ငါသည် လမ်းခရီးဖြစ်၏

ပန်းတွေ အမျိုးစုံ အရောင်စုံစွာ ၀န်းရံ နေတဲ့ အပြာရောင် ဓါတ်ပုံကြီး တပုံ ရဲ့ ၊ အပေါ်မှာ ၊ အင်္ဂလိပ်လို ရေးထိုးထားတဲ့ အဖြူရောင် စာတန်းကြီးတခုက ထင်ထင်ရှားရှား ရှိလွန်းနေသည်။ ဓါတ်ပုံထဲမှာတော့ ၊ အပြာရောင် အဖိုးကြီး တယောက်က မေးရိုးတွေ ကားနေအောင် နှုတ်ခမ်းကို တင်းတင်းစေ့လို့ ။ သူ့ ရဲ့ အဘယ သဏ္ဍန် ဖြန့်ကားထားတဲ့ လက်ဝါးပြင်ပေါ်မှာတော့ အနက်ရောင် စာလုံး တချို့ ။ 

အပြာရောင် အဖိုးကြီး ဟံသာဝတီ ဦးဝင်းတင် ရဲ့ ၊ ၀မ်းနည်းအောက်မေ့ဘွယ် အခမ်းအနားကို လာတဲ့ တခြားလူတွေ က တော့ ၊ အဲဒီ အပေါ်က စာတန်းကြီးကုို သတိမူမိချင်မှ မူမိ ကြလိမ့်မည်။ နေရာ အခင်းအကျင်း အဆင်ပြေလို့ သာ ၊ ယုဒသာန် ခန်းမ ထဲမှာ လုပ်ခြင်းဖြစ်ပေမဲ့ ၊ ဦးဝင်းတင် ဟာ ၊ ခရစ်ယာန် ဘာသာဝင် မဟုတ်လေတော့ ၊ ဒီစင်မြင့်ရဲ့ နဖူးမှာ နဂို တည်းက ရှိနေတဲ့ ၊ ဒီ ကျမ်းစာ တကြောင်းကို ၊ လူတွေ သိပ်ပြီး ဥပဒ်မိ ကြမည် မထင်။ 

စာကြောင်း အပြည့်အစုံက 

I AM THE WAY, THE TRUTH, AND THE LIFE. (John 14:6) 

ကျမကတော့ ထူးခြား တိုက်ဆိုင် လိုက်ဖက် လွန်းလှစွာ ယှဉ်တွဲမြင်နေရတဲ့ ဘဘရဲ့ ကြည်ညို စရာကောင်းလှတဲ့ ပုံရိပ် နဲ့ အဲဒီစာတန်းကို ကိုယ့်ဖာသာ ဆက်စပ်ပြီး၊ ကိုယ့်စိတ်ကြိုက် နိမိတ်ပုံ ယူကြည့် နေမိတော့သည်။ 

ဆရာကြီး ယုဒသာန် မြန်မာလို ပြန်ထားတာကတော့ ၊ ငါသည် လမ်းခရီး ဖြစ်၏ ။ သမ္မာတရား လည်း ဖြစ်၏။ အသက် လည်း ဖြစ်၏ - တဲ့။ အရှင်ယေရှု က၊ သူ သေ ရတော့မယ် ဆိုတာ သိတဲ့အချိန်မှာ ၊ သူ့ရဲ့ တပည့် သာဝက တွေကို ၊ အားမငယ်ဖို့ ၊ ကြိုတင်ပြီးတော့ မှာခဲ့တဲ့ စကား တခု ပါ။ ဘ၀ ကို ဘယ်လိုယုံကြည်ချက်နဲ့ ဆက်လျှောက်ရမလဲ ကောင်းမြတ်တဲ့ အကျင့်အလုပ်တွေကို ဘယ်လို ဆက်လုပ်ရမလဲ ဆိုတာနဲ့ သေခြင်းတရားကို မကြေက်ရွံ့ ဖို့ ဆိုတဲ့ ဒေသနာ သုံးပါး ကို ထင်ဟပ်ထားတယ်လို့ ၊ ကျမကတော့ ၊ နားလည်မိတာပါပဲ ။ တကယ်တော့ ဘယ်ဘာသာ ယုံကြည်မူ မှာ မဆို ၊ လူသားရဲ့ ၀ိညဉ်ရေးရာ အခြေခံ လိုအပ်ချက် တွေကို ၊ သူ့နည်း သူ့ဟန် နဲ့ ဆုံးမသွန်သင် ထားတာ ချည်းပါပဲ ။ ဘယ် ဘာသာကိုးကွယ်မူ ကိုမှ မယူဆောင်ထားတဲ့ သူတွေမှာလည်း ၊ ကောင်းမြတ်တဲ့ ၀ိညဉ်စိတ်နှလုံးကို ကိုယ်တိုင် တည်ဆောက်နိုင်ကြပါ တယ်။ 

အခု ပြောချင်တာက ဘာသာရေး ယုံကြည်မူ အကြောင်း မဟုတ်ပါဘူး။ ဘဘဦးဝင်းတင် က လည်း ၊ သူ့ကို ဘယ်လို အယူဝါဒတွေ ကိုးကွယ်ယုံကြည်မူတွေနဲ့ မှ တံဆိပ်အကပ်ခံ လိုပုံ လည်း မရပါဘူး။ ကိုယ့်ဘ၀ အတွက် မတွေးပဲ ၊ သူများတွေအတွက် တွေးဖို့ မွေးလာတဲ့ အရိယာ ပုဂ္ဂိုလ်ကြီးမှာ ၊ ဗြဟ္မစိုရ် တရား က လွဲလို့ ဘာကိုမှ ကိုးကွယ်ယုံကြည်စရာ လည်း မလိုပါဘူး။ အနေရဲ သလို အသေရဲ တဲ့ ကျားရဲ ကြီးမှာ ၊ တမလွန်ကို လည်း ပူပင် ဖို့ မရှိပါဘူး။ ဘယ်လောက်ပဲ ချုပ်နှောင်ထားထား ၊ လွတ်လပ် မြင့်မားနေတဲ့ သူရဲကောင်း ၀ိညဉ်ဟာ ၊ ခန္ဓာကိုယ်ကြီး ချုပ်ညိမ်းသွားစေအုံးတော့ ၊ တတိုင်းပြည်လုံးက လူတွေရဲ့ အသက်ဝိညဉ်တွေ ထဲမှာ ၊ ပြန်ပြီး ရှင်သန် နေမှာပါ ။ တကယ်တော့ ဘဘဦးဝင်းတင် မသေပါဘူး။ 

အခု ပြောချင်တာက ၊ ဘဘဦးဝင်းတင် လူ့လောကထဲက မထွက်ခင် မှာ ၊ တတိုင်းပြည်လုံးကို ထပ်ကာတလဲလဲ ပြောသွားတဲ့ ၊ သူ့ ရဲ့ လမ်းခရီး အကြောင်းပါ။ သူကိုယ်တိုင် ပြတ်ပြတ်သားသား ရပ်ပြခဲ့တဲ့ လမ်းခရီး ။ သူကိုယ်တိုင် ခိုင်ခိုင်မာမာ လျှာက်နေခဲ့တဲ့ လမ်းခရီး ။ လူအုပ်ကြီးရဲ့ ကြားထဲမှာ၊ တယောက်ထီးတည်း လက်ကို အမြင့်ဆုံး ရောက်အောင် ထောင်ပြီး ၊ အားလုံး မြင်အောင်ပြခဲ့တဲ့ လမ်းခရီး အကြောင်းပါ။ သူက ပြောခဲ့ ပါ သေးတယ်။ လမ်းခုလတ် မဟုတ်ဘူး။ လမ်းဆုံ လမ်းခွ တဲ့ ။ ဒီမိုကရေစီကို သွားနေတဲ့ ခရီး လမ်းခုလတ် မဟုတ်ဘူး။ စစ်အာဏာရှင် အရေခြုံစနစ်ကို လမ်းခွဲ ရမဲ့ လမ်းဆုံ လမ်းခွ တဲ့ ။ ငါသည် လမ်းခရီး ဖြစ်၏ - လို့ ၊ ဘဘ က ပြောနေသလိုပါပဲ ။

ကျမတို့ နှမြောတသ ရပါတယ်။ ဒါပေမဲ့ ၊ လူ့ဘ၀ ကြီးမှာ မြင့်မြင့်မြတ်မြတ် ရှင်သန်ပြသွားပြီး ၊ လူဖြစ်ရကျိုးနပ်လွန်းလှစွာ ၊ မေတ္တာတွေ အထောင်သောင်းနဲ့ လူ့လောကကြီးကို အနိုင်ပိုင်း သွားခဲ့တဲ့ ၊ ဘဘ ဦးဝင်းတင် အတွက် ၊ ကျမတို့ ၀မ်းမြောက်ရပါတယ်။ ငါသည် သမ္မာတရားလည်း ဖြစ်၏- လို့ ဘဘ က ပြောနေသလိုပါပဲ ။

ကျမတို့ ၀မ်းနည်းမိ ပါတယ်။ ဒါပေမဲ့ ၊ သေမင်းကိုတောင် ပြုံးပြ သွားခဲ့တဲ့ ၊ ဘဘဦးဝင်းတင် ရဲ့ ဘာမထီ အပြုံးမြမြ နဲ့ စစ်အာဏာရှင် တွေကို လှောင်ရယ်နေတဲ့ တဟားဟားရီသံ တွေက ၊ ကျမတို့ကို နှစ်သိမ့် ပါ တယ်။ ငါသည် အသက် လည်း ဖြစ်၏ - လို့ ၊ ဘဘ က ပြောနေသလိုပါပဲ ။ 

စင်မြင့်ပေါ်က ပန်းတွေ နွမ်းမသွားခင် ၊ စင်မြင့်အောက်က ဖယောင်းတိုင်မီးတွေ ငြိမ်းမသွားခင် ၊ ဘဘ ရဲ့ အပြာရောင် ပုံရိပ်ကြီးကို အသေ အချာ ထပ်ကြည့် မိ တယ်။ ဒီတခါတော့ ဘဘ က မပြုံးပဲ ၊ စူးရှလေးနက်လွန်းတဲ့ အကြည့်တွေနဲ့ ၊ သူ့လက်ဝါးကြီး ကို ထပ်ပြီး ဖြန့်ကားလိုက်တယ်။ အောင်- ဆန်း - စု- ကြည် ဆိုတဲ့ စာလုံးလေးတွေ က၊ ထင်ရှား ပြီး ပီသ လာတယ်။ ဘာပဲပြောပြော ဗမာပြည်ရဲ့ အနာဂါတ်အတွက် ၊ နိုင်ငံရေး သူတော်စင်ကြီး က ၊ ဗိတ္တဇံ ပေး ထားခဲ့ပြီးပါပြီ။ သူ ပြောတဲ့ လမ်းခရီး အတိုင်း ဆက်လျှောက်နိုင် ကြ ဖို့ သာ ပါ ပဲ ။ 

ကေသွယ်
၂၃ ဧပြီ ၂၀၁၄ 
( ဘဘ ဦးဝင်းတင် အား ၊ ဤ စာစု ဖြင့် ပူဇော်ပါ၏ )

မိုးမခ အွန်လိုင်း မီဒီယာ

◦

ငါသည် လမ်းခရီးဖြစ်၏