သူ- အကျင့်မကောင်းပုံ

ခုရက်ထဲ ...မိသားစု ထဲမှာ.. တော်တော်များများ အကျင့်မကောင်း ဖြစ် နေ ကြ တယ်။

ဖြစ်ပုံက.. တရက်မှာ.. ၇ နှစ် အရွယ် ၂ တန်းကျောင်းသူ တူမငယ်လေး ရဲ့ ဗလာ စာအုပ် လေး တအုပ် ကို..လူကြီး တွေ.. ရှာဖွေ တွေ့ ရှိသွား တာက.. စတော့ တာပဲ..။ အဲဒီ စာအုပ် ထဲ မှာ.. အိမ်မှာ ရှိသမျှ လူတွေ အပေါ်..သူ မကျေနပ် သ မျှ..သဘောမကျ သမျှ တွေ ကို.. တိတ်တိတ်လေး ကြိတ်ပြီး.. မှတ်စုလေး တွေ ရေးထား တာပါ...။ ကြည့်ပါအုံး.. သူ့အမေ ကို ရေးထားပုံလေး က...



မေကြီး၏ နေ့စဉ် အကျင့်မကောင်းပုံ

မေကြီးသည် ကျွန်မကို 7 နာရီ နှင့် 8 နာရီ တွင် တီဗီ ပိတ်ခိုင်းသည်။ အိမ်စာ မပါရင်လည်း ပိတ်တတ်သည်။ ဒါကြောင့် မနက်ဆိုရင်လည်း နေ့စဉ် နေ့တိုင်း ဘုန်းကြီး တရားခွေ ဖွင့် သည်။ ဤ ဘုန်းကြီး တရားခွေ သည်လည်း အလွန်ရှည်သည်။ ဒါကြောင့် ကျွန်မ ကာတွန်းကား မကြည့်ရ။ ဘုန်းကြီး တရားခွေ ပြီးတာနဲ့ မေကြီးသည် ကျွန်မ ကို တကိုယ်ရေ သန့်ရှင်းအောင် ပြုလုပ်ခိုင်းသည်။
စာရေးသူ ဇွန်လေးခင် မှတ်စု ဒါပဲ။



ဘွားဘွား အကျင့်မကောင်းပုံ..... လေးလေး အကျင့်မကောင်းပုံ.. မမဆု အကျင့်မကောင်းပုံ ..စသဖြင့်..စာတိုလေး တွေ ကို ..တအိမ်လုံး.. တပြုံးပြုံး နဲ့ ဖတ်ကြ.. နောက်ကြရင်း.. အကျင့်မကောင်းပုံ ဆိုတဲ့.. စကားလုံး လေး ခေတ်စား သွား ပါတယ်။

အဲဒါ နဲ့.. ကျမ လည်း တအိမ်တည်း နေတဲ့.. သူ့ ရဲ့ အကျင့်မကောင်းပုံ တွေကို.. ရေးဖို့ ရှိ လာတော့ တယ်။

++++++++++++


သူ သည် ကျမ ကို.. ဘလော့ဂ် ရေးချင်ရေး..ဖေ့စ်ဘွတ် မသုံး ရ လို့ ပြောပါတယ်။ ဖေ့စ်ဘွတ် မှာလည်း သူ့ပုံတွေ ကို မတင် နဲ့ လို့ ကန့်သတ်ပါတယ်။ နောက်တော့မှ သိရ သည်မှာ..သူ ငယ်စဉ် ၁၀ တန်းကျောင်းသား ဘ၀ က.. ခင်မင်ဖူး ..တိတ်တခိုး နောက်ပိုးချင် နေ ခဲ့သော.. အမေရိက ရောက် နာမည်ကြီး အဆိုတော် မ တယောက်ကို.. ဖေ့စ်ဘွတ် မှ တဆင့်.. ပြန်လည် ဆက်သွယ် ကြည့်ရာ..ဟို တယောက်က.. လက်မခံ သော ကြောင့်..စိတ်အနာ ကြီး နာ သွားဖြင်း ဖြစ်ကြောင်း ပေါ် သွား ပါ တော့သည်။ အကြောင်း ရင်း ကို စိစစ် လိုက်သော အခါ.. သူသည် နာမည်ကျော် အမေရိကန် ဂစ်တာ သမား တယောက် နာမည် ကို သုံး ၍ အကောင့် ဖွင့် ထား ခြင်း ဖြစ်နေ သော ကြာင့်.. ဟို တယောက်က.. မသင်္ကာ ဖြစ်သွား ဟန် တူ ပေ သည်။ သို့သော်.. ယုန် ထာင် ကြောင်မိပြီး..မြန်မာပြည် ထဲက.. နာမည်ကြီး အဆိုတော် ယောက်ျား တယောက် က.. တကယ် အမေရိကန် ဂစ်တာသမား အစစ် ထင် ပြီး.. လာအဒ် သော ကြောင့် ကို့ယို့ကားယား ဖြစ်ပြီး.. ဆက်မသုံးပဲ ပြစ် ထား လိုက်ခြင်း ဖြစ်ပါသည်။ ထို့ ကြောင့် ယခု အခါ..ကျမ တယောက် တည်း လွတ်လပ်စွာ သုံး နေရ ပါသည်။



သူသည် ဂစ်တာ လည်း အလွန် ရူး ပါသည်။ သူ နှင့် စတွေ့ စဉ် က.. သူတို့ အိမ် ဧည့်ခန်းမှာ ချိတ်ဆွဲ ထားသော အနက်ရောင် ဟော်လို ဂစ်တာ ကြီး ကို ကြည့် ၍.. သူ့ကို မသိစိတ် ထဲ မှာ..အထင်ကြီး ပြီး.. ဂစ်တာ တီး ပြီး သီချင်းတွေ ဆိုပြ နေ ပုံ..စိတ်ကူးယဉ် ခဲ့ ဖူးပါသည်။ နှစ်ပေါင်း အတန်ငယ် ကြာပြီး သော အခါ မှ ..သိ ရသည် မှာ.. ထို ဂစ်တာ အနက်ရောင် ကြီး သည်..သူ့ သူငယ်ချင်း တယောက် ပိုက်ဆံ ပြတ်သော ကြောင့် အတင်း လာရောင်း ၍ ၀ယ် ချိတ် ထားခြင်း ဖြစ်ကြောင်း သိခဲ့ ရပါသည်။ ယခု လည်း...သူ့ အခန်း ထဲမှာ.. ဂစ်တာ ၃ လုံး ရှိပါသည်။ တလုံး က ဆို လျှင်..အလွန် လှပ ထည်ဝါ သော သေတ္တာ ကြီး နှင့် ထဲ့ထားသော.. နို့စိမ်း ရောင် လျှပ်စစ် ဂစ်တာ တလုံး ဖြစ်ပါသည်။ ဧည့်သည် များ လာလျှင်.. အဲဒီ ဂစ်တာ သေတ္တာ ကြီးကို ထုတ် လာလေ့ ရှိပါသည်။ ထိုဂစ်တာ ကောင်းမကောင်း လှ မလှ ..ဘာ အမျိုးအစား မှန်း.. ကျမ မသိသော်လည်း... ဈေးကြီး သော ကြောင့် ၀ယ်တုန်းက ရန်ဖြစ် ခဲ့ ရသည် ကို သာ မှတ် မိ နေ ပါသည်။

ထို့ အပြင် ..သူ ဂစ်တာ တီး သည့် အခါ.. တတောင် တောင် သာ ကြား ရပြီး..တခါမှ..သီချင်း တပုဒ် ပြီး အောင် တီး သည် ကို မတွေ့ ဖူး ပါ။ ကျမက.. မြန်မာ ပြည် က...အဆောင်တွေ ရှေ့ မှာ တီးသလို.. ဗမာ သီချင်း တပုဒ် လောက် တီး ပြ ပါလား ဆို လျှင် တော့... ဗမာ သီချင်း တွေ တီးရ တာ ..ဖီလင် မလာ တော့ ဘူး ..ဟု..ခပ်တည် တည် ရွှီး ကာ..ယခုတိုင် တခါမှ.. သူ တီးသော သီချင်း ပီပီသသ မကြားဖူးသေးပါ။ အသက် ကြီး လျှင်.. ဂစ်တာ တွေ ထပ်ဝယ် စု ဦး မည် ဆို သော ကြောင့်.. ကျမ စိတ်ညစ် နေ ပါသည်။

သူသည် ဂစ်တာ တင် .. ရွှီး ပြီး တီး ခြင်း မဟုတ် ပါ။ ဘောလုံး လည်း..ရွှီးပြီး ကန်တတ် ပါသေးသည်။ ဂစ်တာ ကဲ့သို့ပင်.. သူ နှင့် ခင်မင် စ က.. သူငယ်ချင်း များ နှင့် ဆုံလျှင် ဘောလုံး အကြောင်း အားရ ပါးရ ပြောလေ့ ရှိပြီး.. အောင်ဆန်းကွင်း မှာ လုပ်တဲ့ ဘောလုံးပွဲ မှန်သမျှ မလွတ်အောင် သွား ကြည့်တတ် သော ကြောင့်... ဘောလုံး ကန် ကောင်း မည့် သူ တယောက် ဟု ..ကျမ ထင် ခဲ့ ပါသည်။ တကယ်တော့..ကျမ ကသာ.. တော်တော် တုံး ခြင်း ဖြစ်ပေ သည်။ နောင် သော မှ..မပြောချင် ပြောချင် နှင့် ၀န်ခံ သည် မှာ..သူသည် တေဇ လူငယ် ဘောလုံး အသင်း တခု မှာ.. အရံ သမား အဖြစ် ကွင်းဘေး မှာ..တပွဲ ကြီး မျှ ..ရပ်နေ ခဲ့ ဖူး သည် က..လွဲ ၍ တခါ မှ..ဘောလုံးကွင်းထဲ မှာ..ဘောလုံး မကန် ဖူး ဘူး ဟူ ၍ ဖြစ်ပါသည်။ ထို့ အပြင်...တက္ကသိုလ် ကျောင်းသားဘ၀ က..ညနေတိုင်း အောင်ဆန်းကွင်း ကို သွား ၍ ဘောလုံး ပွဲ ကြည့်သည် မှာ လည်း .. အောင်ဆန်း ကွင်း ထဲ မှာ ရောင်း သော.. အသားကင် နှင့် ဆီထမင်း အလွန် ကောင်း သော ကြောင့် ဟု ပြောပါသည်။ ထို ကတည်း မှ စ၍.. သူ့ကို.. မင်းလူ ၏ ၀တ္တု ဇတ်လိုက် ..“ ကိုစာကလေး” ဟု..နာမည် ပေးလိုက် ပါတော့ သည်။

ပြီးခဲ့သော.. ကမ္ဘာ့ ဖလား မှာလည်း ပွဲစဉ်များ စတင် ကတည်းက.. လောင်း ကြေး ကစားသည့် ဒိုင် ၀ဘ်ဆိုဒ် တခု တွင် ငွေ ၂၀၀ သွင်း ၍.. တပွဲ ပြီး တပွဲ လောင်း ခဲ့ သော် လည်း.. ဆီမီးဖိုင် နယ် အထိ.. တပွဲ မှ..မနိုင် ခဲ့ ပါ။ ကြံရာ မရ..ကြိတ်မနိုင် ခဲမရ ဖြစ် လွန်းသော ကြောင့်..ဖိုင် နယ် ပွဲ တွင်.. အပီ အပြင် တွက် ချက်ကာ..ကျန်သမျှ ပိုက်ဆံ ၃၀ အား စပိန် ဖက် က.. ၂၀ ဖိုး.. နယ်သာလန် ဖက်က..၁၀ ဖိုး ထိုး လိုက်ပြီး..ဒီ တခါ တော့.. ဘယ်လို ဖြစ်ဖြစ် မလွတ် တော့ဘူး ဟု.. ကြုံးဝါး ကာ..ဆိုဖာပေါ်မှာ.. ပြုံးပြုံးကြီး နှင့် ထိုင်ကြည့် ပါ တော့သည်။ ထိုည တွင်..မိနစ် ၉ ၀ အတွင်း..သားရေ ကျ ကာ.. သူ့ ပိုက်ဆံ ၂၀၀ လုံး.. ပလုံ ဟု မြည်သွား သံသာ ကြားလိုက် ရ ပါတော့သည်။

အခုလည်း..ကျမ ကို..သူ့ မွေးနေ့ အတွက်..သူ့ အကြောင်း ရေးပေး ရမည်ဟု အတင်းအကြပ် ရော.. မသိမသာ ရော..ချော့မော့ ၍ ရော.. တောင်းဆို လာ ပါသည်။ ကျမ လည်း လောလောဆယ်..မွေးနေ့ လက်ဆောင် ၀ယ်ပေး ရန်.. ပိုက်ဆံ ပြတ်နေသော ကြောင့်.. အတော်ပဲ ဟု.. တွေးကာ.. အပျံစား ရေးပေး မည် ဟု ပြော ၍.. ယခု ဒီ စာ ကို တင် လိုက်ပါသည်။

++++++++++++++++++++++++


ဒီကနေ့ ကျရောက်တဲ့.. သူ့ မွေး နေ့ အတွက်....
ကေကေ အကျင့်မကောင်းပုံ....

:P

◦

သူ- အကျင့်မကောင်းပုံ