်တွေလည်းရောက်လာပီ..။ ဘာတွေတုံး..ဟင်း..ထုံးစံအတိုင်း..သူ့အကြိုက်..၀က်အူတွေ..ဒါက..ကိုယ့်အကြိုက်..ငါးပေါင်း။

`ဒါက..ဘာလဲဟေ…´

`အဲဒါ..ဒီဆိုင်က..နံမယ်ကြီး..ဟင်းပေါင်းပါခင်ဗျ.. စီးဖု..၀က်သား..ကြက်သားအစုံပဲခင်ဗျ..´

`ကဲ..ကြီးတော်…တနှစ်မှတခါ..ကြုံတုံးရောက်တုံးစားထား..သိပ်စပ်စုမနေနဲ့..ဈေးလည်းမမေးနဲ့..´

ကိုယ့်ဘိုးတော်က..အကြောင်းသိမို့..တခါတည်းပိတ်ပြောလိုက်သည်။

စားလို့ကတော့..ကောင်းမှကောင်း..အား..စပ်လဲစပ်..ပူလဲပူ..အစားအသောက်က..အင်နာဂျီတွေထွက်လာလားမသိ..ပူလိုက်တာ..တစ်သျှူး…တစ်သျှူးပေးပါ..

`အော်..ပန်ကာတွေရပ်သွားတာပဲ…….ညီလေးရေ……..´

ဘိုးတော်စကားမဆုံးခင်..ကောင်လေးက..စပ်ဖြဲဖြဲနဲ့..` ဟို..မီးစက်ပိတ်လိုက်လို့ပါ..အကို´ ဆိုပီး..ယပ်တောင်တွေသာ..အတင်းလာခပ်ပေးနေတော့တယ်..

အင်..ဟုတ်ပ..ခုန..ငြိမ့်ငြိမ့်ငြောင်းငြောင်း..ဗမာ့ဆိုင်းသံလည်း..အသံပျောက်လို့…ဗိုက်ဆာဆာနဲ့အသကုန်တွယ်နေတာ..လုံးဝသတိမထားမိလိုက်ဘူး..တိတ်တိတ်ဆိတ်ဆိတ်ကြီးကိုဖြစ်လို့..ဘေးစားပွဲက..အတွဲလည်းမရှိတော့..အော..ဟိုအလယ်ခန်းမထဲက..နိုင်ငံခြားသားဝိုင်းတွေလည်း..ဘယ်အချိန်ကထွက်သွားကြလဲမသိ..ဟုတ်ပ..ကိုယ်တို့ဝိုင်းရယ်..ခပ်လှမ်းလှမ်းတဲတခုထဲက..ဗမာလူမျိူး အဘိုးကြီး.၃ယောက်ဝိုင်းပဲရှိတော့တယ်…

` ဘိုးတော်ရေ..ငါတို့ကတော့..ဗမာတွေမို့..ဒီဇယ်အကုန်ခံပီး..မီးစက်မမောင်းပေးတော့ပါလားဟေ့..´ကောင်လေးက..အားနာစွာနဲ့..` ဖွင့်တာကြာလို့..ခဏရပ်တာပါခင်ဗျ..´ လို့ဖာဖာထေးထေး ပြောရှာတယ်။ ဒီကောင်လေးပုံစံကတော့..တကယ့်မွန်မွန်ရည်ရည်လေး..

`အေးပါ..အေးပါ..ရပါတယ်..ဒါနဲ့..မင်းတို့က..ကျိူက်ထိုက..မွန်တွေပေါ့..´

`မဟုတ်ဘူးခင်ဗျ..ကျနော်က..ကျောက်ပန်းတောင်းကနေ..လာလုပ်တာပါ..´

`ဟယ်..ကျောက်ပန်းတောင်းကနေပီးတောင်..ကျိူက်ထိုထိတောင်..လာလုပ်တယ်..´

အလိုက်မသိ..ထပ်မေးနေတဲ့ကိုယ့်ကို..ဘိုးတော်က..လှမ်းဟန့်တယ်…

`အေးပေါ့ကွာ..အဆင်ပြေတဲ့နေရာလုပ်ရတာပေါ့..´

အင်း..ကိုယ်တွေတင်..migration လုပ်သလားအောက်မေ့တာ..သူတို့လည်း.. migration ပဲ..Internal migration ပေါ့လေ..

`ဟဲ့..ဒါနဲ့..ဒီဆိုင်ပိုင်ရှင်အမျိူးသမီးက..ဒီမှာပဲနေတာလား...´

`ခင်ဗျာ..´

အူကြောင်ကြောင်ဖြစ်သွားတဲ့ကောင်လေးက..

`ဟို..ဒီဆိုင်ပိုင်ရှင်က..အမျိူးသမီးမဟုတ်ဘူးခင်ဗျ..ဗိုလ်မှူးကြီးစံတင်ပိုင်တာပါ…´

`ဟင်..ဟုတ်လား..အစ်မသိတာ…..´

`အေးလေ..မင်းဖတ်ဘူးတဲ့ပိုင်ရှင်အမျိူးသမီးဆိုတာ..အဲဒီဗိုလ်မှူးကြီးစံတင်ရဲ့မိန်းမ..မြန်မာ့အမျိူးသမီးစွမ်းဆောင်ရှင်တယောက်ဖြစ်မှာပေါ့..´

အင်း..ဟုတ်သား..ဘိုးတော်ပြောလိုက်မှပဲ ရှင်းသွားတော့တယ်..။

--------

ကျိုက်ထီးရိုး ဓါတ်ပုံများ

◦

Sein Lei Tin