အိတ်ရောဂါ

 လောလောဆယ်.. ကိုယ့် မှာ အိတ် ကောင်းကောင်း တလုံး မရှိ ပြန်ဘူး။

နေအုံး..ကောင်းကောင်း ဆိုတာ..ဘာကို ဆိုလို ချင်တာလည်း လို့  ကိုယ့်ဖာသာကိုယ် ပြန်မေး ကြည့်ရ အုံးမယ်။ ဘာဖြစ်လို့ လည်း ဆိုတော့.. အပြင်သွားရင်.. ပိုက်ဆံအိတ်  တွေ ..သော့တွေ ကောက်ထဲ့ သွားဖို့  လုံလုံခြုံ ခြုံ အိတ်တလုံးတော့ ရှိနေတာပဲ…။ ဟုတ်ပြီ.. လုံလုံခြုံခြုံ ..။ ဒါလည်း အိတ်တလုံးမှာ ရှိသင့် တဲ့ အနေအထား တခုပဲ ။  ပြီးခဲ့တဲ့ တခေါက်က..  ဗိုလ်ချုပ်ဈေး ထဲ မှာ.. ခါးပိုက် နှိုက် ခံ လိုက်ရတာ.. မလုံခြုံ တဲ့ အိတ်တလုံး ကြောင့် မဟုတ်လား ။ အဲဒီနေ့က.. စာအုပ် ကိစ္စ အတွက်  စကားပြောစရာ ရှိနေတော့.. လက်ပ်တော့ သယ်စရာ အကြောင်း က ပေါ်လာတာ။ အိတ် နှစ်လုံးလည်း လွယ်လို့ မရတာမို့ .. ခါတိုင်း သုံးနေကြ.. အိတ်ထဲက၊ ပိုက်ဆံ အိတ် နဲ့ လိုအပ်မဲ့ စာရွက် တချို့ ထုတ်ပြီး..လက်ပ်တော့ အိတ် ရဲ့ ဘေးဖက်ထဲ ထိုးထဲ့ ပြီး ဒီ အတိုင်း ထွက်လာခဲ့ လိုက်တာလေ…။ ထုံးစံ အတိုင်း လက်ပ်တော့ အိတ်က.. စာရွက်စာတမ်း အနည်းငယ်လောက် အတွက်ပဲ အပို နေရာ ပါတာဆိုတော့..ပိုက်ဆံ အိတ် နဲ့.. စာအုပ် တချို့က..ထိုးထုိုးထောင်ထောင် ဖုဖု ဖောင်းဖောင်း ဖြစ်နေမှာပေါ့..။ တက်စီ  နဲ့ သွားမှာ ဆိုတော့..ဘာမှ ပူစရာ မရှိဘူး ပေါ့ ။ အဲဒီ အချိန်မှာ ပူနေတာက..စာအုပ်ကိစ္စ.. အချိန်မီ ရေး.. ဘာရေး ညာရေး တွေ ။ မြို့ထဲ ပန်းဆိုးတန်း ပလက်ဖောင်းပေါ် လျှောက်တော့လည်း၊ ပလက်ဖောင်းဘေးက..ဈေးသည် တွေ တက်မနင်းမိ ဖို့ နဲ့.. ကျိုးနေတဲ့ ပလက်ဖောင်းဘောင်တွေကို ခလုတ်မတိုက် မိ ဖို့ ပဲ အာရုံ ရောက်နေပြန်တယ်။ အရင်ကထက် စာရင် လွတ်လပ် သလို ရှိလာတဲ့ ရန်ကုန်မြို့လယ်ခေါင်က..ကြော်ငြာဆိုင်းဘုတ်ကြီး တွေကို ငေးရင်း..၊ မီးပွိုင့်တွေ မှာ မရပ်ချင် ရပ်ချင် ရပ်နေကြတဲ့ ကားအသစ် ကြီး တွေ ရှေ့က.. ဖြတ်ရင်း..  ဗိုလ်ချုပ်ဈေး ရှေ့ နေပူပူ မှာ ပုသိမ်ထီးကြီး တချောင်း ဆောင်းပြီး သွားနေတဲ့.. နိုင်ငံခြားသူမ ကြီး တယောက်ကို  ပြုံးရင်း … ဈေးရှေ့ ပလက်ဖောင်းပေါ်မှာ ချရောင်းနေတဲ့.. ဒေါ်အောင်ဆန်းစုကြည် အမှတ်တရ မက်ခွက် တွေ အကြောင်း တွေးရင်း..၊ အရင်တုန်းက.. ခါးပိုက်နှိုက် အလစ်သုတ် ပေါတယ်ဆို တဲ့ ရန်ကုန်မြို့ ကြီး ကို  မေ့နေ မိ ခဲ့တယ်။ ဒီမိုကရေစီ နိုင်ငံဖြစ်ပြီ ဆိုတော့.. ခိုး မဲ့ ၀ှက်မဲ့ အလစ်သုတ် မဲ့ လူတွေ မရှိတော့ဘူး လို့ များ..၊ မသိစိတ်က နေ ယုံကြည် မှောက်မှား သွားမိတာ များလား..။ ထားပါတော့..။ အရင်းစစ်တော့.. နေရာ ကျဉ်းကျဉ်း ကျပ်ကျပ် နဲ့ ဆိုင် အကွေ့ တခု မှာ လူချင်း တိုးမိ တိုက်မိ ရင်း ၊ မလုံမခြုံ လက်ပ်တော့ အိတ်ကြီးထဲက.. ပိုက်ဆံအိတ် အနှိုက်ခံ လိုက်ရတယ် ဆိုပါတော့..။ ချက်ခြင်းတောင် သိလိုက်တာ မဟုတ် ။ ကိုယ့်အိတ်ကြီး ကြောင့် သူများ အနှောင့်အယှက် ဖြစ်သွားလားတောင် အားနာနေမိသေးတာ လေ..။ တုံးပုံက..အူပုံက..။  အားမနာတဲ့ ကောင်ကတော့… ထိုးထိုးထောင်ထောင် ဖြစ်နေတဲ့ ကပ်ခွါ အိပ်အဖုံး ရဲ့ အောက်ကနေ.. အသာလေး ဆွဲယူသွား နိုင် ခဲ့ပုံ ။ အိတ် က.. မှည့်တပေါက်တောင် မစွန်းခဲ့။

ဒါပေမဲ့.. အဲ့ဒီ အိတ်ကို မသုံးချင်တော့…။   ပိုက်ဆံ တွေ ၊ ဘဏ်ကဒ်ပြားတွေ၊ မှတ်ပုံတင် တွေ အလစ်သုတ်ခံ လိုက်ရတဲ့ ၊ ရှက်ဒေါသ က၊ မင်းတုန်းမင်း နဲ့ ငါးခြောက်ပြားလို ၊ ဒဏ်ရာမြင်တိုင်း နာကျင် ရတာမို့ ၊ အဲဒီ လက်ပ်တော့ အိတ်ကလေး ကို  မမြင်နိုင်တဲ့ စတိုခန်း တနေရာ မှာ အပြီးတိုင် ထိုးထဲ့ထားလိုက်ပြီ  ။ တကယ်တော့လည်း အိတ်ကလေးက ၊ လက်ပ်တော့ ထဲ့ ဖို့ ပဲ လုပ်ထားတာ မို့ ၊ မဆန့်ရင်ကန် အသုံးချ ခဲ့ မိ တဲ့ …သတိလက်လွတ် အတွေးတွေ ထဲမှာ လျှောက်သွားနေခဲ့ မိတဲ့ ကိုယ့်ကို ကိုယ်သာ အပြစ်တင်ရမှာပါ။

လက်ပ်တော့ ထဲ့ဖို့ အိတ်ကလေး တလုံး အွန်လိုင်း မှာ ရှာခဲ့တုန်းက ၊ ထုံးစံ အတိုင်း ချိတုံ ချတုံ ဟိုဟာလေး ကောင်းနိုး..ဒီဟာလေး ကောင်းနိုးဖြစ်နေတော့..ဘေးမှာ ထုိုင်ကြည့်ပေးနေတဲ့ သူက၊ အလှလည်း လွယ်လို့ရတဲ့..လက်ပ်တော့ ထဲ့ဖို့လည်းပါ တဲ့ Michael Kors အိတ် လိမ္မော်ရင့်ရောင် လှလှလေး တလုံးကို   လက်ညိုးထိုးပြီး  ၀ယ်ခိုင်း ရှာ ပါတယ်။ လိမ္မော်ရင့် ရောင်က ကိုယ့် အကြိုက်ဆုံး အရောင်ဖြစ်ပေမဲ့ ၊ အဲဒီ အိတ်ကလေး ကို ဟုိုဖက်ကနေ လှည့် ကလစ် လိုက်..ဒီဖက်ကနေ လှည့် ကလစ် လိုက် နဲ့  ဖန်သားပြင် ပေါ်မှာ အတော်ကြာ တွေဝေ နေခဲ့ မိသေးတယ်။  နောက်တော့ ၊ ဈေးကြီးတယ်၊ မိန်းမဆန်တယ်၊ ဆိုတဲ့ အကြောင်းပြချက်တွေ ကိုယ့်ဖာသာ ပေးပြီး ၊ ဈေး နည်းနည်း ပိုသက်သာတဲ့.. အခုန မလုံမခြုံ အိတ် အညို လေးကို ရွေးခဲ့တာလေ..။

မိန်းမဆန် တဲ့ အိတ် .. လို့ သုံးရတာက..ကျား-မ ခွဲခြား သတ်မှတ်တဲ့ စိတ် ကြောင့် ထက်၊   ယေဘျယျ သတ်မှတ်ထားကြတဲ့ အသွင်ပုံစံ ကိစ္စ ကြောင့်လို့ပဲ ပြောရမှာပဲ..။ ယောက်ျားဆန်တဲ့ အိတ်မျိုးကို မှ  ရွေးပြီး နှစ်သက်တာ မဟုတ်ပဲ ၊ ရွှေရောင် ငွေရောင်တွေ ၊ ကွင်းတွေ ကြယ်သီး တွေ နဲ့ အဆင်တန်ဆာ များလွန်းတာမျိုး ကို မကြိုက်တတ်တာ ကို ဆိုလိုချင်တာပါ။

ဈေးကြီးတဲ့ အိတ် ကို မလိုချင်တဲ့ မိန်းမ တယောက် ဖြစ်နေတဲ့ အတွက် တော့ ၊ ကိုယ်ဖ့ာကိုယ်လည်း အံ့သြနေမိတယ်။ နည်းနည်းလေးတော့  ကပ်စီးနည်းတဲ့သူ မို့  ဈေးကြီးတဲ့ အိတ်ကို မ၀ယ်ချင်တာလား ။ သေချာတာတော့.. luxury ဆိုတဲ့ စကားလုံးကို တော်တော် မနှစ်သက်တာတော့ သေချာတယ်။ ဇိမ်ခံ/ အကောင်းစား /တံဆိပ်ပစ္စည်း/ ဆိုတာတွေကို ၊ တခါမှ မမက်မောမိ သလို ၊ အဲ့ဒီ အတွက် ငွေတွေ မတန်မဆ ပုံအော သုံးတာကိုလည်း မျက်မှောင်ကြုံ့ ချင် တဲ့ သူ လေ ။ MK အိတ်လောက်ကို ဈေးကြီးတယ် လို့ ပြောနေတဲ့ သူ ကို၊ အမျိုးသမီးထု ကြီး ကတော့ အတော့်ကို ကရုဏာ သက်နေကြမယ် ထင်ရဲ့ ။  မိတ်ဆွေ တွေ ထဲမှာ.. အမ လို ခင်ရတဲ့ တယောက်ဆို ၊ LV  / Burberry  အိတ် တွေ ကို အပတ်တကုပ် စုဆောင်း ၀ယ်ယူ တဲ့ သူ ပါ။ တနှစ် ဒီဇုိုင်းတမျိုး ၀ယ် တတ်သလို ၊ သူဝယ်ထားတဲ့ အိတ်တွေ ကို ၊ ဗီရိုထဲမှာ လူမမြင်အောင် သိမ်းထားတာမျိုးလည်း  မဟုတ်ရှာဘူးပေါ့ ။ နောက် မိတ်ဆွေ အမျိုးသမီး တယောက်ကတော့ ၊ ဈေးပတ်နေရင်း ၊ Coach အိတ်တလုံးကို ဒေါ်လာ ၆ ထောင် နဲ့ ကောက်ကာ ငင်ကာ ၀ယ် တဲ့ သူပါ ။  အဲဒါတွေ မြင်ပြီး ရှော့ ရ သွားလားတော့ မသိ…။ နည်းနည်းပါးပါး မနာလိုတာသာ ဖြစ်ချင်ဖြစ်မယ်… နည်းနည်းမှ လိုချင် အားကျ စိတ်မပေါ်တာတော့ သိပ်ကို သေချာလေသည်။ ကိုယ်လည်း အလှတော့ ကြိုက်တာပါပဲ..။ အကောင်းလည်း မက်တာပါပဲ။ ဒါပေမဲ့.. အကောင်း ဆိုတာထက် ကျော်လွန်နေတဲ့ ကိစ္စကျတော့..အပို ဖြစ်သွား ပြီလား… လို့ လေ..။

စဉ်းစားကြည့်တော့… အဲ့ဒီလို နာမယ်ကြီး တံဆိပ် နဲ့ အိတ်တွေကို ကိုင်ကြတာဟာ (သို့) ကိုင်ချင်ကြတာဟာ.. ပိုက်ဆံတွေ သုံးနိုင်ကြောင်း ပြချင်တာလား..၊ အဲဒီပစ္စည်းက..သူမတူအောင်ကို အရည်အသွေး ထူးကဲ သာလွန်နေလို့လား ။ ဒါမှ မဟုတ်..ဆွစ်နာရီကြော်ငြာ တခု ကလို… I feel like a star ဆိုတဲ့ ခံစားချက် မျိုး ရချင်လို့ လား..။ ဘာပဲဖြစ်ဖြစ်.. ဒီကိစ္စလည်း..ကိုယ် ညဏ်မမီ..ပါရမီနည်း..မခံစားနားမလည် နိုင်တဲ့ အရာတွေ ထဲက..နောက်တခု လို့ပဲ သဘောထားလိုက် မိ တယ်။

ဒါပေမဲ့..ဒီ အိတ်ရောဂါ ဟာ.. အနီးအနား မှာ တော်တော် ပျံ့ နှံ့ ကူးစက်နေလာနေလေတော့… တခါတခါ ကိုယ်တိုင် လည်း ကိုယ်ပူ ချင်သလို ဖျားချင်သလို ဖြစ်ဖြစ်လာတယ်။ အပြိုင်အဆိုင် များတဲ့ ပတ်ဝန်းကျင် မှာဆို..ပို ကူးစက်မြန်ပုံ ရတယ်။ ဒီတခေါက် ရန်ကုန်မှာ..ကျောင်းတုန်းက သူငယ်ချင်းမ က မုန့်စားရအောင် ဆိုပြီး သူ့ကားနဲ့ လာခေါ်တော့.. ကားပေါ်မှာ..ဟိုပြော ဒီပြော စီးပွားရေး အိမ်ထောင်ရေးတွေ ဖလှယ်ကြရင်း...အိမ်ကလူ လည်း ဟိုမှာ ကြာတော့ ပြန်ချင်နေပြီဟ.. ဟိုတလောက.. ငါက ကလေးတွေ တာဝန် တယောက်တည်း ယူရတာ ညည်းတော့..ငါ့ကို ချော့ပြီး..Coach အိတ် တလုံးဝယ် လာတယ်လေ.. လို့ စကားကို အတင်းကြီး အိတ်ထဲ ဆွဲထဲ့တော့တယ်။ အိတ်ရောဂါ ရှိနေပြီ ဆိုတာ သိလိုက်တာနဲ့ .. ချက်ခြင်းပဲ..

ငါကတော့..အိတ်ဆို အကောင်းစားကြီးတွေ ထက်.. ၊ လက်မူထည် တွေပဲ ကြိုက်တာ လို့..ခပ်မြန်မြန်လေး..ကာကွယ် လိုက်ရ တယ်။ တော်ပါသေးရဲ့…။ ကားရှေ့ခန်းမှာ..နှစ်ယောက်အတူ ထိုင်ရင်း.. ကိုယ့် ပေါင်ပေါ် မှာက ၊ ဟို မရောက် ဒီမရောက် သားရေ အိတ် တလုံး မဟုတ်ပဲ.. ၊ ချင်းမိုင်က ၀ယ်လာတဲ့.. မုန်းတိုင်းရင်းဖြစ် လက်ယက်ထည်စ နဲ့ ရောချုပ်ထားတဲ့ လျှော်ချည်သားအိတ် ကလေး ဖြစ်နေပေလို့..။

တရက်သား .. ၀မ်းကွဲ အမ တယောက် ရဲ့ တိုက်သစ် တက်ပွဲ မှာ ဆွေမျိုး တွေ စုံ ကြတော့ ၊ အိမ်ရှင်အမက အမေရိက က မိတ်ဆွေ တယောက် လှမ်းပို့လိုက်တာ ဆိုတဲ့.. အဆင် အပျောက် တွေ နဲ့ အိတ်တလုံးကို တယုတယ ထုတ်လာပြတယ်။ ဈေးတော်တော် ကြီး တာကို ပေးတာဟယ်… လို့ ၊  ကျေနပ်ပြုံးကြီး နဲ့ ပြောနေတုန်း.. တခြား အမျိုးတယောက်က လည်း အားကျမခံ ပေါ့…။  သူ့အသိ ဗိုလ်မှူးကတော် တယောက်များ တအား ရိုး တာတဲ့လေ..  ဒေါ်လာ ရှစ်ထောင်လောက် တန်တဲ့ အိတ် တွေ မသုံးပဲ သိမ်းထား တာ တဲ့ ဆိုပြီး မစားရ ၀ခမမ်း သွားရေတွေ သိမ်းနေလေ တော့ ၊ နဖူးတွေ တော်တော်ပူ ပြီး အာခေါင်တွေ တောင် ခြောက်ချင် လာတယ်။ စကားဝိုင်းကလည်း ရှောင်သွားလို့ မကောင်းလေတော့.. “အင်း..သိပ်လည်း မထူးခြားပါဘူး..ဒီ အဆင် ဒီအကွက် မျိုးတွေ ကို အတု တွေ လည်း အားကြီး ကိုင်ကြတာပဲ.. ” လို့  ကိုယ်မကျွမ်းကျင် တဲ့ ဘာသာရပ် မှာ သွားပါ လိုက် မိတယ်။ ယောင်ဝါးဝါး ကိုယ့် မှတ်ချက်ကို ၊ ခပ်လှမ်းလှမ်း ထောင့်မှာ ထိုင်နေတဲ့.. ယောင်းမ ၀မ်းကွဲ တယောက်က.. ပါးစပ်ကလေး ဟ ယုံ  တချက်ပဲ တုန့် ပြန် လိုက် တယ် ။ ကြည့်ရင်သိပါတယ်.. တဲ့။   သူကိုင်လာတဲ့.. ခရမ်းရောင်မှာ ရွှေရောင် ကြိုးတွေ လိမ်ထားတဲ့.. အိတ်ကို.. ပေါင်ပေါ် ကို မသိမသာ တင် လိုက်ရင်း  တပြိုင်တည်း  စိန်လက်စွပ် ကိုတောင် မတဲ့-တဲ့ အောင် နေရာ ညှိ လိုက် နိုင် အောင် ကျွမ်းကျင် တဲ့ ၊ အဲ့ဒီ ဆွေတော်မျိုးတော် ယောင်းမတော် ကို.. ကိုယ်က လည်း ကြည့်ရင်း ကို သိနေမိတယ်။ သြော်.. အိတ်ရောဂါ ရှိသူတွေ.. အိတ်ဆရာမကြီးတွေ..။

အိတ်ရောဂါ က.. အရပ်ထဲ မှာတင် မကဘူး…နိုင်ငံရေး သတင်း ရပ်ကွက် ထဲမှာတောင် ၊ ဘယ်သူကဖြင့်..ဒေါ်အောင်ဆန်းစုကြည် ကို LV အိတ်တလုံး လက်ဆောင်ပေး တာ ဆိုတဲ့ ကောလဟာရ မျိုးတွေလည်း  ကြားရ တတ်တယ်။ ခုထိ တော့.. ဒေါ်အောင်ဆန်းစုကြည် တယောက် အပျောက်ပျောက် အကျားကျား နဲ့ အကောင်းစား အိတ်ကြီး တလုံး ကိုင်ပြီး ထွက်လာတာ မမြင်မိသေးဘူး။ ဘာပဲဖြစ်ဖြစ်လေ.. ရုရှ သမ္မတဟောင်း ဂေါ်ဘာချော့ဗ် တောင် သူ့ဖောင်ဒေးရှင်း ရံပုံငွေ အတွက် LV  အိတ် နဲ့ မော်ဒယ် လုပ်ပြီး ကြော်ငြာ ရိုက်ခဲ့သေးတာပဲလေ…။ 

ဒေါ် ကြိုင်ကြိုင် အစ ရှိ လို့ ၊ မြန်မာပြည် အုပ်ချုပ်မင်းလုပ်သူ စစ်ဗိုလ်ချုပ်ကြီးတွေ အဆက်ဆက် ရဲ့ ကတော် ကြီးတွေ ကိုင်ခဲံတဲ့ အိတ် တွေ ဆို လည်း ၊ အမျိုးအစားသာ သေချာ မသိပေမဲ့ ၊ အကောင်းတကာ့ အကောင်းစား တွေ ဆိုတာတော့ ၊မေးစရာကို မလို ။ ရွှေအစစ် နဲ့ လုပ်တဲ့ အိတ်တွေတောင် ကိုင်ခဲ့ ကြတာ လို့ ၊ ကြားဖူး ခဲ့ ကြသည်ပဲ။ သူတို့တွေက ထားပါတော့လေ… အကယ်လို့များ ၊ ကိုယ်တွေ ချစ်ခင် လေးစား ရ တဲ့ လူ တယောက်ယောက်ကများ..၊  အမျိုးသမီး တယောက် ကို၊  LV အိတ်တလုံး ၀ယ်ပေးဖို့ ဗျာများနေတယ် ဆိုရင်တော့ ..တော်တော် ဂွကျ မဲ့ ကိစ္စ ပဲလို့.. ပေါက်ပေါက်စစ ရှာကြံ တွေးပူနေ မိ ပြန်တယ်။

ဗိုလ်ချုပ်အောင်ဆန်း တောင် လန်ဒန်က အပြန်မှာ သူ့ မိသားစု အတွက် နိုင်ငံခြားပြန် လက်ဆောင် တွေ ၀ယ်ဖို့  ဒေါ်သန်းအေး ( ဒိုရာသန်းအေး ) ကို ခိုင်းတော့ ၊ ဒေါ်ခင်ကြည် အတွက် အနည်းဆုံးတော့ ၊ လက်ကိုင်အိတ် လှလှလေး တလုံးတော့ ပါသွားခဲ့ မယ် ထင်တာပဲ...။  

အင်းလေ.. မိန်းမ နဲ့ အိတ် ဆိုတာ..ဘယ်မှာ ခွဲခြား ထားလို့ ရ ခဲ့ လို့ တုန်း ။

ကိုယ်တိုင်လည်း  အိတ်တွေ..ဟော တလုံး.. ဟောတလုံး လိုချင် တပ်မက် နေတာမျိုး  မဟုတ်ပေမဲ့ ၊ အခါ အားလျော်စွာတော့…အိတ် ကလေး တလုံး ၀ယ်ဖို့  လိုအပ်နေ တတ်တာပဲ မဟုတ်လား။ တချို့ တွေမှာ.. အကြမ်း သုံးဖို့ အိတ် ဆိုတာ တမျိုး ၊ အလှသုံးဖို့ အိတ်ဆိုတာ တမျိုး ၊ ၀တ်တဲ့ ဖက်ရှင် နဲ့ လိုက်အောင် ပြောင်းကိုင် တဲ့ အိတ် တွေလည်း အမျိုးမျိုး ရှိ တတ်ကြသည်။ ကိုယ်ကတော့..အိတ်တလုံးသာ ဒုံးခံ သုံးတတ်သူမို့ ၊ အပြင်သွားရင် ကောက်ဆွဲ ထွက်သွားယုံ ။ နှုတ်ခမ်းနီက..ဟို အိတ်ထဲ ကျန်ခဲ့လိုက် ၊ လိုင်ဘရီ ကဒ် က ဒီ အိတ် ထဲ ညှပ်နေခဲ့ လုို့ ဆိုတာမျိုး သိပ်မရှိ။ တခါတလေ လည်း ၊ လှတာ ကောင်းတာရယ် ကြောင့် မဟုတ် ၊ သော့ လေး နှိုက် ဖို့ လွယ်တာ နဲ့.. ဖုံးလေး ထဲ့ဖို့  အဆင်ပြေ တာနဲ့ .. လက်ဆုံဝင် ခင်မင် နေတဲ့ ဖန်တရာတေ အိတ်ကလေးတွေ လည်း ရှိ ဖူးသည်။ အခု လက်ရှိ ကိုင်နေတဲ့ ချင်းမိုင် အိတ်ကလေးက ၊ တခုခု လိုချင် လို့ နှိုက်လိုက်ရင်..ဟိုးအောက်မှာ လက်တဆုံးရောက်မှ။ တခါတလေ..ဟန်းဖုံးက..မြည်နေ လိုက်တာ.. ဘယ်မှာ မှန်းမသိ..။

ကိုင်ခဲ့သမျှ အိတ်တွေထဲမှာ..ဈေးအကြီးဆုံး လို့ မှတ်မိနေတာ..စင်ကာပူမှာ အလုပ်လုပ်ကာစ က၊ ၀ယ်တဲ့ Picard သားရေအိတ် အညိုလေး။ သားရေ အစစ် လို့ ရေးထားတာနဲ့..ဘာမှန်းလဲမသိ…သဘောတွေကျလို့..ကျေနုပ်လို့..။ အဲ့ဒီ အိတ်ကလေး ရဲ့ ဘေးဖက်အတွင်းသားလေးမှာ၊ ဒဏ်ရာလိုလေး အနာသေးသေးလေး ပါနေတာကတောင်.. သိပ်ကို သားရေစစ်ကြောင်း သက်သေ ဖြစ်လို့ပေါ့..။ နှစ်နှစ်လောက် ရှိတော့..အဲဒီ အပေါက်ကလေးက..တဖြည်းဖြည်း စားလာတယ်။ ကြည့်နေရင်း..ကြည့်နေရင်း..တကယ့် တိရိစ္ဆါန်တကောင် ရဲ့ ကိုယ်မှာ အနာဖြစ်နေတာကို မြင်နေရသလို..ခံစားလာရတယ်။  အဲဒီ နောက်တော့..သားရေ ပစ္စည်း ဘာမှ မသုံးတော့ဘူးလို့ စိတ်ပိုင်းဖြတ် လိုက်တယ်။ ခုနောက်ပိုင်းတော့.. Ethical goods ဆိုတာတွေ ကို စိတ်ဝင်စားလာတယ်.. ။ fair trade product ဆိုတာတွေကို နားလည်လာတယ်။ Eco friendly တို့  sustainability တို့ ဆိုတာ အာပလာ တွေ သက်သက် မဟုတ်ဘူး ဆိုတာ သဘောပေါက်လာတယ်။ ကိုယ် ၀ယ်လိုက် သုံးလိုက်တဲ့ ကုန်ပစ္စည်း တခု..၀န်ဆောင်မူ တခု ရဲ့ နောက်ကွယ်က အကြောင်း နဲ့   အကျိုးဆက် ကို ၊ ထဲ့တွက် စဉ်းစား နေ တတ် ပြီ ။

ဘာပဲဖြစ်ဖြစ်.. အိတ်တလုံး တော့ ၀ယ်ရ အုံးမည်။

◦

အိတ်ရောဂါ